الحلقة ٦١ من #مذاق_الحرمان
للكاتبة #لبنى_الموسويحسام.. دخلت بـ الليل للبيت
چانوا الكل گاعدين بالصاله بس عسل مو وياهم
سلمت عليهم وباوعت للمطبخ ما شفتهاالحجيه.. مريتك فوگ يبيبي لتدور عليها
حسام.. ليش خو ما بعدهي تعبانه
الحجيه.. ما اعرف لأن ما نزلت اصلاً من الصبح لسه
درت وجهي دا اصعد حتى اشوفها لأن بالي ظل يمها
صاحتني امي
باوعتلها شويه واجيچ يوم بس اشوف عسلوئام.. تعال حبيبي
الكلام الاريد اگوله الك ضروري وميتحمل التأجيلحسام.. خير ان شاء الله
وئام.. خير وليدي خير
حچتها وراحت للغرفه
باوعت البيبي شكو صاير شي ما اعرفه
هزت راسها وگالت بس الله اليگدر يعينك ع الجاي يحسامصفنت عليها محتار ويا نفسي
معقول اكو مصيبه دتنتظرني لذالك بيبي حچت هيچ
عفتهم ورحت لغرفة امي دگيت الباب صاحت تفضلحسام.. ها يوم خير
وئام.. تعال اگعد خل نتفاهم
حسام.. يا ستار يا رب
داحچي بسرعه شصاير مو شلعتي الگلبيوئام.. لگيتلك عروسه
حسام.. هم رجعنا
شلون تالي وياچ بس فهمينيوئام.. لا رجعنا ولا شي
تدري بيه دا اشتغل ع الموضوع من يوم ما خطبتلك دعاء ولليوم واذا انت شايل الفكره من بالك اني گاعد تاكل وتشرب ويايه لليل نهارحسام.. يوم لتحاولين
مراح اسمع كلامچ واتزوج مره ثانيه لسبب واحد بس
لأني احب مرتي ومرتاح وياها وما اريد غيرها بحياتياما اذا تردين تزعلين مني فـ على راحتچ
المهم اني گدام رب العالمين ما غضبتچ بشي ولا چنت عاق وياچ بيوم من الاياموئام.. مو بكيفك
اني خطبتلك شهد من ابوها واخوانها وهم وافقوا عليك
يعني بعد لا اني ولا انت نگدر نتراجع عن هذا الزواجحسام.. شنو هي بكييييفچ
شلون ترحين تخطبيها بدون مترجعيلي فهميني شلوووووووونبعدين هاي يا شهد التردين تزوجيها الي
وحده طفله لا گد الزواج ومسؤوليته ولا تستحق اكسر عسل علمودهاوئام.. لتحچي على بت خالتك علمود هالحقيره
حسام.. واني هم ما اسمحلچ تحچين على مرتي وبت عمي علمود بت اختچ
وئام.. حسام لتعاند امك
اني شرطت وانت ومرتك وافقتوا يعني مالك حجه بعد حتى تتراجع عن كلامكحسام.. اي صح وافقنه
بس فكري بيها شويه ومتأكد راح تلگين الحق ويايه مو وياچعوفي عسل والسوته على صفحه
عمي ما فكرتي بي ؟!
ما گلتي شلون اجازي تعبه بالأذيه بعد كل شي سوا علمودنه خصوصاً وگفته ويا اسر
YOU ARE READING
مذاق الحرمان بقلم لبنى الموسوي الناقل آدم العربي
Romanceقصة حقيقية للكاتبة لبنى الموسوي