الحلقة ٢٦ من #مذاق_الحرمان
للكاتبة #لبنى_الموسوياخذت فيض ورحت الغرفتها وحده تتصفن بوجه الثانيه لأن اثنينه ضايجات ومهمومات ومالنه خلگ السوالف والحچي
صارت بـ١٢ دگ جهاز فيض فداء اتصل بيها
طلعت بره حچت ويا قريب الساعه يلا رجعت وگبل نامت وخلتني وحديبقيت اتگلب مثل السمچه اريد انام ما اگدر بس اغمض عيوني اتذكر الصار ويايه واختنگ اخير شي اخذت المنشفه ورحت اسبح بلكي ارتاح شويه
هستوني طالعه من الحمام سمعت صوت طگطگه بره
تقربت من الشباك باوعت للحديقه ماكو احد
بعدني واگفه اتفرج ما احس إلا انفتحت الباب ما اعرف شلون وطب ياسرمدري شصار بيه من شفته
بعد لا احس برجلي لا احس بگلبي گبل عطت بصوت عالي چان يركض يحط ايده على حلگي ويهمسياسر.. لتصيحين ما اسويلچ شي والله بس جاي اخذچ ويايه حتى ننفذ الاتفاق مالتنه
بدا يحاول يسحبني للحديقه واني ادفر بي بكل قوتي
فجأه تحول الحسام گدامي ظليت اباوع علي مصدومه شديصير هنا شجاب حسام مكان ياسرحسام.. چنت نايم فزيت على صوت عسل تصيح
طفرت من مكاني لگيت امي وفيض واگفات يباوعن عليها والخوف واضح على وجوههندرت وجهي لگيتها واگفه بمكانها وتصيح وكأنو گدامها احد ودتحاول تخلص روحها منه
ركضت لزمت ايدها احاول اهدي بيها شگد اني قوي بس ما گدرت عليها فجأه هدأت وباوعتلي باستغرابحسام.. شبيچ عسل شصار وياچ
عسل.. ياسر
ياسر هذا هنا وآأشر ع الباب منا منا طب وحاول يخطفنيحسام.. يا ياسر شبيچ انتي
عسل.. والله هنا چان وحتى سد حلگي علمود ياخذني ويا بس ما اعرف شصار من اجيت انت
حسام.. عسل باوعي الباب مقفوله شلون يطب يعني
عسل.. گمت اعيط من گلبي
والله چان هنا وراد ياخذني ليش متصدگني
درت وجهي على فيض احچي فيض اكيد شفتي قبل ليجي حسام ويخلصني منهفيض.. حبيبتي عسل ماكو احد يمچ انتي چنتي تصيحين وتدفرين ويا روحچ اكيد ديتهيألچ شغلات ما صارت
عسل.. انهارت اعصابي وما شفت نفسي إلا واني لازمه ايد حسام وابچي
حسام صدگني دا اشوفه گبالي بكل مره مثل المستشفى هم شفته ومحد منكم صدگنيليش متصدگون !! شتردون يعني يخطفني يلا ساعتها تتأكدون من كلامي
حسام ياسر اذا اخذني منكم مراح يرجعني الكم بعد ولا راح يرحمني وداعة باباحسام.. كافي اهدي بس اهدي خلي احچي وياچ
عسل.. مسحت دموعي وباوعت علي