الحلقة ٢٤ من #مذاق_الحرمان
للكاتبة #لبنى_الموسوي
حسام.. كافي ام لسان غمضي عيونچ ونامي دوختيني
عسل.. ههههه
زين وانت شلون تنام
حسام.. من تنامين اطلع اتمدد ع الكراسي بره
عسل.. روح هسه لعد لأن الوقت تأخر
حسام.. لا نامي بلأول انتي يلا اروح
عسل.. ماشي راح انام اني علمودك تصبح على خير
حسام.. وانتي من اهل الخير
رجعت غمضت وهم انعاد الشريط گدام عيني لحد ما نمت بالگوه حسيت الصبح على لمسات فوگ راسي حچيت بهدوء فداء هذا انت ما سمعت صوت
فتحت عيوني ونزيت من مكاني لمن شفت ياسر گبالي ومبتسم بوجهي
عسل.. شجابك هناااا
ياسر.. هههههه الحمد لله ع السلامه عيوني
عسل.. الله لا يسلمك لا انت ولا اهلك يلا ولي منا بسررررعه
ياسر.. ليش ولچ مو جبتلچ حبايب گلبچ يشوفوچ تالي هاي جزاتي تطرديني
عسل.. شنو تقصد !!
ياسر.. باوعي وانتي تعرفين
عسل.. باوعت على ايده اشرلي گبالي
درت وجهي واشوفلك ام ياسر ورسل واگفات يمي لو انتي تخبلت : شجابكم هنا روحو لا اصيح لاخويه عليكم والله العظيم
رسل.. يمعوده قابل شمسويلچ هو احنه بس جاين نشوفچ ونروح
ام ياسر.. مو وجه نعمه من يومها هال××××
عسل.. ياسر اخذهم وروح ما اريد اشوفكم بعد الله ينتقم منك ومنهم بجاه الحسين المظلوم مثل ما اذيتوني وظلمتوني
ام ياسر.. شوف بت الكلب شلون تدعي علينه
رسل.. ههههه اعذريها عمه گلبها محروگ لأن اخذنه رجلها منها
عسل.. كاااااااافي
روحو منا وخلصوني ما اريد اشوفكم بعد طول ما اني عايشه روحوووووو
ياسر.. دنگ عليه وصار يم وجهي كلش : مو بكيفچ حبيبتي اني راهنتچ وانتي وافقتي فلازم تنفذين الاتفاق وتجين ويايه
عسل.. اريد اعرف حسام وين عنك خل يجي يخلصني من قذارتك انت وهذني الوياك
حسااااااااااام تعال وين رحت
ياسر.. حط السلاح بخاصرتي ونبته حيل
لتحاولين تراني ما اخاف وشوفي هذا السلاح كلمه زايده بعد افرغه نص براسه والنص الثاني بكليتچ التعبانه
عسل.. بچيت بحرگه : ياسر شتريد مني عوفني كافي تعبت والله العظيم تعبت
ياسر.. گومي ويايه بسرعه
عسل.. ردت ادفعه چان يأشر لأمه ورسل اجن ربطني واني اصرخ بكل صوتي بس محد يساعدني
حسام..الصبح واگف بالممر انتظر فداء سمعت صوت صراخ كلش قوي
بالبدايه عبالي وحده مريضه بس بعدين من ركزت عرفته صوت عسل طبيت اركض شفت الممرضات يم راسها تدفر ويحاولن يلزمنها
KAMU SEDANG MEMBACA
مذاق الحرمان بقلم لبنى الموسوي الناقل آدم العربي
Romansaقصة حقيقية للكاتبة لبنى الموسوي
