مذاق الحرمان بقلم لبنى الموسوي الناقل آدم العربي

الحلقة ٣٣

الحلقة ٣٣ من #مذاق_الحرمان
للكاتبة #لبنى_الموسوي

حسام.. رحت الفداء بلكت يمه بس ما لگيته
گوم فداء ابو مازن خابر يريدنه ويا عمي

فداء.. خير

حسام.. ما ادري
اگول صدگ ما شفت اسر

فداء.. طلع ما ادري وين راح

حسام.. ماشي ديلا خلي نروح عود بالطريق اخابره

اخذته ورحنه العمي
طول الطريق اتصل بـ آسر وميجاوب ظل بالي يمه كلش وخفت ليكون صايرله شي لذالك مگاعد يرد على اتصالاتي

وصلنه للمركز اتصل عمي بابو ميس دقايق وطلعلنه
سلمنه علي ودخلنه ويا الغرفته چان ننصدم باسر وطاهر واگفين گبالنه

ليث.. شجابكم هنا !!

ابو ميس.. يابه ابو سجاد غير ابنك وابن اخوك طلعوا عصابچيه من الطراز الرفيع

ليث.. يا ستار يا رب شمسوين من مصيبه جديده ولكم

اسر.. عمي كل شي ما سوينه مجرد گدرنه نوصل للساقط الخطف خيال هو وجماعته

ابو ميس.. لا يبوي كل شي ما سويتوا بس وصلتوهم للموت إلا شويه

ليث.. فهمني ابو مازن شديصير هنا

اسر.. اني اختصرلك السالفه عمي
اني وطاهر گدرنه نوصل للخطفوا خيال ومثل مچنه متوقعين منتظر وراهم وهو الدفعهم عليها مقابل مبلغ من المال تافه مثل تفاهتهم

ابو ميس.. ولمن عرفتوا كل هالشي ليش تضربوهم
ليش ما اجيتوا وگلتولي لو گلتوا لابو سجاد حتى نتصرف لو ميتين بايدكم شچان صار مو چان الحق نگلب ضدكم وتخسرون كل شي ساعتها

اسر.. عادي يستاهلون اعتبرهم چلاب وفطسوا

ابو ميس.. حلوه هاي والله
زين وروحك ما فكرت بيها انت وهذا اليمك

اسر.. اخر شي افكر بي نفسي
المهم ارتاح گلبي واخذت ثارنه منهم واكيد الباقي عليكم

ابو ميس.. خليتوا بيها باقي هاي اذا يعيشون على الضرب الماكلي منكم

طاهر.. لتخاف عليهم ميطبهم عرج
اكلوها معدله يومين ويگومون مثل المطي

ابو ميس.. هههه تقصد الحصان

طاهر.. لا المطي حشا الحصان منهم

ابو ميس.. والله ما اعرف شـ احچي وياكم

ليث.. هسه شنو ابو مازن

ابو ميس.. راح احاول اطلعهم من السالفه بس بعد ما احقق وياهم حتى اتأكد من ادانة منتظر وجماعته

اسر.. تتأكد شنو !!!
مد ايده لجيبه وضرب الرام ع الميز هاك اسمع مره ثانيه اعتراف منتظر لصاحبه وشلون خطط وشلون نفذ حتى لتگول ضاربي واخذتوا منه الاعتراف تحت التهديد