الحلقة ٣٨ من #مذاق_الحرمان
للكاتبة #لبنى_الموسويدخلنه للغرفه وگعدنه بالداخل ننتظر السيد
شويه واجه بيده السجل
باوعت علي تذكرت روحي من عقدنه اول مره شلون چنت ضايجه وخايفه عكس هسه يمكن لأن اعرف بطبيعة زواجي من حسام لذالك مرتاحه هالشكلبدا يعقدلنه حسيت على ماما مدت ايدها على ظهري
حاولت ادفعها حتى لتسويها بس گرصتني همزين ما عطت وانفضحنهمدت ايدها لجنطتها
فتحت الچيس وجرت ايدي حطت درهم بي حنه وسدتها حيل
ضحكت على سوالفها يعني هالسوالف راح ترفع بخت لو تصلح حال ما اعرف والله شنو قصدهم منهاسمعت السيد طلب احچي
رفعت راسي عليهم شفت حسام يباوعلي مثل المنتظرها مني رجعت دنگت وگلتهاعسل.. نعم وانت وكيلي
زينب.. بالمبارك يمه شايفين كل الخير ان شاء الله
وئام.. مبروك
عسل.. الله يبارك بيكم
بقوا السيد وحسام يحچون
شويه والكل طلع ظلينه بس اني وامي وباجي وئام
ردت اگوم تقيدت هسه شلون البسه هذا والله يا ماما عليچ سوالف ما تنحچي بين العربانزينب.. شدتسوين
عسل.. اريد اسد هذا الصخام الفتحتي
زينب.. عوفي اني اسوي الچ
عسل.. وشلون تسوي واحنه هنا
زينب.. عادي من ورى العبايه مو صعبه يعني
تقربت مني تسده واني عيني ع الباب
فجأه طب حسام باوع النه باستغراب گبل جريت نفسي منهازينب.. هاي ليش مو بعدني
عسل.. عادي ماما عوفي وعضيتلها شفه
حسام.. صاير شي وياكم ؟!!
وئام.. لا يمه مو يمك سوالف نسوان
حسام.. زين لعد امشوا نزور قبل لا نطلع
عسل.. ردت ابچي إلا شويه
هسه شلون اگدر ازور بهذا حالي ؟! شدعي عليچ ماما بهذلتيني واني مو عايزهطلعنه سوه لگيت بابا راجع لدوامه
راحن ماما وباجي يزورن واني عاندت ما قبلت اروح وياهن بسبب وضعي لذالك حسام اضطر يبقى ويايه بين ميرجعن ويروح يزور هوگعدت ع الصبه اباوع للزوار وحسام واگف يمي
حسيت نفسي مرتبكه منه لأول مره يمكن لأن عقدنه والوضع اختلف
شويه ودنگ شال كتب الزياره من المكان الأني بي وگعد بصفيحسام.. ليش ما رحتي تزورين وياهم
عسل.. مو ممتوضيه
حسام.. اي عادي اخذچ للحمامات النسائيه وتوضي
مو فد مشكله يعني
STAI LEGGENDO
مذاق الحرمان بقلم لبنى الموسوي الناقل آدم العربي
Storie d'amoreقصة حقيقية للكاتبة لبنى الموسوي