مذاق الحرمان بقلم لبنى الموسوي الناقل آدم العربي

الحلقة الأخيرة الجزءالأول

الجزء الاول من الحلقه الاخيره
#مذاق_الحرمان
للكاتبة #لبنى_الموسوي
⁩

بدايات جمعتنا متقاربين ونهايات قربتنا اكثر
ومع ذالك لم ولن نفترق
سنكون معاً بكل حال من الاحوال
وان كتب الله لنا الحرمان سـ نتذوقه سويتاً حتى الرمق الاخير فـ أما ان يقضي علينا او نقضي عليه فنحن أُناسٌ لا تعرف للاستسلام طريق ⁦♥️⁩

اسر.. ها باجي
شنو بعدچ قافله ومتقبلين بيه نسيب الچ

زينب.. ليش انت بعدك رايدها الخيال

اسر.. طبعاً
اليوم وباچر وبعد عشر سنين اظل رايدها وشاريها بماي العين

زينب.. باوعتله وابتسمت
اذا ابوها موافق اني هم موافقه بالخير عليكم وليدي

خيال.. باوعتلها متعجبه
سمعت اسر يگول الـ بابا ها عمي شنو رأيك

چان رد بابا صدمه للكل
اولهم اني الما چنت اتوقع من عنده الرفض بعد ما وافقت ماما

ليث.. لا مموافق

اسر.. ليش عمي ؟!!

ليث.. بدون ليش
بنتي وما اريد ازوجها قابل تجبرني

حسام.. عمي صدگ تحچي

ليث.. وليش من شوكت شايفني متشاقي وياكم بهيچ مواضيع

خيال.. باوعت الاسر ظل صافن على بابا
شويه وگام بدون ميسلم راد يطلع رجع باوع علينه

اسر.. ادري هي شغلة عناد وبسسس
ليش دتركبون راسكم وتشلعون گلبي ان چان حضرتك لو باجي شسويتلكم بس فهموني

ليث.. هاااا
يعني هسه افهم من كلامك انشلع گلبك واخيراً

اسر.. شتشوف انت عمي

ليث.. هو مال انشلع انشلع اكيد
بس مو بگد لوعة گلب بنتي من وراك اسر افندي

اسر.. شنو يعني

ليث.. يعني بعد كل شي صار مالك مره يمي

بس حچاها طلع من الصاله
گبل بابا گال الحسام لتخلي يروح لحگه ع السريع ورجعه لهنا

گام حسام راح ورى
شويه ورجع لازمه من ايده بس وجها ميتفسر من العصبيه بقى واگف يباوع على بابا والكل ساكتين

ليث.. ها ولك
هاي تاليتها تزعل من عمك

اسر.. ما زعلت
بس تعبان اريد اروح للبيت حتى ارتاح

ليث.. والـ يروح  يرتاح يطلع بدون ميسلم ؟!!

اسر.. مو قصدي دايخ ما انتبهت

ليث.. تعال يمي شووو

خيال.. باوعت على اسر
وجها محتقن من العصبيه من يمي انقهرت علي
تقرب على بابا بسرعه گام حضنه وگال

ليث.. موافق يبعد عمك

اسر.. گول والله عمي

ليث.. ههههه
ليش اني الگه احسن منك اگدر أئمن على خيال عنده