الحلقة ٤٥ من #مذاق_الحرمان
للكاتبة #لبنى_الموسوي
خيال.. ليش واگف
بس حچيتها اجه گعد بصفي
باوعت علي شعره بي شيب هواي عبالك واحد عمره بالخمسين مو ٣٣ سنه
فجأه صار اسر بعيوني
وكأنو دا اشوفه گدامي بمكان مازن
بالمكان الي المفروض يكون بي هسه هو مو غيره
نزلت راسي افرك ايدي حيل من التوتر
شگد حاولت اتماسك واگول خلص خيال انسي وابدي حياتچ من جديد بس مگاعد اگدر شبح اسر ميقبل يفارگني
لا ارتاحيت من چنت يمه ولا دا اگدر ارتاح واني بعيده عنه
مازن.. خيال
خيال.. نعم
مازن.. اريد اگلچ شي كلش مهم
خيال.. تفضل اسمعك
مازن.. اني احبچ
صفنت علي فاتحه حلگي من الصدمه
بقى يباوعلي بابتسامه هذا شبي وشگاعد يحچي مگدرت استوعب كلامه بوقتها
مازن.. شنو راح تبقين ساكته
خيال.. شتريدني اگول
مازن.. يعني ابسط شي سأليني
شلون شوكت ليش شگد او ع الاقل سؤال واحد من ذني كلهن
خيال.. شوكت حبيتني
مازن.. من زمان واني احبچ
خيال.. شلون يعني من زمان
مازن.. من چنتي بالكليه
مره من المرات رحت ويا ميس وعرفتني عليچ من بعيد
گالت شوف هذيچ البنيه الواگفه يم المصطبه باوعت عليچ بوقتها سحرتيني بهدوئچ ورزانتچ
گلتلها شبيها ؟!!
گالت هاي اخت صديقك فداء واسمها خيال
من وقتها وانتي معشعشه هنا واشر على گلبه
قبل هنا واشر على راسه
خيال.. يعني هذا الحچي صارله سنين
مازن.. اي تقريباً خمس سنوات
خيال.. لعد شعجب هسه يلا خطبتني
مازن.. ما ردت اظلمچ ويايه
خيال.. شلون يعني تظلمني
مازن.. باوعلي وسكت
دنگ راسه ورجع باوعلي يعني طبيعة دوامي وتواجدي خارج المحافظه اغلب الاوقات مراح يخلي الترتبط بيه ترتاح بحياتها
خيال.. ما اشوف بيها شي
عادي يعني انتو الضباط هم بشر ومن حقكم تأسسون حياتكم وتكونون عائله حالكم حال الكل
مازن.. زين وانتي
ليش رفضتيني اول مره وليش رجعتي قبلتي بيه هسه
خيال.. ماكو سبب معين
ابن عمي خطبني ومن صار ويا الحادث تراجع عن الموضوع هذا كل شي صار
مازن.. اسر يعني
خيال.. اي
مازن.. حيل انقهرت علي
خوش ولد ميستاهل الصار ويا والله
ولو اني مقصر بحقه لحد الأن مرحت اشوفه واطمن علي بس چنت بالموصل قبل يومين يلا رجعت
