مذاق الحرمان بقلم لبنى الموسوي الناقل آدم العربي

الحلقة ١٧

الحلقة ١٧ من #مذاق_الحرمان
للكاتبة #لبنى_الموسوي

هستوني كملت الصلاه دا الف السجاده سمعت صوت ضرب قوي
باوعت من الشباك المحوله دتطلع ضوه وراها انفجرت وراحت الكهرباء

خفت خوف مو طبيعي
شغلت لايت الموبايل وگعدت بصف هدى لازمه ايدها بأيدي واباوع ع الشارع من الشباك سمعت طگت الباب طفرت من مكاني

عسل.. عمار هاي انت اجيت 

طلعت للحديقه كلشي ما اشوف الشارع اظلم هندس
صحت عمار وينك ليش متجاوب عماااااار
محد يرد
- عمار هاي انت الله عليك لتتشاقه هيچ شقه سخيف ترى متت من الخوف

حسيت اكو حركه بالممر قريبه مني
ركضت للباب اريد اطب واقفلها چان احس واحد يحضني من ورى وحط ايد على صدري والأيد الثانيه سد حلگي بيها

ياسر.. اششش لتصيحين اني ياسر

عسل.. تقززت منه وهو لازم صدري
دفعته حيل وگتله : انت شجابك لهنا بهذا الوقت وليش دتطب للبيت مثل الحراميه

ياسر.. بيت اهلي واجيله شوكت ما احب ناقص تحاسبيني بعد

عسل.. ياسر روح ماكو احد بالبيت بس اني وهدى

ياسر.. وهو اني ليش اجيت غير لأن ماكو احد

عسل.. خفت كلش وحسيت كلامه مو نظيف ركضت جوه دا اسد الباب چان يدفعها حيل بحيث وگعت ليوره

جرني من ايدي گومني من الگاع
دفعته بكل قوتي وركضت للصاله اخذت موبايلي من يم هدى حتى اخابر عمار سحبه مني ع السريع

ياسر.. انطيني يا حلوه

عسل.. ياسر جيب الموباااايل

ياسر.. تقرب مني سحبني الحضنه ولطش نفسه بيه : انطيني فرصه خلي اتفاهم وياچ بعدها انطيچ الموبايل وفوگا بوسه

عسل.. وخررررر
انت شدتشوي حرام عليك اني مرت اخوك

ياسر.. واذا قابل مسجلچ طابو بأسمه

عسل.. عزه العزاك ان شاء الله انت صاحي لو شارب شي

ياسر.. لا وعيونچ صاحي

عسل.. شتريد مني احچي

ياسر.. دخلتي ببالي واريدچ

عسل.. شهگت من گلبي : يا قذر يا منحط اني مرت اخوك شلون تخلي عينك عليه

ياسر.. واخلي ×××× عليچ مو بس عيني

اني هنا صدگ انتهيت
باوعت داير مدايري اريد الگه شي يخلصني منه ماكو ،، حاولت اشرد بس ما گدرت لأن فاتح ايده و واگف گدامي اخير شي استسلمت وقررت اسايسه باللسان الحلو بلكت الله يفيد ويا

عسل.. ياسر خلي الله بين عيونك ترى اني مرت عمار تعرف منو عمار
اخوك لحمك ودمك شلون تگدر تدنس عرضه بقذارتك