مذاق الحرمان بقلم لبنى الموسوي الناقل آدم العربي

الحلقة ٢٩

الحلقة ٢٩ من #مذاق_الحرمان
للكاتبة #لبنى_الموسوي

عسل.. صار وقت صلاة المغرب توضيت ورحت الغرفة فيض حتى اصلي بعيد عن الهوسه

هستوني كملت دا الف السجاده سمعت صوت صياح بالبيت كلش قوي
گمت من مكاني مفزوعه وركضت للباب بعدني ما فاتحته اندفر وطب طاهر مثل البركان وماما ورى تصيح علي بس هو ولا مهتملها

طاهر.. يعني صدگ انتي هنا واني عبالي متوهم من سمعت سيرتچ من بين كلامهم

عسل.. باوعت علي وبچيت رأساً
چان يگمز عليه جر شعري حيل وضربني على وجهي گبل طگ خشمي دم

زينب.. طاهر لااااااا
برضاتي عليك عوفها لا اشگ زيجي وادعي ربي ياخذ عمري حتى ارتاح منكم ومن مشاكلكم المتخلص

طاهر.. وخري يممممممه
هديني شو خلي اربيها لهل ساقطه
مو احنه بكيفها تريد تتزوج نزوجها تريد تتطلگ نطلگها وفوگ الضيم كل هذا يصير بلا علمنه

زينب.. المهم ابوك يدري وقابل بكل شي
عوفها لتضربها مو دا احچي وياك ولك وخرررررررر

عسل.. ظل يضرب بيه حيل والكل داير مدايره يجرون بي ويصيحون علي بس هو ولا يمهم لحد ما تجنزت بين ايدي

خيال.. اخابر على ابويه ماكو اتصلت بحسام وفداء هم محد منهم يرد على اتصالاتي
اباوع العسل انتهت بايد طاهر ومحد ديگدر يوگفه رغم ماما شرمخته وبيبي تضرب بي بعصاها بس فاقد وميشوف گدامه غير عسل وبس

فيض.. طاهر كافي لتموت بايدك انت شنوووووووو

وئام.. باجي عوفها حرام عليك تظل اختك ميصير الدتسوي بيها

زينب.. وچ خياااااال
بسرعه خابري ابوچ راح تموت بايده هالمخبل

خيال.. ابجي واعيط محد يرد ماما عجزت واني اتصل عليهم بس محد يرررد
طاهر فدوه عوفها طاهر عوفها
كافي فدوه كاااااااافي باوع شصار بحالها حرام عليك هي اصلاً مريضه ومو حمل هالضرب كله

فيض.. خيال راح تموت بايده شنسوي لازم نتصرف

خيال.. راح اخابر على عمي غياث

فيض.. لا ولچ ميدرون بالصار تريدين تفضحيها يمهم شنو تخبلتي

خيال.. شسوي لعد ابقى صافنه عليهم لحد ميموتها

زينب.. الله لا يرضى عليك طاهر
الله لا يوفقك دنيا واخره روح گلبي وربي غضبانين عليك ليوم الدين

خيال.. باوعت العسل بعد متتحرك ومع ذالك هو مستمر يضرب بيها بحزامه وبايده ويدفر بيها بحذائه  ومحتار شلون يتفنن بتعذيبها
اخذت جهازي ورجعت اتصل بابويه وين يلا رد عليه واخيراً

حسام.. راح عمي صاح الدكتور شويه واجه للغرفه يركض اول ما طب عاط بينه بصوت عالي اخلوا الغرفه بسرررررعه