مذاق الحرمان بقلم لبنى الموسوي الناقل آدم العربي

الحلقة ٣٩

الحلقة ٣٩ من #مذاق_الحرمان
للكاتبة #لبنى_الموسوي

نص ساعه واجه للغرفه سلمن علينه وراحن
اخير شي بقينه وحدنه باوعلي وابتسم گبل گمت من مكاني ورحت باتجاها

فداء.. واخيراً اجه اليوم الصرنا بي وحدنه

شمرت المسكه بالگاع ونزعته سترته
بقى صافن بوجهي شويه وضحك ما اهتميت هي خربانه خربانه اذا طلع الحچي چذب عود اتدارك الموقف بطريقتي ساعتها

فداء.. حياتي هيچ مستعجله دخلي انصلي ع الاقل

ميس.. اي مستعجله كلش

فداء.. هههههه صدگ تحچين

فتحت دگم قميصه نزعتلهيا وشمرته بالگاع
رفعت فانيلته وغمضت ياربي حجيها چذب يا الهي لتصدمني بلانسان الوحيد الحبيته بحياتي

فتحت عيوني والدمعه نزلت ويا ما فتحتهن
باوعت علي بخوف
چان اشوف الوحمه ببطنه واثر الخياط بصدره مثل ما گالت ميس بالضبط

رجعت بخطواتي ليوره
اريد استوعب الگاعد اشوفه گدامي ماكو
حسيت راسي راح ينفجر وجفوني صارت توجعني بشكل مو طبيعي

گعدت ع الچربايه ونزلت دموعي
ممعقوله
ما اصدگ فداء مسويها ومتقرب من بنيه بالحرام ابد ما اصدگ والله العظيم ما اصدگ

زين شنو تفسير الشي هذا
شلون عرفت ميس بالعلامات البجسمه ؟!!
مستحيل شافتهن صدفه هو اني بت عمه وعشرة عمر من الطفوله وماعرفت بيهن إلا اليوم

حسيت على فداء گمبص يم رجلي
لزم ايدي يمسح بدموعي بقيت اباوعله بحقد لو بيدي اگطعه وميرتاح گلبي

فداء.. شبيچ حياتي ؟!!
شصار شو فجأه بعدتي وعفتيني وفوگاها گاعده تبچين

فيض.. باوعتله وسكتت
مخنوگه كلش مگاعد تصدر مني اي ردة فعل غير الدموع الحاره

فداء.. ليش تبچين حاچيني
غلطت وياچ بشي احد ضوجچ بس خلي افهم حتى اعرف اتصرف

فيض.. اكرهك

فداء.. باوعلي وابتسم بصدمه
اكو واحد يكره روحه اكيد دتتشاقين او تتدللين اي شي المهم مو من گلبچ هالحچي

فيض.. لا من گلبي
اكرهك فداء بگد ما چنت احبك قبل

فداء.. ليش !!!
شسويتلچ حتى تكرهيني وبيوم زواجنا

فيض.. منو يعرف بالعلامات البجسمك ممكن تگلي

فداء.. يا علامات ؟!

فيض.. لتغشم نفسسسسك
ودفعته حيل رفعت فانيلته واشرت هاي وهاي منو يعرف بيهم

فداء.. لتصيحين وحاچيني
ليش دتسألين عليهن ؟!!

فيض.. جاوب بلأول وراح تعرف ليش

فداء.. امي بس

فيض.. متأكد