مذاق الحرمان بقلم لبنى الموسوي الناقل آدم العربي

الحلقة ٧٢

الحلقة ٧٢ من #مذاق_الحرمان
للكاتبة #لبنى_الموسوي

حسام.. گاعد بمكتبي اشتغل دگ يمي الجهاز
عرفت الخاتونه گعدت
گمت ع السريع قفلت الباب ورجعت المكاني لأن ناوي عليها هلايام خلص انتهى دورها

شهد.. اي توني گعدت

رافد.. ليش هيچ متأخره
مو اتفقت وياچ نتخابر اول ما اطلع للدوام

شهد.. رافد صدگ تحچي ؟!!
مو للفجر واحنه سهرانين سوه شلون يعني ما انام

رافد.. خو اني هم چنت سهران وياچ
بس مع ذالك گعدت الدوامي من ساعه سبعه

شهد.. انت رجال تتحمل
اني ما بيه ما انام لأن ادوخ كلش

رافد.. لا حياتي گولي اني تنبل مال نوم

شهد.. اي اني تنبل واتصور تعرف هالشي وقابل بي

رافد.. شبيچ شو ضايجه

شهد.. دتغشم نفسك لو شنو بالضبط

رافد.. ولچ والله اضطريت اسد الخط
گعدت مرتي ويا الصلاة وشافتني گاعد گبل فتحتلي حلگها ورطنت الاسطوانه المعتاده مال كل يوم واني مالي خلگها كلش

شهد.. مالك خلگها لو جبان وتخاف منها

رافد.. شنو هالحچي
ليش تخليني اضوج منچ وتعرفين شسوي ساعتها

شهد.. اگولك اني بعد ما اتحمل
خلص راح اسوي مشاكل ويا اهل حسام حتى يطلگني وارجع لاهلي

رافد.. وبعدين

شهد.. بعدين ارجع تقدملي من جديد
وهالمره اكيد ابويه واخواني مراح يرفضون لأن اسمي مطلگه وعاله على گلبهم منا لما يخلصون مني

رافد.. واذا رفضوا

شهد.. ميرفضون صدگ
قبل چانوا يحچون بحيل صدر لأن بعدني بنيه
بس لمن اتطلگ وارجعلهم مكسوره راح يحاولون يتخلصون مني بأي طريقه حتى لو يشمروني على واحد سكير مثلك

رافد.. شنو سكير
لچ احترمي نفسچ واحچي عدل

شهد.. ههههه
غير هي هاي الحقيقه لويش تزعل

رافد.. گولي شراب عرگ اهيب واوجه

شهد.. فديت شراب العرگ اني ههههه

رافد.. دصيري بـ أيدي
إلا اخليچ تتوسلين على ربع گلاص

شهد.. هههههه
يعني شنو راح تتقدملي اذا اتطلگت

رافد.. طبعاً يروحي
هو اني غير گاعد احسب الايام حتى تصيرين يمي شدتحجين انتي

شهد.. وهاي اني راح ارجعلك صاغ سليم شتريد بعد

رافد.. اي همزين هذا النگس ما تقرب منچ

شهد.. اني ما انطي وجه
چم مره حاول بس تعاركت ويا واحترم نفسه وعافني