مذاق الحرمان بقلم لبنى الموسوي الناقل آدم العربي

الحلقة ٢٥

الحلقة ٢٥ من #مذاق_الحرمان
للكاتبة #لبنى_الموسوي

وئام.. وين مو دا اسويلك الچاي

حسام.. لا يمه عمي رايدني لازم اروح

زينب.. خو ماكو شي حسام

حسام.. ما ادري والله باجي علمي علمچ

الحجيه.. روح يمه لتتأخر على عمك

حسام.. اي رايح مع السلامه

وئام.. الله وياك حبيبي

طلعت بتراك البيت بس اخذت موبايلي ويايه
رحتلهم مشي ولمن وصلت شفت الباب مفتوحه استغربت من الديصير طبيت للاستقبال وتفاجأت بعمار گاعد گبالي

حسام.. عمي بيا عين هذا جاي لهنا !!!

ليث.. اني دزيت علي حسام تعال اگعد

حسام.. لتگلي راح ترجعها لهذا الحيوان لأن اذا هيچ هسه اخلي واروح

ليث.. يمعود تعال اگعد مو شلعتوا گلبي انت وفداء

حسام.. گعدت وعيوني الحاقده ما نرفعت من علي
اريد اعرف بيا عين اجه لهنا بعد كل شي سوا وشيريد جاي !! هم عباله راح ياخذ عسل بكل سهوله
لا والله هالمره يموت وميحصلها لو مو عمي يوگف بوجهي

ليث.. حسام وين صافن

حسام.. وياك عمي

ليث.. گوم اقفل البيبان وتعال

عمار.. ليش !!!

ليث.. لتخاف بس نتفاهم احنه عالم متحضرين متبدر منه تصرفات الجهال

حسام.. گمت قفلت البيبان وداخلي اتمنى الشي الدا افكر بي يطلع صح
رجعت يمهم وبدا عمي يحچي ويا وهو عبالك واحد لازمي للتحقيق وجها صار ينطي الوان

ليث.. اي سولف شصار وليش تزوجت على بنتي

عمار.. قبل كل شي گلي هي وينها

ليث.. موجوده ببيت ابوها بالمكان المچان مفروض تطلع منه الكم

عمار.. وشلونها زينه ؟؟

حسام.. شتگول انت
بعد كل شي سويته بيها راح تكون زينه !!!

عمار.. اعرف والله ومتدرون شگد متندم
اتمنى يرجع الزمن ليوره فلا چان اجرحها واخذلها بهل طريقه الخبيثه

ليث.. عوف هالحچي وسولف النه
طبعاً احنه سمعنه منها بس لازم نسمع منك انت هم حتى لنظلمك بحكمنا

عمار.. عسل متچذب يعني كل شي گالته الكم صحيح ميه بالميه

ليث.. مع ذالك نريد نسمع منك

عمار.. شتريدون تعرفون اني حاضر

ليث.. شلون تزوجت عليها ومنو وليش

عمار.. بت خالي
بعد ما مات رجلها وخلصت العده اخويه راد يتزوجها
خابرتني وتوسلت بيه حتى اخلصها من هالزواج لأن ياسر واحد مينجرع بمعنى الكلمه واتصور عدكم علم شنو هو وشنو انجازاته بالحياة بعد ما سألتوا عليه من تقدمت العسل