الحلقة ٣٦ من #مذاق_الحرمان
للكاتبة #لبنى_الموسوي
وئام.. اي وليدي سولفلنه
منو هاي الامها داعيتلها وراح تصير مريتك
حسام.. عسل يمه
وئام.. طفرت من مكانها بعصبيه شدتحچي اااااانت
فيض.. صدگ حسام !!
وئام.. احچي ولك ااااااااحچي
صح الگاعد اسمعه بأذني لو اني متوهمه
گلي متوهمه وريحني گلي گاعد اتشاقه وياچ بسرعه
حسام.. لا يمه مثل ما سمعتي
اني اريد اتزوج عسل وما اتراجع عن قراري
اسر.. شگلت شگلتتتتتتت !!!!
عسل.. طفرت من مكاني بس شفته گبالي
وباجي وحسام ركضوا علي لأن چان وضعه مو طبيعي اليشوفه يگول چان داخل حرب
وئام.. اسر يمه وين چنت
شنو هذا حالك اااااحچي لتخوفني عليك
حسام.. الحمد لله على سلامتك خويه
صدگ چذب ليش سويت بينه هالشكل واستلم عمي اذا لزمك شـ يخلصك منه بعد
عافهم واجه باتجاهي بعصبيه
گبل حطيت ايدي على راسي گلت راح يسحلني من هذا البيت ما بيها مجال چان يصيح حسام
حسام.. شدتسوي ااااسسسر
دير بالك تتهور وصار گباله دفعه ودنگ عليه صار بمستوايه وعاط
اسر.. وخري اااايدچ
وخريها لتخافين ما اضربچ مو ناقص غيره حتى امد ايدي عليچ
عسل.. باوعتله ودموعي بعيني چان ينززني صوته
اسر.. شررررجعچ !!
احچي ليش رجعتي و وين هذاك الساقط الفضلتي علينه
شصار ولچ لتظلين ساااكته احچي شصااااااار
حسام.. اسر لتصيح عليها
شو وخررررر وجره من گدامي چان يدفعه حيل
اسر.. انت بالذات لتحچي
ما اريد اسمع صوتك ولتناقشني ابد لأن ساعتها ميصير خير
وئام.. لتتعاركون گدامي
لتتعاااااااركون تسمعوني لو لاااااااااااااا
حسام.. اسر اگعد خل نحچي
ميصير كل شي تاخذه بالصياح والمشاكل الامور مراح تنحل هيچ
اسر.. شلون تنحل لعد !!
بزواجك منها بعد ما باعتك وراحت
دار عليهم وصاح بكل صوته
فهموني هاي من شوكت هناااااا وليش ما عندي خبر ليش محد منكم بلغني بوجودها كل هلايأم
اكيد من زمان هنا مو ؟!
اكيد تطلگت من فتره وعمي ما استقبلها بعد كل شي صار واخويه الرجال قرر يصير شهم كالعاده ويرجع يتزوجها ولا كأنها سوت شي
حسام.. اسر كافي
اسر.. هو شنو الكاااااافي ودفعه
رجع حسام دفعه وتلازموا بيناتهم گبل باجي طفرت صارت بنصهم وصاحت
وئام.. لتخلوني اطلع من البيت واعوفلكم الجمل بما حمل
صيروا اوادم وانهوا هالمهزله ،،وانت حسام لو السما تنطبگ ع الگاع مراح تتزوج عسل وغير هالكلام ما عندي
