الحلقة ٤٣ من #مذاق_الحرمان
للكاتبة #لبنى_الموسويخيال.. دنرجع البيتنه صار اسر گبالي
هستوه طالع من غرفته بالكرسي تقربت منه قبل لا ينتبهون علي ودنگت اهمس بصوت ناصي يم اذنه
ما اعوفك اسر لو شما تسوي ما اعوفك وابقى وياك لذالك لتعب نفسك وتتصرف ويايه بحقارهباوعلي بخزره بدون ميجاوبني
ابتسمت بوجها ورجعنه البيتنه چنت احاول اقوي نفسي واتحمل علموده هو
علمود يتقوه بيه ويرجع اسر القديم الميهزه شي مهما كان چبيرثاني يوم واگفه ويا فيض بالمطبخ نشتغل اندگ الجرس
راحت تشوف منو شويه وسمعت صوت باجي وئام نصيت النار وطلعت بسرعه سلمت عليهازينب.. ليش ما جبيتيهم وياچ واجيتو ع الغده
وئام.. لا حبيبتي غير مره بس اجيت ابلغچ تجهزين نفسچ العصر نروح نخطب حوراء بت غياث لآسر
خيال.. صفنت عليها مصدومه ولا ارادياً حچيت
يا حوراء يا غياث شدتحچين باجي ؟!!!زينب.. شنو السالفه وئام
غير ابنچ خطب خيال قبل شهرين شنو هسه تردين تخطبيله بت غياث قابل الشغله لعبهوئام.. والله يا ام سجاد متدرين شسوه بيه
من گد ما خفت من عصبيته لبست عباتي مگلوبي واجيتكم اركضزينب.. مو عذر هذا
ممقبول هالكلام لا منچ ولا من ابنچ الشفيهخيال.. بقيت ساكته
اصلاً شـ احچي والكلمات تعجز عن وصف الشي الحسيت بي ساعتهافيض.. باجي اهدي كل شي ينحل بس خلي نفهم السالفه
سحبت امي الغرفتي وقفلت الباب
ماما احچي شصار شبي اسر تخبل فجأه وشجاب حوراء على باله هو مو يريد خيالوئام.. وچ خلي افتهم اني بلأول بعدين اشرحلچ
فجأه الصبح وبدون مقدمات طلع من غرفته عصبي وروحه بخشمه حتى ما قبل اخذه يغسل گبل گلياسر.. يوم العصر روحي البيت عمي غياث خطبيلي حوراء
وئام.. سالمين شبيك
وبت عمك الخطبتها شنو موقعها من الاعراباسر.. ما خطبتها هي كلمه انگالت وراحت بوقتها قابل صار شي رسمي
وئام.. اسر شنو هالحچي
البنيه انخطبت وانت وگفت بوجه قسمتها وگلت اريدها
شنو فجأه گلبت وتريد تخطب غيرها لا ومنو بت عمها يعني الضربه من الطرفين ترى متستاهل خيال تسوي بيها هالشكل وهي تحبكاسر.. اني رايد حوراء
شنو غصب اخذ خيال واذا على كلمتي اني مو رجال ولا عندي كلمه بعد شتردين
انتي وغيرچ افهموا هالحچي حتى لتدوخونيوئام.. اول شي لتصيح بوجهي
ثاني شي مو وكت خطوبه هسه متشوف حالكاسر.. شنو لان گاعد ع الكرسي !!
لا اول ولا اخر واحد يتزوج وهو مقعد ولا البنات خلصن حتى تخافين حوراء ترفضني بسبب وضعي