الحلقه السادسة من #مذاق_الحرمان
للكاتبه #لبنى_الموسوي
حسام.. چنت گاعد بالمكتب اكمل الشغل العندي دگ موبايل فداء عمي ديتصل
فداء.. ها يابه
اي يمي ليش ؟؟
انت شوكت ترجع للبيت
زين لعد ساعه ونصير يمك بس خو ماكو شي
خو ان شاء الله
حسام.. خير شرايد عمي
فداء.. يريدني اني وياك بموضوع
حسام.. ما گال شنو هو ؟!
فداء.. لا گال تجون وتعرفون
حسام.. ماشي خلي اخلص الشغل البيدي ونروحله
فداء.. اي هو اصلا گال ساعه ساعه ونص يلا رجع للبيت
اسر.. يلا شباب اني رايح تردون شي
فداء.. وين ابو اليسر انتظرني نروح سوه
اسر.. يمعود شنتظرك عمي وراح يلزمك شيفكك منه بعد
اودعناكم
فداء.. الله وياك
ما گدرت اكمل شغلي واستعجلت على گد ما اگدر حتى نروح نشوف عمي شيريد منه
وصلنه للبيت فتح فداء الباب ودخلنه شفت عسل واگفه بالحديقه تخابر بس ما عرفت المن
ارتبكت كلش لمن شافتنه .. ظلت صافنه بوجهنه والخوف بعيونها
شكيت بأمرها بس داخلي گلت لا مستحيل عسل تسويها هاي تربية ايدي واعرفها اكثر من نفسي
فداء.. ويامن دتحچي ؟!!
عسل.. ويا صديقتي
فداء.. وليش بالحديقه ما عندچ غرفه مو صوتچ يصير بالشارع
عسل.. چنت مخنوگه وطلعت اشم هوى فمن اتصلت جاوبتها
فداء.. ابويه اجه لو لا
عسل.. لا بعد
دخل عمي بهلأثناء سلمنه علي ورحنه ويا للأستقبال بس تفاجأت كلش بالموضوع الفتحه ويانه
ليث.. اليوم اجه شاب طلب مني ايد عسل
فداء.. منين هذا ؟!
ليث.. يشتغل بمطعم وشايفها هناك وانعجب بيها
فداء.. وهذا ميعرف بلأصول لو شنو بالضبط
يعني اتصور اليريد يخطب يدز اهله اول ومن تصير الموافقه عود ساعتها يجي ويحچي ويا ابوها
ليث.. ما عنده احد بس امه
وهو راد ياخذ موافقتي وراها يدز مشية نسوان
فداء.. وشنو ناوي توافق
ليث.. لا طبعاً شعرف عنه حتى اوافق
بس اذا سألت عنه وطلع خوش ولد وسألت عسل وشفت منها قبول ليش لا
حسام.. لا عمي اني رايدها العسل بس دا انتظرتها تخلص سادس وراها اتقدم حسب الاصول
ليث.. باوعلي وابتسم : هو هذا الكلام الچنت منتظره منك
هذا هو بالخير عليك وليدي
