مذاق الحرمان بقلم لبنى الموسوي الناقل آدم العربي

الحلقة ٣٥

الحلقة ٣٥ من #مذاق_الحرمان
للكاتبة #لبنى_الموسوي

ام ميس.. عيني ام سجاد خلينه نحچي بالمهم

زينب.. خير ام مازن گولي عيوني

ام ميس.. ان شاء الله خير
هو صح هالكلام المفروض ينگال ببيتكم
بس رحنه وتعنينه وما لگيناكم هنا فـ اجينه لبيت عمكم لأن الموضوع ميحتمل التأجيل

زينب.. خوفتيني خو مصاير شي

ام ميس.. لا كل خير لتخافين
جايتچ اليوم حتى اطلب ايد خيال لأبني مازن على سنة الله ورسوله

خيال.. باوعتلها مصدومه ما احس إلا فيض جرت ايدي حيل

فيض.. هاي شدتخربط

عسل.. عيب ولچ شنو هالحچي لتسمعچ

فيض.. يا عيب غير راح انجلط جلطه ثلاثية الابعاد

خيال.. اسكتن فشله خلي تروح المره والغن شگد متردن

ام ميس.. ها شو ما سمعنه رأيچ

زينب.. والله نتشرف بيكم بس مثل متعرفين الرأي الأول والأخير الابوها والها
اني ما اگدر انطيچ حچايه بهالموضوع

ام ميس.. اذا على ابو سجاد اكيد راح يوافق لأن هو وابو مازن اصدقاء وحبايب
وبنفس الوقت ابوكم يعرف كل شي عن ابني مازن يعني ميحتاج اگعد اشرحلكم اصله وفصله

زينب.. والنعم منكم ومنه بس ارجع واگلچ الرأي للبنيه والابوها مو الي

ام ميس.. اي لعد حبيبتي خيال سمعيني موافقتچ حتى نطلع منا فرحانين

خيال.. سويت روحي خجلانه حتى اشرد من الموقف چان تگرصني فيض وتهمس بصوت ناصي

فيض.. اسر اسر اسر لتنسين اسسسسسسر
والعباس ابو فاضل يحط بيچ ديناميت ويفجرچ بنص بيتكم وهاي اني حذرتچ

خيال.. اسر لو لأن اخو ميس ومتردي

فيض.. الاثنين
هم علمود اسر وهم لأنه اخو ميس زمال اقصد زامل

خيال.. مازن حبيبتي مازن

فيض.. حلوووووو
وينك استاذ اسر تعال شوف خوخه شلون تنطق اسم غيرك بصدر مفتوح

خيال.. لا عاد كلش راح يهتم
خليني ساكته احسن وانتي هم انلصمي فشله المره دتباوع علينه

وئام.. الله كريم ام مازن نسأل ابو سجاد وبعدين نحچي بالتفاصيل لأن اكيد موافقته هي الاهم

الحجيه.. يمه كل شي بالقسمه
اذا هي قسمته راح تصيرله اول وتالي لذالك لتستعجلين وخليها ورى ربچ

ام ميس.. ونعم بالله
بس والله احنه شاريكم لأن ناس ذهب ونسبكم يشرف

الحجيه.. انتو الذهب
بس مع ذالك منگدر نحچي شي اذا ما سمعنه الموافقه من ابني