مذاق الحرمان بقلم لبنى الموسوي الناقل آدم العربي

الحلقة ٢٧

الحلقة ٢٧ من #مذاق_الحرمان
للكاتبة #لبنى_الموسوي

حال عسل 💔
الفكره من حبك شنو !!
لا بي فرح لا شي حلو
غشيتني بكلمة دفو وطلعت احضانك بارده
لا تنحزر لا تنفهم
تجرح وما عندك علم
خليني اصحى من الحلم ليش الاذيه الزايده

حال حسام 💔
اريد انساك وانه ادري اليحب لو راد صعبه يسوي اليريده
الحاجه التنعرض بالسوگ عليها الي يمد العين مو مثل اليمد ايده
الله يساعد اليريد واحد حيل ميريده
ماتت فكرة النسيان وانه بشوفتك انسان باول لحظه من يشتاگ تتغير تقاليده

عسل.. صعدت فيض ليگدام واني صعدت وره
ظليت طول الطريق ادعي واتوسل برب العالمين يطلع ماكو حمل ولو كل شي يگول العكس بس يظل املي برب العالمين اقوى من كل شي

وصلنه للمختبر شويه ودخلنه للتحليل
سحبت الدكتوره مني دم وگالت انتظروني برى ربع ساعه وتطلع النتيجه

گعدت ع الكراسي انتظر بقلق واردد بداخلي ايات وسور يمكن ختمت القرأن على گد الخوف الحسيت بي ساعتها
وفعلاً ربع ساعه وصاحت السكرتيره عسل ليث

عسل.. فيض روحي انتي جيبيها ترى رجلي متعيني بعد

فيض.. اي ليش لا تدللين

باوعت عليها من بعيد دتحچي ويا الدكتوره
شويه ورجعتلي گالبه وجها هذا هو عسل معناها رحتي بيها والله يرحمچ من هسه

فيض.. عسل

عسل.. لتحچين فيض عرفت بروحي حامل من الله كون ياخذني بهالساعه حتى ارتاح من حياتي وگمت ابچي

فيض.. لتبچين حبيبتي تنحل ان شاء الله بس لازم تقوين نفسچ الطفل حرام ماله ذنب بالصار بينچ وبين عمار

عسل.. يا طفل هذا والله ما ابقي

فيض.. وچ حرام عليچ عبالچ الشغله لعبه
بعدين منو راح يطاوعچ ويخليچ تسقطي والله مخبله

عسل.. فيض المن اجيبه اذا اني وابو راح نتطلگ
اصلاً حرام اذا ابقي لأن راح يصير لعبه بـ ايدينه والله اليعلم شراح يسوي عمار لمن يجي للدنيا مو بعيد ياخذه مني ويخليني بحسرته بس حتى يضغط عليه وارجعله

فيض.. كافي اهدي يمعوده مو شفتچ صارت زرگه

عسل.. گعدت ع الكرسي مخنوگه اريد اتنفس ماكو
مي فيض راح اموت بسرعه 

فيض.. عسل

عسل.. مي يمعوده مو راح يغمى عليه والله العظيم

فيض.. ههههههه وچ مو حامل لتموتين صدگ وابتلي بيچ

عسل.. رفعت راسي باوعتلها مصدومه شدتحچين فيض هسه شنو حامل لو لا

فيض.. لا مو حامل

عسل.. يا چلبه يا حقيره الله لا يوفقچ دمرتيني و وگعتي گلبي ليش ولچ ليييش

فيض.. ههههه وچ على كيفچ مو العالم گامو يباوعون علينه