⚠⚠⚠ A Little Warning
28 Dec 2020
အခန်းလွတ်ထဲထည့်သိမ်းထားသော Luggage နှစ်လုံးကိုထုတ်လာပြီး အိပ်ခန်းထဲဝင်လာသောအစ်ကို့ကိုတွေ့လိုက်ချိန် ကုတင်ပေါ်မှာမှောက်လျားထိုးဂိမ်းဆော့နေရာကနေ ထမေးလိုက်၏။
"အဲအိတ်တွေကဘာလုပ်မလို့လဲအစ်ကို"
"ခရီးဆောင်အိတ်ထုတ်လာမှတော့ ခရီးသွားမလို့ပေါ့ဗျာ"
"ဟင်"
ရန်ကုန်ရောက်ပါပြီဆိုကတည်းက ဘယ်မှမသွားဖြစ်ခဲ့တဲ့အစ်ကိုတစ်ယောက် ငြီးငွေ့နေပြီထင်ပါရဲ့။ အကျိုးအကြာင်းလည်းမသိရပါဘဲ ရုတ်တရက်ခရီးသွားမယ်ဆိုလာတော့စိတ်ဝယ်ထင့်သွားသည်။
"ဘာတွေတွေးပြီးမျက်နှာလေးပျက်သွားရတာလဲကလေးရဲ့။ အစ်ကိုတို့အတူတူသွားမှာလေကွာ။ ကလေးအလုပ်တစ်ဖက်နဲ့ဒီကာလကြီးမှာ ဘယ်လောက်မွန်းကျပ်နေလဲအစ်ကိုသိတာပေါ့။ အလုပ်တွေခဏမေ့ထားပြီးခရီးသွားရအောင်လေ နော် "
အစ်ကို့စကားကြားလိုက်မှ အံ့အားသင့်သွားသည်။ နှစ်ယောက်တူတူခရီးသွားမလို့တဲ့။ ထိတ်ကနဲပျော်သွားတဲ့စိတ်လေးက လက်ရှိကပ်ရောဂါကာလကြီးကိုအသိဝင်လာချိန်တွင် မှုန်မှိုင်းသွားရပြန်၏။
"ဒီအချိန်ကြီးခရီးသွားလို့ရပါ့မလားအစ်ကိုရာ"
"သွားလို့ရအောင်ကြံဖန်ရတာပေါ့ဗျာ။ လွယ်တော့မနေဘူးပေါ့"
ပြုံးစေ့စေ့နဲ့ပြောလာတဲ့အစ်ကို့မျက်နှာက ပျော်ရွှင်နေပုံနှင့်တက်ကြွနေ၏။
"ဘယ်ကိုသွားမှာလဲဟင်"
"ဘူမိနက်သန်"
"ဟင်...ဘာကြီး"
"ကိုယ်တို့ရဲ့အချစ်စတင်တဲ့နေရာလေးလေကွာ၊ ကလောပေါ့ကလေးရယ်။ အချစ်တို့စတင်ရာဘူမိနက်သန်နေရာမှန်လေးလေ"
အစ်ကိုတစ်ယောက်အခုတလောကဗျာတွေသိပ်ကိုဆန်နေတာပါ။
"ဟင်...တစ်ကယ်လား"
"တစ်ကယ်ပေါ့၊ ထ...အဝတ်အစားတွေအစ်ကိုထည့်ပေးမယ်နော်။ ကလေးဝတ်ချင်တာတွေကုတင်ပေါ်မှာပုံထားပေး"
![](https://img.wattpad.com/cover/202397934-288-k606458.jpg)
YOU ARE READING
ဆုံစည်းခွင့်
Romanceစစ်မှန်သောချစ်ခြင်းတရားတိုင်း ဆုံစည်းခွင့်ရှိစေ။ #Firstlove #Boy Love #Romance #Drama #Complete (Unicode)