"ကိုသွေး"
"ဗျာ Chef"
"အသီးတွေကိုလှီးပြီးရင်ဒီဘက်လာခဲ့ဦး။ ကိုယ်ဟင်းပွဲတွေစချက်တော့မယ်၊ မင်းလာကူပေး"
"ဟုတ်ကဲ့ Chef၊ လာပါပြီခင်ဗျ"
အဆင်သင့်ချက်ရန်အတွက်ပြင်ဆင်ရသော အသီးအနှံလှီးခြင်း၊ အရွက်တွေဆေးကြောခြင်း၊ ထုတ်ပိုးသိမ်းဆည်းရခြင်းတွေက Cook helper များလုပ်ဆောင်ရတယ်ဆိုပေမဲ့ ဒီမှာကျလုပ်ချင်သူကအတော်ရှားသည်။ ပန်းကန်ဆေးသမားလေးတွေကို အားလျှင်အားသလိုခိုင်းတတ်ကြပြီး လုပ်ရမဲ့သူတွေကအချောင်ခိုနေတတ်တာကိုတွေ့နေရတတ်၏။
အဆင့်ဆင့်လုပ်ဆောင်ရတာမျိုးဆိုပေမဲ့ တစ်ချို့ Cook helper တွေကအဆင့်ကျော်ပြီး ချက်ပြုတ်တဲ့ဘက်ကိုပဲအလေးထားလွန်းသောကြောင့် နောက်ပိုင်းတွေလစ်ဟင်းရပေါင်းလည်းမနည်းခဲ့ပါ။ ကျွန်တော်တစ်ယောက်ထဲဒိုင်ခံပြင်ဆင်ပေးခဲ့ပါသော်လည်း ဧည့်သည်ကျသည့်ရက်မျိုးတွင်ပစ္စည်းတွေကအဆင်သင့်မရှိခြင်းကြောင့် ကသီခဲ့ရတာလည်းအခါခါ။
အချင်းချင်းတွေဖြစ်နေသောကြောင့်မပြောချင်ပေမဲ့ အလုပ်မတွင်ကျယ်တာတော့အမှန်။ အဆူခံအပြောခံရတော့ အားလုံးသိမ်းကျုံးပြီးပြောခံရ၏။ ခုလည်းအရေးကြီးတဲ့ပြင်ဆင်ရေးထက် ချက်ပြုတ်သောနေရာတွင်သာလူစုနေခြင်းကြောင့် Assistant Chef က အလုပ်တာဝန်တွေကိုခွဲဝေပေးနေ၏။
ကိုယ့်တာဝန်ကိုယ်ပြင်ဆင်နေချိန်တွင် Chinese Chef ကလှမ်းခေါ် လိုက်ခြင်းဖြစ်သည်။ Dinner ပွဲကြီးရှိသောကြောင့် Kitchen ထဲတွင်ဗြောင်းဆန်နေကြ၏။ အခေါ်စကားအရကျွန်တော်က Chef ကို ကူလုပ်ပေးရတော့မယ်ဆိုတာကိုသိလိုက်သောကြောင့် လှုပ်ရှားနေသောစိတ်နှင့်အနားတိုးကပ်သွားချိန်...။
"လိုက်မှတ်။ ပုဇွန်တန်ပူရာ၊ ဝက်ချိုချဉ်၊ ကိုက်လန်ခရုဆီ ၊ ကြက်ကြံမဆိုင်ဟင်းရည်ဆယ်ပွဲစီထုတ်ပေးရမယ်။ ဝက်ချိုချဉ်နဲ့ကိုက်လန်ခရုဆီ ၂ မျိုးကိုမင်းချက်လိုက်။ ပြီးရင်ဟင်းပွဲတွေအားလုံးစစ်ဆေးပြီးမှ ရှေ့ကိုထုတ်ပေးလိုက်၊ ရတယ်နော် "
"ဟုတ် Chef၊ ဟိုနေ့က Chef ပြထားတဲ့ Plating အတိုင်းပဲထွက်လိုက်မယ်နော်"
![](https://img.wattpad.com/cover/202397934-288-k606458.jpg)
YOU ARE READING
ဆုံစည်းခွင့်
Romanceစစ်မှန်သောချစ်ခြင်းတရားတိုင်း ဆုံစည်းခွင့်ရှိစေ။ #Firstlove #Boy Love #Romance #Drama #Complete (Unicode)