تزوجنى لينتقم ولكني أحببته

البارت الرابع عشر

انت انتهى البارت اللي فات على منه محمد لما كانوا بيتكلموا على العريس المتقدم لمنه وهو جاسر
يلا بينا نشوف هيحصل ايه
Enjoy.
___________________
قال محمد : طيب وفرح دعاء هنعمل فيه ايه هنسيب خطيبها شاكر يعمل اللي هو عايزه ويتجوزها
وهو اساسا ما بيحبهاش .
قالت منه : لا شاكر ده سيبه عليا انا انا مجهزاله خطه جهنميه وكمان هبدأها النهارده بس عايزه منك طلب عايزاك تروح تاخذ رقم شاكر من تليفون دعاء بس بدون ما دعاء تعرف علشان ما تشكش فينا .
محمد : تمام بس انتى هتعملي بيه ايه عايز اعرف .
منه : هاقولك بس الاول تروح تجيب الرقم من دعاء تمام ؟ .
محمد : ماشي خليكى هنا انا رايح اجيبه وجاي بسرعه .
هزت منه رأسها بالايجاب .
غاب محمد عنها لمده دقيقتين ثم عاد اليها وهو يحمل هاتفه .
منه : ها جبته .
محمد : أيوة اهه .
اخرجت منه الخط الجديد ثم وضعته في هاتفها بعد ما اخرجت خطها ثم اخذت رقم شاكر من محمد و سجلاته علي هاتفها .
محمد : ها يا ستي قوليلى هتعملي ايه بقى .
قصت له منه ما قالته لمريم فاتسعت عيون محمد بشده وقال لها : انتى اتجننتى انتى عارفه انتى هتعملي ايه .
منه : مافيش غير الحل ده اللي قدامى الوقت قلى انت هنعمل ايه وفرح دعاء قرب خلاص ومفيش قدامنا متسع من الوقت .
محمد بتردد : بس ده خطر عليكى ممكن يعملك حاجه انت ما تعرفهوش ممكن يعمل اي حاجه علشان يوصل للي هو عاوزه .
منه بتنهيده : ربنا يسترها بقي .
قالت : طيب بص انت هتكلمه وانا هقولك تكتب ايه بالضبط .
محمد بتفكير : طب وافرضى يا ذكيه قال ابعتى ريكورد .
منه بذكاء : سهله اوى هنحمل برنامج مغير الصوت وممكن انت تتكلم او انا المهم ميعرفش اصواتنا الحقيقيه .
محمد بإعجاب : ايه يا بت الدماغ دى جايبه الذكاء دا منين .
منه بهزار : عارف عمك حسين اللى تحت دا جارنا .
محمد بإستغراب وغباء : ايوة عارغه بس ايه علاقته بيكى .
منه بمرح : ما انا جايبه الذكاء من عند عم حسين .
ضربها محمد على مؤخرة رأسها بخفه وقال : بطلى لماضه يا لمضه .
تأوهت منه بألم وقالت : يخربيت كدا هى اديدك تقلت كده ليه .
ضحك محمد بخفه ثم قال بجديه : يلا بقي قولى هكتبله ايه .
منه بجديه هى الاخرى : اكتب في الاول كده هاى .
نظر لها محمد بحاجبان معقودان فقالت منه : اكيد يعنى البنات اللى بيكلموه مش هيقلوله السلام عليكم.
اومأ محمد ثم كتب لشاكر مثلما قالت منه بعد قليل جاءه الرد من شاكر .
محمد : الحقى دا رد .
منه بلهفه : كتب ايه .
محمد : كاتب هاى وبعد كده كاتب مين معايا .
فكرت منه في اسم يكون بعيدا عن موقع الشك فقالت مسرعه : اكتبله اسمى نشوه .
نظر لها محمد بدهشه فقالت منه سريعا : يلا يا محمد عشان ميشكش .
هز محمد رأسه بالايجاب سريعا وكتب له مثلما تريد .
جاءه الرد من شاكر : اهلا يا نشوى .
ابتسمت منه بخبث عندما قرأت رسالته فقالت لمحمد : اكتب بصراحه انا لقيت رقمك ظاهر عندى مكنتش اعرف انك ولد .
كتب محمد فجاء الرد من شاكر: عادى يا قمر نتعرف .
نظر لها محمد بصدمه فما يكتبه شاكر الان يدل على معرفته لبنات كثر وليس اخته فقط بينما ابتسمت منه بمكر فهى تعرف ان هذا ما سيحدث فقالت لمحمد : اكتب ليا الشرف يا قمر انت ، انت اسمك ايه .
كتم محمد ضحكته وهو يكتب ما قالته منه فرد شاكر : ميرسى يا حبى تسمحيلى اقولك يا حبى ؟ واسمى شاكر .
ضحكت منه عاليا وقالت لمحمد : ايوة بقي اللعب اشتغل .
اومأ محمد ضاحكا ثم كتب لشاكر : اه طبعا يا روحى .
وقعت منه على الارض من كثرة الضحك على ما كتبه محمد وما كتبه شاكر .
وظلوا يراسلوه وكأنهم يتعرفون وبعد ان انتهوا واغلقوا الشات .
انفجر محمد ضاحكا وشاركته منه الضحك .
محمد بعد ان هدأ : دا من اول محادثه وعمل كده امال الباقي هيبقي ايه .
وافقته منه على كلامه ثم قالت لمحمد : صور يا محمد كل دا .
محمد : صورته من بدرى .
منه بإرتياح : واخيرا قدرنا نمسك عليك حاجه يا شاكر ولسه كمان لما ارقبك .
قال محمد بحماس : انا متحمس اوى .
منه : اشطا بقي علشان تبقي معايا انا ومريم .
محمد بدهشه : مريم !!!! هى معاكى فى كل دا .
منه ضاحكه : اه .
هز محمد رأسه من اخته المجنونه وقال : والانسه مريم موافقه على جنونك دا .
منه : اه طبعا .
محمد : ماشى بس متخديش خطوة إلا لما تقوليلى عليها .
منه بحب وهى تلعب بشعره : حاضر يا قمر انت .
ابتسم محمد وقبل رأسها ثم قال : يلا بقي هوينى عايز انام شويه .
منه بغيظ طفولى : بقي كده بتطردنى من اوضتك .
محمد بإستفزاز : اديكى قولتى اوضتى مش اوضتك .
منه بحنق : ماشى يا محمد يا بن امى وابويا .
محمد ضاحكا : طب يلا يا بنت امى وابويا .
ضحكت منه وكذلك محمد ثم قالت منه : يلا انا هروح انام انا كمان تصبح على خير .
محمد بإبتسامه : وانتى من أهل الخير يا حبيبتى .
خرجت منه من غرفه اخيها ثم اتجهت إلى غرفتها فقابلت حازم في طريقها الذى كان متجه الى غرفته .
حازم : ها محمد ماله .
منه : لا بس كان زعلان عشان لما اتجوز واسيبكوا .
ثم ضحكت عليه فأبتسم حازم وقال : بصراحه معاه حق انا مش متخيل البيت دا من غيرك ابدا .
منه ضاحكه : انا مش عارفه انتوا بتخلونى احس انى هتجوز بكره دا يادوب هييجى يتقدم يعنى لسه بدرى وكمان ممكن هو ميوافقش عليا أو انا موافقش عليه .
حازم : مين دا اللى ميوافقش عليكى هو يطول ياختى القمر دا .
منه ضاحكه : يا واد يا بكاش .
حازم مبتسما : لا بجد والله انتى قمرى انا .
منه بحب : ربنا يخليك ليا يا اجمل حازم في الدنيا دى كلها .
ضحك حازم وقال : يا بكاشه .
نظروا لبعض ثم انفجروا ضاحكين بشده حتى أدمعت اعيونهم فقالت منه بعدما هدأوا : انا هروح انام تصبح على جنه .
حازم وهو يقبل رأسها : وانتى من أهلها .
ابتسمت منه له ثم ذهبت إلى غرفتها وكذلك اتجه حازم الى غرفته ونام الجميع .
_____________________
تسريع في الاحداث .
مر يومان كان حازم قد اخبر جاسر بموافقه اهله للتقدم لمنه .
فرح جاسر كثيرا بهذا الخبر وها هو يستعد ليكون بكامل أناقته .
دلف إليه صديقه سيف وقال : surprise .
التفت له جاسر وابتسم ثم عانقه بقوة وكذلك سيف .
استوب نقف شويه ونتعرف على سيف .
سيف محمد عز الدين شاب في 28 من عمره خريج كليه حاسبات اشتغل قليلا مع جاسر ثم سافر عندما افتتح شركه خاصه به ليتولاها وتوجد في القاهره .
عيون عسليه ... شعر اسود ناعم ... أبيض البشرة ... عصبى جدا ومنفعل ذا عضلات ضخمه وجسد رياضى يهتم بشعره كثيرا وبأناقته ... عازب لا يحب الجواز ... متدين .... ليس له اخوات سوى واحده واسمها مها سنتعرف عليها فيما بعد .
جاسر : جيت أمتى .
سيف : لسه جى من شويه طلعتلك على طول بعد ما سلمت على خالى .
أومأ جاسر فرحا لان سيف سيكون بجواره اليوم .
سيف : صحيح فين كريم مش شايفه يعنى .
جاسر : كريم سافر بقاله يومين عشان الصفقه .
سيف : انا مش عارف ايه اللى انت عايز تعمله دا .
قص له جاسر كل ما سيفعله .
فقال سيف بصدمه : انت اتجننت عايز تتجاوزها عشان تنتقم منها ومن اخوها .
جاسر بكره : أيوة طبعا .
سيف بعصبيه : انت واعى لنفسك يا جاسر .
جاسر : قولى انت لو مكانى كنت هتعمل ايه .
سيف : مش بالطريقه دى .
جاسر : لا بالطريقه دى هيفهموا اكتر ولو سمحت يا سيف انا مش جايبك عشان تقف في طريقى انا جايبك عشان تبقي معايا .
تنهد سيف ثم قال : انا معاك طبعا بس مش بالطريقه اللى انت عايز تعملها دى .
جاسر : سيف .
سيف بضيق : خلاص انا مالى بس مترجعش تندم بعد كده .
جاسر : ماشى متشكرين على النصيحه اسكت بقي .
سيف : سكت يا آخره صبرى .
جاسر : المهم يلا بقي بس إياك تجيب سيرة قدام بابا أو مريم .
سيف بتأفف : طيب ماشى اخلص يلا .
ابتسم جاسر على حنق صديقه وابن عمته .
جاسر : يلا .
نزلوا إلى أسفل فوجدوا احمد ومريم جالسين بالصاله فقال جاسر لوالده بعد أن قبل رأسه : انا ماشى بقي يا حج .
احمد بإبتسامه : ماشى يا بنى .
ذهب جاسر لمريم ثم قبل رأسها : عايزة حاجه يا مريوم .
مريم بحب : عايزة سلامتك يا حبيبى .
خرج جاسر وسيف وركبوا بعربيه جاسر ثم اتجهوا إلى منزل ما .
سيف : هو دا بيتهم .
جاسر بغموض : لا .
نظر له سيف بتعجب : امال احنا جينا هنا ليه .
جاسر : انزل بس الاول .
فعل سيف مثلما قال جاسر ونزل جاسر هو الآخر ثم اتجهوا لهذا المنزل فدق جاسر الجرس وبعد قليل فتحت الخادمه وقالت : افندم مين .
جاسر : عايزين عمران باشا .
الخادمه : أقوله مين .
جاسر : جاسر احمد .
هزت الخادمه رأسها بالايجاب وقالت : طيب اتفضلوا .
دلف جاسر وسيف وجلسوا بالصاله ينتظرون عمران باشا .
سيف بتساؤل : احنا جينا هنا ليه .
جاسر : عشان عمران باشا ييجى معايا بصفته أنه رئيسى في الشغل وبيعتبرنى زى ابنه وهو اللى هيجوزنى .
سيف بتساؤل : طب ليه ما اخذناش ابوك بدل عمران باشا .
جاسر : عشان مش عايز حد يعرف خالص ولا بابا وكده كده انا هاقولهم اني ملييش حد غيرك انت وهو .
نظر له سيف بزهول : هتعمل كل دا عشان تنتقم .
جاسر : اه .
قاطع حديثهم دخول عمران باشا وهو يقول : انا جاهز يا جاسر .
قام جاسر وسلم عليه وكذلك سيف .
جاسر ؛ دا سيف صاحبى وابن عمتى ، سيف دا عمران باشا صاحب بابا .
أومأ له سيف وقال : اتشرفنا يا عمران باشا .
ابتسم عمران وقال : ليا الشرف .
ثم أكمل بجديه : ها يا جاسر كنت عايزنى في ايه.
قص له جاسر ما هو دوره في هذه المهمه .
عمران : اممم طب مش المفروض اللى يكون مكانى ابوك مش انا .
تنهد جاسر وقال : انا مس عايز حد يعرف .
عمران بشك : ليه هو انت بتعمل حاجه حرام لا سمح الله .
جاسر : لا طبعا بس دى لظروف خاصه وانا بتمنى انك توافق بدون ما تسألنى لانى بجد مش هعرف اقول حاجه الوقت .
عمران متنهدا: انا لولا انى واثق فيك مكنتش جيت معاك .
اتسعت ابتسامه جاسر ثم قال : طب يلا بينا عشان اتأخرنا .
هزوا رأسهم بالايجاب وخرجوا وذهب عمران باشا بسيارته وركب سيف بجوار جاسر في سياره جاسر .
وانطلقوا متجهين الى منزل منه .

خلص البارت .
يا رب يعجبكم .
اسفه على الأخطاء الاملائيه مبلحقش اراجع البارت .
الاسئله بقي .
ايه اللى هيحصل في البارت الجاى ؟
ليه جاسر مش عايز حد يعرف انه هيتجوز ؟
ايه اللى هتعمله منه مع شاكر ؟
شاكر هيبقي ايه موقفه مع نشوى اقصد منه ؟
اللى هيحصل لما جاسر يشوف منه وايه اللى هيقوله لمنه عشان توافق على الجواز ؟
فوت + كومنت .
اعملوا متابعه .
حابه اقول حاجه عايزة اعمل جروب واتس نتناقش فيه عن الروايه ومواعيد النشر هتبقي فيه وكل حاجه وايه اللى عايزين تقولوه عشان انا مبفشوفش التعليقات او اى حاجه دا اذا كان فيه تعليقات من الاصل اللى موافق على جروب الواتس يسيب رقمه في كومنت وانا بإذن الله هعمل الحروب على طول حتى لو واحده بس اللى سابت رقمها انا هبعتلها واعمل جروب واللى حابب ينضم يسيب رقمه وانا هضيفه في الجروب ونتناقش فيه براحتنا .
شكرا على كل اللى قرأ قصتى .
اسفه على التأخير بس بجد لما مش بلاقي تفاعل بكسل اكتب بس قولت لا مش هخلف بوعدى حتى لو حد متفاعلش مع القصه ومتنسوش مواعيدنا اثنين وخميس .
دمتم سالمين ❤❤❤ .