تزوجنى لينتقم ولكني أحببته

البارت الخامس عشر

بمنزل منه .
كانت جالسه بغرفتها فدخلت والدتها واختها دعاء .
شهقت دعاء وقالت : ايه دا يا منه انتى لسه مجهزتيش نفسك .
منه بلامبالاه : اجهز ليه ان شاء الله .
ليلى : يا بنتى امال هتطلعى كده للعريس .
منه : لا طبعا هلبس الطرحه .
دعاء بسخريه مضحكه : يا مصبر الوحش على الجحش .
نظرت لها منه شذرة وقالت : بقي انا جحشه يا دعاء .
دعاء بخوف مصتنع : لا يا حبيبتى مش انتى طبعا دا انا .
منه بغرور مصتنع : ايوة كده اتعدلى .
ثم ضحكوا بخفه .
ليلى : اضحكى منك ليها وسايبنى انا اتعك في مصالح البيت وترتيبه عشان الضيوف اللى جايه .
منه وهى تقف بجانبها وتقبل وجنتها : يا ماما يا حبيبتى انا من الصبح وانا بقولك مفيش داعى لكل دا .
دعاء بغيظ : انتى هتشلينى يا بت انتى المفروض انك عروسه يعنى واحد متقدملك اكيد مش هنسيب الدنيا عاكة كده وكمان انتى المفروض تجهزى نفسك وتحطى الميك آب.
منه بحزم : مستحيل .
دعاء بإستغراب : هو ايه دا اللى مستحيل .
منه بسخريه : الميك آب دا مش هحطه منه مستحيل .
دعاء بنفاذ صبر : يا بنتى امال هتخرجى كده يا ربى عليكى .
منه : لا هلبس اى دريس من اللى عندى وهلف عليه اى طرحه وخلاص .
دعاء بجنون : يا بت انتى هتجننينى متقولى حاجه يا ماما .
ليلى : مستنياكم لما تخلصوا الاسطوانه بتاعتكم .
دعاء : قوليلها يا ماما عشان انا كلمه كمان وهموتها .
ليلى بهدوء وهى تجلس بجانب منه : يا منون يا حبيبتى انتى عروسه ولازم تجهزى نفسك .
منه بحنق : انا نفس اعرف انتوا قوام ما خلتونى عروسه دا احنا لسه بتقول يا هادى دا لسه هييجى ونعرفه الاول ولو وافقت ابقي نشوف حكايه العروسه دى .
ليلى : يعنى انتى عايزة ايه ؟ .
منه : انا مش عايزة حاجه انا هلبس زي ما قلتلكم وبس مش حط حاجه ها يا دعاء اكيد سمعتينى .
دعاء : يا ربى عليكى يا بنتى طب حتى ميك آب على خفيف .
منه بضيق : لا انا هنزل زى منا هو جى يتجوزنى انا ولا يتجوز المزيفه بالميك آب .
دعاء بإستغراب : المزيفه انتى بتقولى ايه.
منه : اه منا مش هحط ميك آب عشان خاطر اعجبه هو جى يتفرج على لوحه فنيه ولا جى يشوفنى كمنه انفع ابقي مراته ولا لا .
تنهدت دعاء وليلى من عناد منه فقالت دعاء بإستسلام : طيب يا منه اللى انتى عايزاه اعمليه انا تعبت معاكى ثم اكملت بجديه : بس هتحطى كحل .
كادت منه ان تقاطعها ولكن اكملت دعاء  : متقاطعنيش هتحطى كحل يعنى هتحطى وإلا والله هحطلك ميك آب واخلى وشك زى السلطه .
منه بتأفف : طيب ماشى .
دعاء بأمر : والوقت قومى وخدى دش وريحى اعصابك على الاخر وبعد كده اطلعى والبسى الدريس اللى هتلبسيه ولا اقولك انا اللى هختارلك الدريس عشان انا عارفاكى هتطلعى اى حاجه ويلا بسرعه عشان الجماعه زمانهم جايين .
تأففت منه وهى تخطف ملابس لها وتدخل الحمام .
نزلت ليلى تكمل ما بقي من ترتيب المنزل وظلت دعاء بغرفه منه تختار لها دريس ينفع لهذا اليوم وهذه المناسبه .
دعاء : اختار دا ولا دا ولا دا اممممم ايوة بس هو دا هيبقي خرافه عليها .
خرجت منه من الحمام وهى تجفف شعرها بالمنشفه نظرت لها دعاء وقالت : ايه رأيك في الدريس دا يا منه .
منه بلامبالاه : حلوة اهو اى حاجه وخلاص .
جزت دعاء على اسنانها بغيظ من اختها المجنونه فذهب اليها وامسكتها من يديها ثم اجلستها عنوه على الكرسى امام المرآة .
دعاء بأمر : اتهدى مكانك عقبال ما اخلص فاهمه ولا لا .
منه بحنق : طيب ياختى خلصى .
ابتسمت دعاء على حنقها واكملت ما كانت تفعله .
..............................
بعد مرور بعض الوقت انتهت دعاء من تجهيز منه ثم نظرت لها بإعجاب : بسم الله ما شاء الله قمر يا منه .
ابتسمت منه لها وقبلت وجنتها وقالت : محدش قمر هنا غيرك يلا انتى مش هتجهزى ولا ايه .
دعاء : انا في ثانيه هكون خلصت .
منه : طب يلا .
اومأت دعاء لها وذهبت الى غرفتها كى تستعد هى الاخرى .
جلست منه بتوتر على الفراش ثم قالت بصوت هامس : انا خايفه اوى ومتوترة .
دلف لها محمد وكان في قمه اناقته حيث كان يرتدى تيشريت باللون الابيض مع بنطال جينز باللون الاسود وحذاء اسود لامع يتخلله شريطين باللون الابيض وشعره مصفف بعنايه .
محمد بإعجاب : ايه القمر اللى قاعد دا .
نظرت له منه وابتسمت بتوتر وقالت : محمد انا خايفه ومتوترة .
ذهب لها محمد وجلس بجانبها وأمسك يديها بين يديه وقال : طبيعى انك تتوترى دا جواز يا بنتى بس متخافيش انا معاكى مش هسيبك .
اطمئنت منه قليلا بكلام محمد وهزت رأسها بإبتسامه فأبتسم محمد واخذها بحضنه وهو يقبل رأسها .
...................................
وصل جاسر وورأه سياره عمران ونزلوا مع بعض ثم ذهبوا بإتجاه المنزل ودق جاسر جرس الباب .
فتح لهم حازم ورحب بهم وكذلك جاء محمود ورحب بهم جميعا .
وبعد السلامات والترحيب .
جلسوا جميعا بغرفه الضيوف التى تطل على الحديقه امامهم والاشجار الخضراء والزرع الاخضر اعطى رونق ساحر للمنزل واضاف الطمئنينه والراحه للنفوس .
تفاجأ عمران ان العروسه التى يريد ان يتجوزها جاسر اخت حازم .
عمران : عامل ايه يا
حازم .
حازم بإبتسامه: بخير يا عمران باشا حضرتك عامل ايه .
محمود بإستغراب : انتوا تعرفوا بعض .
حازم : عمران باشا يا بابا مديرى في الشركه كنت حكيتلك عزت قبل كده .
محمود متذكرا : ايوة ايوة انا فاكر انك قولتلى عليه بس هو يبقي والد جاسر يعنى ولا ايه .
تنحنح جاسر متكلما : لا دا صاحب بابا وهو بمثابه ابويا وهو جى معايا النهارده عشان اتقدم للانسه منه .
مال حازم على اذن والده وقال : دا وحيد يا بابا .
محمود متفهما : تمام اتشرفت بمعرفتك يا استاذ عمران .
عمران بود : استاذ ايه بقي دا احنا هنبقي نسايب بإذن الله قولى عمران بس .
ابتسم له محمود : بإذن الله .
جاسر : ودا سيف يبقي بن عمتى .
حازم : اتشرفنا يا سيف .
سيف بإبتسامه: الشرف ليا يا حازم .
محمود : اتشرفنا بيكوا كلكم والله .
جميعهم : الشرف لينا والله .
تحدث عمران : انا النهارده جى وطالب ايد الانسه منه لابنى جاسر .
محمود : ودا يشرفنا طبعا جاسر بن ناس ومحترم وصاحب حازم وحازم حكالى عنه كتير وانه شاب شهم وجدع وانا اتمنى حد زيه يبقي جوز بنتى طبعا .
ابتسم جاسر بإرتياح فقال عمران : امال فين العروسه .
حازم وهو يقف : ثانيه اناديها .
صعد حازم سريعا الى غرفه منه ودلف اليها وجدها جالسه وجوارها محمد .
حازم : ايه يا محمد مش هتنزل ولا ايه .
محمد : انا نزل اهو بس منه كانت متوتره فبهديها .
حازم متفهما : طيب ماشى اسبقنا انت عقبال ما تسلم عليهم نكون احنا نزلنا .
محمد : ماشى .
نزل محمد وبقي  حازم بغرفه منه وقال : يلا بقي يا منه مش حلوة نتأخر على الجماعه .
وقفت منه وهى تكاد تموت من التوتر والخجل .
قال حازم مطمئنا : متخافيش يا حبيبتى احنا كلنا معاكى تحت يلا بقي .
اومأت منه وامسكت بيديه ثم خرجوا من الغرفه قابلوا دعاء فقالت دعاء : الجماعه وصلوا؟
حازم : اه ومنه نازله .
دعاء مسرعه : طب يلا وانا نازله معاكوا .
نزلوا ثلاثتهم ولكن دلفت دعاء الى المطبخ مع ليلى والدتها ثم اخذت صينيه المشروبات وخرجت واعطتها لمنه فدلفت بها منه وهى تنظر ارضا ووجهها مثل حبه الفراوله من شده الخجل .
رفع جاسر نظره عندما شعر بدقات قلبه تقرع كالطبول فأتسعت عينيه بشده وفتح فمه من هذا الملاك الذى أمامه فكانت منه ترتدى هذا 👇