تزوجنى لينتقم ولكني أحببته

البارت الثاني والخمسين .

عاد جاسر من شرود بعدما انهي حديثه مع منه ..
منه بتفكير : طب ما ممكن يكون جدك ابو مامتك ..
جاسر بحيرة : مش عارف فكرت في كده بردوا وقولت يمكن هو اللي بعت واحدة لخالتي سميه بس حكايه الصور المزيفه اللي اتبعت لبابا مظنش ان هو اللي عملها ..
تنهدت منه بحيرة فقال جاسر بشرود : حاسس ان فيه حد تاني ورا الخطه اللي حصلت زمان .
منه : طب وهتعملوا اي الوقت ؟.
جاسر : لازم خالتي سميه تعرف الحقيقه وبابا يعرف بردوا اللي حصل معاها ..
منه بحزن : زمان بابا احمد هيموت ويشوفهم يعيني .
جاسر بتنهيدة : اه والله بكرا ان شاء الله هاخده ونروح هناك عند خالتي سميه ..
اومأت منه فقالت بتفكير وضحكه : يعني كده شهد بقت سلفتي ..
اومأ جاسر بضحكه ليضحكوا سويا ..
منه بإشتياق : اريان واحشني اوي جاسر هو انا ممكن اروح معاك بكرا ..
جاسر : اه طبعا ممكن ..
ابتسمت منه فأعتدل جاسر وقال بإبتسامه صغيرة : يلا عشان تنامي ..
هزت منه رأسها بالايجاب ووقفت لتذهب ولكن سقطت بحضن جاسر اثر جذبه لها .
نظرت له وقالت بخجل : في اي ؟.
جاسر وهو يداعب انفها بأنفه : مفيش تصبح علي خير حتي ..
منه بإضطراب : تصبح علي خير .
جاسر بضيق مصتنع : هي دي تصبح علي خير .
منه بتوتر : امال اي .
حاوط جاسر خصرها ببطء يشعل جسدها لتغمض عينيها بقوة اثر تأثيرة عليها .
ابتسم جاسر بعشق فمازالت تتأثر بلمساته .
اقترب لاثما شفتيها برقه وحب .
تمسكت بقميصه بشدة وهي في حاله اللا وعي ولم تشعر بنفسها وهي محموله بين يدي جاسر ويصعد بها الي غرفتها ولم يفصل قبلته .
وضعها علي الفراش وابتعد قليلا لتتنفس منه بقوة فقد كانت علي وشك الاختناق .
جاسر بصوت متهدج : تصبحي علي خير ي حبيبتي.
ولثم جبينها بقبله حنونه وخرج .
بينما منه فهي غير متواجدة بعالمنا فقد ذهبت لعالم الاحلام الورديه الخاص بها هي وجاسر لتغرق بعدها في النوم ..
بينما ذهب جاسر للغرفه الرئيسيه " غرفه نومهم فيما بعد " والتي هي اكبر غرفه بالمنزل وتسطح علي الفراش وسرعان ما سحبه سلطان النوم ..
_____________
باليوم التالي ...
وبمنزل لاول مره نراه ..
وقف مصطفي ذلك الحارس الذي كان يعمل مع جاسر وقال لجدته : همشي انا ي حبيبتي لو عوزتي حاجه رني عليا ..
الجده : ربنا يستر طريقك ي بني ..
ابتسم وقبل يدها ثم خرج وذهب لعمله الجديد .. المشفي ..
........
بالمشفي وبغرفه المدير ..
قال الطبيب المشرف علي جميع الاطباء بالمشفي لسارة : في دكتور جاي جديد هيشتغل معانا وبالاخص في القسم اللي انتي فيه ي سارة ..
سارة : تمام ي دكتور ..
دق الباب فقال الطبيب المشرف : اتفضل ..
دلف مصطفي ولم تنتبه له سارة حيث كانت تبحث عن ملف لمريض ما ..
قال الطبيب المشرف : اتفضل دكتور مصطفي .. نظر لسارة وقال : دا الدكتور الجديد ي دكتورة سارة اللي هيشتغل معاكي ..
رفعت سارة نظرها بلا اهتمام وانزلتها وسرعان ما رفعت نظرها مره اخري تنظر للواقف علي بعد مسافه قليله منها بزهول ..
سارة بدهشه : انت ..
نظر لها مصطفي ولم يندهش كثيرا حيث انه يعلم انها طبيبه وانها تعمل بالمشفي ..
الطبيب المشرف : انتي تعرفيه ي سارة .
اومأت سارة بصمت وهي تنظر لمصطفي بعدم فهم كيف له ان يكون حارس وبنفس الوقت طبيب ..
الطبيب المشرف : طب تمام كده سهلتي عليا المهمه اسيبكوا بقي ودكتورة سارة هتفهمك كل حاجه دكتور مصطفي .
قال الاخيرة و هعو ينظر لمصطفي .
هز مصطفي رأسه بالايجاب ثم خرج الطبيب المشرف .
نظرت سارة لمصطفي وقالت بعدم فهم : انت دكتور ازاي وانت حارس بودي جارد .
مصطفي بتنهيدة : انا اساسا خريج كليه طب بس مكنش معايا الفلوس الكافيه عشان اعمل شغل خاص بيا فأشتغلت في مستشفي بس كان المرتب بتاعها قليل جدا وميكفنيش انا وجدتي فأضطريت اشتغل حاجه تانيه غير شغلي في المستشفي اشتغلت كتير وكذا شغلانه واخرها بودي جارد وبالصدفه دكتور أمام " الطبيب المشرف " شافني وعرف اني دكتور فأقترح عليا اشتغل في المستشفي بتاعته والمرتب كويس جدا وانا وافقت وانهاردة اول يوم ليا ..
اومأت وهي مندهشه ومنبهرة ايضا به .
مصطفي : ممكن نبدأ في الشغل .
اومأت بإحراج فقد نست نفسها وهي تنظر له ابتسم بجانبيه وتقدم منها لتجلس هي وتشرح له طبيعه عملهم في هذا القسم وكان مصطفي شديد الذكاء حيث فهم عمله سريعا دون تعب منها بل وابتدأ في شغله بمهارة تعجبت لها سارة ..
______________
بمنزل جاسر ومنه ..
نزلت منه بعدما ارتدت ملابسها المكونه من جيبه باللون الرمادي وبلوزة ستان من اللون الاسود وطرحه طويلة تجمع اللونين يسودها اللون الرمادي .
دلفت الي المطبخ لتتفاجأ بجاسر يحضر الفطور ..
التفت عندما شعر بها فأبتسم وقال : صباح الخير .
منه : صباح النور بتعمل اي .
جاسر : زي ما انتي شايفه بحضر الفطار .
ابتسمت ووقفت تراقبه وهو يحضر الطعام بمهارة وخفه .
انهي تحضير الطعام ليبدأ بتحويله الي السفرة وساعدته منه .
جلسوا يفطرون فقالت منه بإعجاب : الاكل تحفه جدا تسلم ايدك .
ابتسم جاسر بإتساع وقال : بالهنا والشفا .
انهوا طعامهم لتقف منه وهي تأخذ الاطباق للداخل ثم غسلتهم سريعا ووضعتهم بمكانهم لتقول لجاسر الذي كان يقف مستندا علي الحائط يكتف يده اعلي صدره يراقب منه بإبتسامه : اعملك شاى ولا قهوة .
جاسر : انتي هتشربي اي ؟.
منه : هشرب شاي .
جاسر : خلاص اعمليلي زيك .
اومأت بخفه لتذهب وتحضر الشاي لها ولجاسر .
اعطته كوب واخذت واحد لها ليمسك جاسر يدها قائلا : تعالي هفرجك علي حاجه .
ذهبت معه ليخرجوا الي الجنينه التي تحاوط منزلهم .
جاسر : اي رأيك .
منه بإنبهار : الله المنظر رووووووووعه جدا وخصوصا انه قدام البحر والجو هادىء .
ابتسم بخفه وهو يرتشف من كوب الشاي الخاص به .
ليجلسوا علي تلك الارجيحه وهم يستمتعون بالمنظر الذي امامهم .