تزوجنى لينتقم ولكني أحببته

البارت السابع

وقفنا البارت اللى فات على ظهور نتيجه منه ومحمد يلا نشوف هيحصل ايه .
Enjoy .
_________________
 ذهبت دعاء لجلب الحاسوب ثم جلست أمامهم وكتبت اسم منه ورقم جلوسها وكذلك محمد فظهرت النتيجه فأتسعت اعين دعاء بشده وكاد فمها يقبل الأرض فنظروا محمد ومنه لبعض بقلق ثم نظروا إلى دعاء بخوف فصرخت دعاء بفرحه قائله : منه 98.5% ومحمد 98% .
احتضنت منه محمد بسعاده ودموعها تسبقها على وجنتيها بغزارة ومحمد الذى لا يصدق إلى الآن انه حصل على 98% .
احتضن حازم منه ومحمد بسعادة وبارك لهم وكذلك دعاء .
محمد بدهشة : انا جبت 98% .
اومأت له دعاء بسعاده فأحتضن منه وظل يصرخ بفرح فنزل على صراخهم والدتهم فقالت بقلق : ايه في ايه .
حازم بفرحه : النتيجه طلعت ومنه جابت 98.5% ومحمد 98% .
تمتمت الام بصوت باكى سعيد : الحمد لله يارب الحمد لله الف مبروك يا حبايبى .
واحتضنتهم بسعاده كبيرة وهى تمتم بكلمات الشكر إلى الله كانت منه تبكى بفرحه وغير مصدقه إلى الآن وكذلك محمد .
مسحت ليلى دموعها ودموع اولادها صغارها نعم صغارها فمهما كبروا سيظلوا صغارها واحتضنتهم مرة أخرى فقال حازم بمزاج : اشمعنا انا مليش حضن .
ضحكت منه بمرح وكذلك الجميع فأشارت له ليلى بأن يأتي فذهب واحتضنها فقالت دعاء بمرح : وانا كمان خدونى معاكوا .
وذهبت واحتضنتهم فضمتهم والدتهم إلى حضنها وهى تدعى لربها بأن سعادتهم هذه تدوم .
___________________
بالقاهرة .
في الشركه إلى تعاقد معها جاسر في صفقه مهمه له وقف هو وكريم ولم اشياؤه ثم صافح صاحب الشركه هو وكريم صاحبه ثم خرجوا من الشركه يشرفنا على بقيه عملهم الذين أتوا من أجله .
________________
في المساء بفيلا جاسر كانت تجلس مريم بجوار ابيها احمد يشاهدان التلفاز فرن تليفون مريم فنظرت الهاتف وجدتها منه فردت مسرعه : أيوة يا منه مامتك وافقت .
منه : اه الحمد لله اقنعتها بحجه النتيجه وان أصحاب عايزين يحتفلوا وكده .
مريم بترقب : وانتى جبتى كام يا منه 😜 .
منه بفرحه : جبت 98.5% واخويا التوأم 98% .
مريم بسعاده : بجد الف مبروك فرحتلك اوى ثم أكملت بدهشه : بس انتى ليكى اخ توأم .
منه بضحك : اه شوفتى بقي .
مريم : عمتا الف مبروك ليكم انتوا الاتنين .
منه : الله يبارك فيكى .
مريم : طيب ماشى هبعتلك عنوان كافيه قريب .
منه : خلاص تمام .
مريم : خلاص اتفقنا عايزة حاجه .
منه : عايزة سلامتك في رعايه الله .
مريم : فى رعايه الله.
أغلقت مريم الهاتف وهى تكاد تطير فرحا لأنها سوف تعرف الحقيقه من منه غدا .
التفت وذهبت وجلست على الأريكة بجوار والدها والإبتسامة تزين وجهها .
احمد : ايه سر الابتسامه دى .
مريم : ابدا دى صحبتى اصغر منى في تالته ثانوى النتيجه طلعت انهارده بتاعتها جابت 98.5% فرحتلها اوى .
احمد : أيوة صح دا النتيجه طلعت انهارده والدنيا مقلوبه بس برافو صحبتك جايبه درجه حلوة الف مبروك ليها .
مريم : الله يبارك فيك يا بابا .
صمتوا لدقائق قليله ثم قالت مريم : بابا بستأذنك هروح بكرة لصحبتى اباركلها .
احمد بإستغراب : ما انتى باركتيلها على التليفون .
مريم بتوتر : ما انا جايبالها هديه وكده وهقابلها فى كافيه قريب من هنا واديهالها .
احمد : طيب ماشى بس خلى بالك على نفسك .
مريم بفرحه : حاضر يا احلى بابا في الدنيا .
ثم قبلته من وجنته وقفزت إلى غرفتها بينما ظل يضحك والدها عليها وهو سعيد لسعادتها .
_______________
اشرقت شمس يوم جديد .
استيقظ حازم في الصباح دخل إلى الحمام تحكم وخرج وارتدى بنطال ازرق قاتم وتيشيرت ابيض وجاكت ازرق قاتم اللون انتهى من ارتداء ملابسه ثم توجه إلى المطبخ بهدوء حتى لا يوقظ أحد وأحضر لنفسه بعض السندوشات ثم خرج من المنزل متجها إلى عمله .
____________
قبل الظهر بقليل ارتدت منه ملابسها على عجله ثم اتجهت إلى والدتها بالمطبخ منه : ماما انا هروح بقي .
ليلى : انا مش عارفه انتى ليه مصرة تروحى الوقت .
منه برجاء : معلش يا ماما والله ما هتأخر .
دعاء : سبيها يا ماما تروح .
بعثت لها منه قبله في الهواء 💋 فقهقهت عليها دعاء فقالت ليلى : امرى لله روحى يا ختى .
قبلتها منه في وجنتها ورحلت مسرعه قابلت أخاها محمد وهى خارجه من المنزل فأستوقفها قائلا : منه رايحه فين ؟.
منه بهمس : رايحه اقابل مريم .
محمد بهمس مثلها : طيب اجى معاكى .
منه : لا مش ضرورى انا مش هتأخر .
محمد : طيب خلى بالك على نفسك .
منه : ماشى سلام .
ورحلت منه إلى عنوان الكافيه الذى بعثته لها مريم ليله البارحه .
________________
عند مريم .
ارتدت ملابسها ولفت حجابها ثم أخذت شنطتها ورحلت مسرعه كى تقابل منه في الموعد المحدد .
وصلت مريم وجدت منه تجلس على طاوله قريبه من مدخل الكافيه فأتجهت لها وسلمت عليها وعانقتها ثم جلسوا مرة أخرى .
مريم بأسف : انا اسفه اتأخرت عليكى .
منه : لا عادة يا بنتى انا اساسا لسه جيه .
مريم : الحمد لله احكيلى بقي .
قصت لها منه كل شئ عن حب حازم لمريم وكيف كان يعانى منذ آخر لقاء بينهم وأنه مظلوم ولم يفعل شىطئ حتى أنه اضطر أن يخبر صديقتها اروى عن الحقيقه ربما تساعده في تصحيح سوء التفاهم .
أكملت منه : صدقينى  اخويا حازم بيحبك اوى تعرفى انا اول مرة اشوفه بالحاله دى صحيح الحب يعمل كتير .
كانت مريم تستمع إلى منه بصدمه وكانت تبكى بصمت وكرهت نفسها لانها صدقت كلام ذلك الشاب وشكت بأخلاق حازم وعندما ذكرت منه أن حازم يحب مريم توردت وجنتيها بخجل .
تذكرت كيف كان كل من بالجامعه يلقبونه بالطالب المثالى بسبب أخلاقه الحميده وأنه لا يمكن يؤذى أحد وان ما قاله الشاب كان بدافع الغيرة منهُ لذلك قالت : انا بجد مصدومه هو لسه في ناس بتحقد وبتغير كمان .
منه بأسف : للاسف لسه في انا عارفه اخويا حازم كويس انا مش جايه اقولك الكلام دا عشان حازم اخويا لا طبعا أنا بس مكنتش حابه انك تحكمى عليه من مجرد كلام وبس وان انتى متصدقيش اى كلام وخلاص طب قوليلى انتى عمرك شوفتى موقف وحش من حازم ؟.
مريم : لا طبعا .
منه : حازم يعرف ربنا كويس ومش ممكن يعمل حاجه في بنت زى كده لأنه دا مش من دينه وكمان ليه اخوات اللى هو انا التنين تانين واللى هيعمله في بنات الناس هيترد في اخواته البنات أو مراته أو بنته كان دائما اخواتى الصبيان يقولولى كده .
مريم بأسف : انا بجد اسفه انى حكمت عليه غلط وصدقت كلام الشاب مع انى عمرة ما شوفت منه موقف وحش او كلمه وحشه ثم أكملت بإمتنان ؛ وبشكرك انك وافقتى تيجى وتحكيلى اللى حصل .
منه بمرح : ايه يا بنتى الدراما دى وبعدين مافيش شكر أو اسف ما بين الأصدقاء صح ولا لا .
ضحكت مريم بخفه ثم قالت : اكيد طبعا .
ثم أخرجت هديتان من الشنطه وقدمتهم لمنه .
منه بتساؤل : ايه دا ؟.
مريم : دى يا ستة هديه نجاحك انتى واخوكى مع انى مشفتوش قبل كده بس قولت مينفعش اجبلك انتى واخوكى التوأم لا هيزعل كده .
قهقهت منه بخفه ثم قالت بخجل : بس انا مقدرش اقبلها .
مريم : انتى كده بتزعلينى منك مش احنا اصحاب بردوا .
منه : اه طبعا .
مريم : يبقى خديها ومتزعلنيش وألا والله هعيط .
ثم ضحكوا سويا .
منه بمرح : وانا مقبلش أن القمر يعيط ماشى ياستى شكرا .
ثم أخذت الهدايا منها .
مريم : يلا بقي اوصلك في طريقى .
منه : لا شكرا انا بيتى قريب .
مريم بإصرار : برضوا هوصلك .
منه بإستسلام : امرى لله .
وقفوا الاثنين ثم اتجهوا إلى الخارج حيث تقف سيارة مريم .
ركبوا الاثنين في السياره .
أثناء الطريق رن هاتف منه فنظرت للشاشه وجدت رقم حازم فأبتسمت بخبث وفتحت مكبر الصوت ونظرت الى مريم التى كانت تنظر لها بإستفهام فأشارت منه برأسها للتليفون فنظرت مريم للهاتف وجدت اسم حازم فدق قلبها بسرعه كبيرة وابتسمت لا إراديا .
عندما فتحت منه الخط اندفع حازم كالقذيفه وهو يقول بقلق : أيوة يا منه انتى فين ؟ انتى كويسه ؟ اتأخرتى ليه كل دا ؟؟؟.
منه بضحك : أهدى يا بنى راديو اتفتح .
حازم : لا يا شيخه بقي انتى قاعده تتريقى وتضحكى وانا قاعد هنا قلقان وهموت من الخوف عليكى .
مريم في سرها : بعد الشر عليك .
منه : متخفش عليا يا حبيبى انا فى الطريق اهه .
حازم براحه : طيب الحمد لله خلى بالك من نفسك .
منه : حاضر سلام .
أغلقت منه الهاتف ونظرت الى مريم التى كانت شارده في صوت حازم الذى اشتاقت له وكيف كان قلقا على أخته لعنت نفسها لانها صدقت الكلام الذى قيل عنه وقالت في نفسها : انا غبيه اوى شخص زى حازم عمره ما يعمل كده .
منه بخبث : ألا الجميل سرحان في ايه 😜 .
فاقت مريم من شرودها على صوت منه فأنتبهت لما قالته منه فقالت بخجل : لا ابدا .
كتمت منه ضحكتها بصعوبه على منظر مريم الخجل واومأت برأسها .
وصلت منه إلى منزلها فودعت مريم ونزلت واتجهت إلى المنزل أما مريم فأكملت طريقها إلى منزلها .
____________________
دلفت منه إلى داخل المنزل فوجدت حازم يجلس على الأريكة وبجواره محمد يلعبان بلايستيشن ودعاء ووالدتها في المطبخ .
منه : السلام عليكم .
حازم ومحمد : وعليكم السلام .
محمد : اتأخرتى ليه يا منه .
منه : الوقت سرقنا واحنا بنتكلم وغمزت له ففهم محمد وقال بخبث : ألا صحبتك دى يا منه اسمها ايه .
منه بمكر : اسمها مريم .
التفت حازم لمنه عندما سمع اسم مريم الذى هو اسم معشوقته وحبيبته .
أكملت منه بهيام : ولا قمر يا واد يا محمد تقول للقمر قوم وانا اقعد مكانك .
حازم رافعا إحدى حاجبيه : للدرجه دى .
منه : واكتر كمان يا بنى انت لو شفتها هتحبها على طول .
حازم : لا طبعا حب تانى بعد حبى ابدا .
منه بخبث : متأكده .
حازم : اه واكتر بقي .
منه : طيب على راحتك .
محمد : آمال ايه دا اللى معاك .
منه : مريم عطتنى هديه بمناسبه نجاحى وانت كمان .
قفز محمد من مكانه وقال : ورينى كده .
أخرجت منه الهديتان أعطت هديه محمد إليه وأخذت هديتها .
فتح محمد هديته وجدها ساعه ساعه انيقه من النوع الغالى فأنبهر بها محمد وحازم ومنه أيضا .
محمد بإنبهار : واو جميله اوى .
حازم : فعلا زوقها جميل .
منه بمكر : عشان تعرف بس انى معايا حق لما قلتلك أن اللى يشوفها يحبها وينبهر بجمالها .
حازم يغيظ : طب اسكتى يا ام لسان طويل .
ضحكت منه عليه ثم فتحت هديتها وجدت انسيال رقيق وجميل جدا محفور في وسطه اسم منه باللغه الانجليزيه .
اعجبت به منه بشده واحبته فقالت : جميل اوى زوقها حلو اوى ما شاء الله بس اكيد غالى .
محمد بإعجاب : حلو جدا .
وافقه حازم في الرأى .
فأرتدته منه فكان رائع عليها فقال حازم : جميل عليكى اوى .
منه بمرح : تشكر يا ذوق .
حازم بإشمئزاز مصتنع : ايه الألفاظ البيئه دى .
ثم ضحكوا سوا .

انتهى البارت يا رب يعجبكم .
بليز اعملوا فوت وقولولى رأيكم بجد .
انا بزعل لما بباقى تفاعل صامت .
الاحداث هتبدأ بجد من البارت الجاي .
استعدوا 👊 للجاى .
كنت هنزل البارت بالليل الساعه ٢ بس قولت محدش هيقرأه الوقت فنزلته الصبح .
بحبكم في الله ❤️❤️❤️ .