تزوجنى لينتقم ولكني أحببته

البارت الرابع والخمسين .

احمد : طب اي .
نظر له الجميع بعدم فهم فقال احمد بحنق : اظن ان كل حاجه اتوضحت ممكن اخذ مراتي بقي وكل واحد مع نفسه .
انطلقت ضحكاتهم جميعا بمرح بينما قالت سميه بخجل : ايوة بس انا مش هسيب قصي ..
احمد : ي ستي هو انا قولتلك تسيبيه انا هاخدك بيتنا هنعيش سوا هناك ..
صمتت تفكر فقال جاسر : بقولك اي ي قصي ما تبيع الشقه دي وتاخدلك بيت كده لوحدك ولا فيلا صغيرة تكون جنبينا بدل ما انت بعيد كده ..
قصي بحيرة : مش عارف والله انتي اي رأيك ي ماما .
سميه بهدوء : اللي تشوفه ي قصي ..
جاسر بإصرار : انا هشوفلك مكان حلو عندنا وتبيع الشقه دي وتيجي تسكن هناك انت والمدام وخالتي سميه هتروح مع بابا وانا ساكن في بيتنا القديم انا ومنه ..
احمد : فكره حلوة ي قصي عشان نبقي جنب بعضينا ..
قصي : خلاص موافق .
ابتسم الجميع فوقف جاسر وقال : هدورلك علي فيلا ولا بيت يكون جنبنا عقبال ما انت تشوف حد يشتري الشقه ..
قصي بتفكير : بقولك بلاش حكايه بيع الشقه اصلها غاليه عليا شوفلي انت بس مكان وانا هشتريه .
جاسر : خلاص ماشي ..
أحمد : طب ما تيجوا كلكوا عندي في الفيلا الكبيرة عقبال ما تظبطوا الامور كده .
سميه بموافقه : خلاص ماشي .
ابتسم احمد بحب وقال : يلا شوفوا هدومكوا وظبطوا حاجتكم اللي هتاخدوها ويلا ..
وقفت شهد وقالت : تعالي ي منه معايا .
وقفت منه وهي تهز رأسها بموافقه فأعطت شهد اريان الي قصي وخرجت هي ومنه ..
احمد بحنو : هات حفيدي اشيله شويه .
اعطاه قصي مبتسما وخرج خلف جاسر ..
ظل احمد يداعب اريان بحب فأبتسمت سميه بداخلها وقالت في نفسها : لقد ظلمتك كثيرا وحرمتك من ابنك وظلمت نفسي معك ليت الزمان يعود كي اتراجع عن هروبي واخبرك فقط بما حدث .
تذكرت شىء لتقول : طب يعني هي المرأه اللي جاتلي كان والدك اللي باعتها ..
احمد : مفيش حد غيره ..
سميه : نفسي يرجع بيا الزمن عشان اصلح اللي عملته ..
احمد وهو يربت علي يدها : متحمليش نفسك الذنب انتي غلطتي وانا بردوا غلطت زيك وخلينا ننسي اللي فات ي سميه ..
هزت رأسها بالايجاب بإبتسامه حنونه ليقبل رأسها بحنو فأتسعت ابتسامتها بحب .
وقفت قائله : هحضر حاجتي انا كمان .
اومأ بموافقه وعاد يداعب الصغير من جديد ..
بينما بغرفه شهد قالت منه بفرح وهي تضع الملابس بالحقيبه : بجد انا فرحانه اوي ان الحقيقه اتوضحت وخالتي سميه وبابا احمد هيرجعوا لبعض ..
اومأت شهد بسعادة وقالت : بصراحه مكنتش متخيلة دا كله يحصل وفي الاخر يطلع والد جوزك هو نفسه والد جوزي معني كده اننا سلايف .
اومأت منه بضحكه لتضحك معها شهد .
منه : كنت لسه بقول لجاسر نفس الكلام ..
شهد : بقولك اي خلي جوزك يشوفلنا مكان يكون قريب منكوا عشان اجيلك علي طول وانتي تجيلي .
منه : عيوني والله هقوله عشان نبقي جنب بعض .
اومأت شهد بإبتسامه واكملت وضع الملابس بالحقيبه هي ومنه ..
__________
بفيلا سيف ..
دلف لغرفته فوجد دعاء ترضع ابنته لينا فأبتسم وهو يجلس بجانبها .
تسائل سيف : اومال فين ماما ليلي .
دعاء : خليتها تروح وقولتلها ابقي تعالي بكرا كتر خيرها بقالها يومين مش بتنام وشايله لينا .
هز رأسه بتفهم وقبل رأس ابنته قائلا : قلب بابا دا ..
دعاء : سيف عايزة اودي لينا الدكتور .
سيف بقلق : ليه مالها .
دعاء بإطمئنان : متقلقش دا بس بيكون لازم عشان نطمن عليها .
هز رأسه بالإيجاب وقال : خلاص بكرا نروح .
هزت رأسها بموافقه ثم وضعت ابنتها علي الفراش بحذر ووقفت ببعض التعب ثم قالت : هدخل اخد دش خلي بالك منها لو صحيت .
سيف : ماشي ..
دلفت دعاء للمرحاض تتحمم بينما بقي سيف يداعب لينا بإبتسامه حنونه .
دلفت مها وهي تضع الطعام جانبا قائلة : اومال فين دعاء .
سيف : في الحمام بتاخد دش .
اومأت بخفه وجلست بجانبه تداعب لينا ..
مها براحه : الواحد خلص امتحانات من اسبوع تحس انه كان محبوس واخد حريته .
ضحك بخفه وقال : خلاص مفضلش غير سنه واحدو وتخلصي .
مها : اه والله يارب تعدي بسرعه بقي .
سيف : ان شاء الله تعدي بسرعه .
خرجت دعاء وهي تجفف شعرها فنظرت لمها فقالت الاخيرة : يلا ي دعاء جبتلك الاكل .
دعاء بحب : متعباكي معايا والله ..
مها بعتاب محبب : متقوليش كده تاني وبعدين كله عشان خاطر البنت القمر دي .
قالت الاخيرة بمرح وهي تقبل لينا بقوة واكملت بمزاح : اول ما اتجوز واخلف واد هجوزهم لبعض عشان اضمن الجمال دا ميخرجش من برا العيلة .
ضحكوا سويا فقال سيف بحنق : طب اركني علي جنب يختي دا ان جوزتها اساسا هي هتفضل جنبي انا وامها .
مها بإستنكار : والله طب هنشوف ان مجتش هي وقالتلك انا عايزة اتجوز مبقاش مها .
سيف بغيظ : اسكتي ي بت انتي ..
اخرجت له لسانها بطفوليه ليضحكوا بشدة .
دعاء بضحكه : طب تعالوا نطلع برا قبل ما لينا تصحي وتفضل تعيط .
امأوا بموافقه وخرجوا وجلسوا يأكلون سويا ..
______________
قرب المغرب .
انتهت شهد ومنه من تحضير الملابس في الحقيبه لتبدل شهد ملابسها ثم اخذت اريان وابدلت ملابسه هو الاخر .
وانهت سميه ايضا ترتيب اغراضها في الحقيبه ليأخذهم جاسر وقصي بسيارتهم .
ذهبت سميه لترتدي ملابسها واحمد ينتظرهم بالخارج ..
رُفع اذان المغرب ليقول احمد : طب هننزل نصلي ونتوكل علي الله .
هزوا رؤوسهم بالايجاب وتوضأت الفتيات لتصلي بهم سميه جماعه ..
بينما نزل الشباب ومعهم احمد ليصلوا بالجامع ..
وبعدما انتهوا رن قصي علي شهد ليخبرهم بالنزول .
حملت شهد اريان وخرجوا واغلقت سميه المنزل ونزلوا مع بعضهم ..
توزعوا علي السيارتين وذهبوا جميعا للفيلا ..
وبعد مرور وقت ليس بطويل وصلوا ..
نزلت الفتيات وسميه ليتفح لهم احمد ويدلفون بينما حمل قصي وجاسر الحقائب ودلفوا بها الي الداخل ..
جلسوا جميعا بالصاله وشهد وسميه ينظرون للفيلا بإنبهار .
احمد متحدثا بهدوء : فيه كذا اوضه هنا ي قصي ممكن تشوفلك واحدة كبيرة عقبال ما تظبطوا اموركوا .
هز رأسه بإيجاب فوقف جاسر وقال : طب استأذن انا ومنه .
سميه : ما تقعدوا شويه .
جاسر : معلش هنيجي تاني ان شاء الله وبكرا بإذن الله هدورلك علي بيت ي قصي ..
قصي بإيجاب : خلاص ماشي وانا هبقي اكلمك بكرا ..
اومأ بإبتسامه والقي السلام وذهب هو ومنه وركب سيارته وبجانبه منه وانطلقوا لمنزلهم .
بينما صعد احمد وخلفه الباقي ثم قال لقصي : بص الاوضه دي كبيرة ..
شهد : اي اوضه ي عمي مش مشكلة عادى .
اومأ بإبتسامه فبادلته البسمه ودلفت هي وقصي واريان الصغير الي تلك الغرفه والتي كانت غرفه سيف مسبقا .
بينما امسك احمد يد سميه دالفا الي غرفته .
احتضنها بإشتياق قائلا : تعرفي بقالي قد اي محروم من الحضن دا .
دمعت عينيها وهي تبادله العناق قائلة : متعرفش بقي كام مره كنت نفسي في الحضن دا وملقتهوش .
ابتعد قائلا بمرح : بقولك اي ننسي بقي الماضي وبلاش نعيد من تاني عشان هيخرب بيتنا ..
ضحكت بخفه ليقول بحب : وحشتيني اوي .
ابتسمت بخجل فقال : رتبي هدومك عقبال ما اخد دش .
هزت رأسها بموافقه ودلف احمد للحمام بينما اخرجت هي حقيبتها تضع ملابسها بالخزانه ..
.....
بعد فترة كان احمد متسطحا بالفراش وبأحضانه سميه فقالت الاخيرة بتردد : احمد .. ممكن اسألك سؤال ..
احمد : اكيد طبعا ..
سميه بتنهيدة : هو اي اللي حصل معاك بالضبط بعد ما انا مشيت ب قصي .
قص لها ما حدث جميعا لتتنهد بحزن ثم تقول بتردد وحرج : هو انت .. يعني .. انت ..لسه .. بتحب مريم والدة جاسر ومريم ..
احمد متنهدا : مش هنكر واقولك اني محبتهاش انا حبيتها بس ك عشرة واحترام متبادل وهي كانت شايلاني ف وقت كنت مدمر فيه بعد ما شوفت الصور وملقتكمش ... لكن مش الحب اللي حبيتهولك .
هزت رأسها بتفهم فقال منهيا الموضوع : وبعدين انا مؤمن ان اللي حصل كان ليه حكمه وسبب وكانت اجمل حاجه حصلت من جوازتي من مريم هي جاسر ومريم غير حبيبي قصي ابني الاول منك انتي .
ابتسمت بحب وتفهم ليتحدثوا قليلا ثم غفوا ولاول مرة بعد ثلاثون عاما بأحضان بعضهم ..
___________
بمنزل جاسر ...
نزلت منه بعدما ادت فرض العشاء ثم اتجهت للمطبخ .
اخرجت بعض الخضروات والدقيق لتصنع البيتزا وباقي ما يلزمه .
بدأت بتقطيع الخضروات بمهارة ثم عجنت الدقيق لتصنع عجينه البيتزا .
جلبت الجبنه وقطعتها لشرائح ثم اخرجت بعض ثمرات الطماطم لتصنع الصلصة .
انهت تحضيرها لتضعها بالفرن ثم غسلت يدها وجلست تنتظر طهيها .
بينما صفر ذلك الواقف منذ زمن بإعجاب قائلا : اي الحلاوة دي كلها .
فزعت منه لتلتفت الي جاسر الذي ضحك بخفه قائلا : متخفيش دا انا .
تنهدت وقالت : خضتني .
اتجه لها وسحب كرسي بخفه وجلس مقابلا لها قائلا : بتعرفي تعملي بيتزا حلو اوي .
منه : شكرا بس لسه انت مدوقتهاش .
جاسر : لا انا شايفك من بدري وانتي بتعمليها فأكيد هتطلع حلوة عشان اللي عملتها قمر .
توردت وجنتيها بخجل وابتسمت بخفه .
جاسر : تعبتي اكيد النهاردة .
منه : مش اوي بس كنت فرحانه عشان بابا احمد وخالتي سميه .
ابتسم وقال : اتحرموا من بعض من زمان وجه الدور انهم يعيشوا مع بعض بقي .
هزت رأسها بالايجاب مبتسمه ..
اعلن الفرن انذار عن انتهاء طهي الطعام لتقف منه وتخرج البيتزا ..
جاسر : الله ريحتها تجنن .
ابتسمت منه وقالت : تعالي حضر معايا الاطباق .
وقف بإبتسامه وذهب بجانبها يأخذ طبقين لهم ..
قسمتها منه ثم وضعت جزء منها في طبق والجزء الثاني في الطبق الاخر .
ثم اخرجت الصلصة ووضعتهم علي السفرة الصغيرة بالمطبخ وجلسوا سويا .
تذوق جاسر قطعه منها ليهمم بإستمتاع : الله روعه .
ظهرت ابتسامه لطيفه علي وجهها وبدأت بتناول قطعتها ..
جاسر بإبتسامه : عاملك مفاجأة بكرا ..
منه بحماس : اي هي .
جاسر : لا دي مفاجأة بقي .
ابتسمت بشغف وبعدها انهوا طعامهم .
وبعد قليل ذهب كل واحد لغرفته لينام ..
__________
باليوم التالت .
كان جاسر بالحديقه امام الشاطىء يتحدث بالهاتف فجاءت منه ووقفت جانبه لينهي جاسر مكالمته .
منه بتساؤل : كنت بتكلم مين ..
جاسر : كنت بكلم واحد يشوف بيت ولا فيلا لقصي هنا جنبنا .
هزت رأسها بتفهم فقال جاسر : خلصتي .
منه : ايوة .
جاسر : طب يلا .
ركبوا السيارة وانطلق جاسر لوجهه معينه .
جاسر بداخله : عدي تلت ايام ومعملتش فيهم حاجه اوي فاضل اربع ايام بس ومنه تقرر .
قال بحسم بداخله : هخليها تقول موافقه قبل الاسبوع ما يخلص كمان .
منه : هنروح فين بقي ..
جاسر : ماشي ي ستي هقولك الوقت هنروح الملاهي حجزتها كلها ليكي .
منه بعدم تصديق وفرحه : بتتكلم جد ي جاسر .
هز رأسه بالايجاب بإبتسامه شغوفه ..
تحمست بشدة ليصلوا بعد قليل .
صف جاسر السيارة ونزل ممسكا بيد منه .
ليقضوا يوما رائعا بالملاهي وقد سعدت منه بشدة وضحكت من قلبها في هذا اليوم ليفرح جاسر كثيرا .
كانوا يصلون مع بعضهم كلما اذن آذان .
وبنهايه اليوم ذهبوا الي فيلا احمد وجلسوا معهم بعض الوقت ثم عادوا مره اخري لمنزلهم .
بينما منه اتصلت علي والدتها تطمأن علي احوالهم وقد قصت لها ما فعله جاسر لاجلها ففرحت ليلي كثيرا .