تزوجنى لينتقم ولكني أحببته

البارت الثامن

اولا : أنا بعتذر عن التأخير بسبب امتحاناتى في الدروس وكده وهعوضكم بالبارت دا وهيبقى طويل إن شاء الله .
ثانيا : التفاعل عايزة تصويت وكومنتات كتير يا جماعه بليز بقي عايزة تفاعل 😥 .
ثالثا : يا ريت تعملوا متابعه عشان يوصل كل جديد .
رابعا : ياريت محدش ينشر روايتى بدون اذنى انا .
طولت عليكم يلا نبدأ بالبارت .

                       *  بسم الله *
...................
بمنزل منه .
دخلت منه المطبخ عند والدتها ودعاء وجدتهم يحضرون اكل كثير جدا .
منه بدهشه : السلام عليكم ايه كل الاكل دا .
دعاء وليلى : وعليكم السلام .
اكملت دعاء بفرحه : شاكر جى عشان كده بنعمل اكل كتير .
منه بسخريه : اه صح أصله مش بيلاقى ياكل في بيته فبيستنى لما ييجى عندنا ويفتح بطنه .
وكزتها دعاء في ذراعها وقالت : بطلى تريقه عليه بقا انا مش عارفه انتى ومحمد وحازم مش بتحبوه ليه .
منه بسخريه أشد : ونحبه ليه هو كان الوزير .
كانت دعاء ستتكلم ولكن قاطعتهم والدتهم : بطلوا انتوا الاتنين وانتى يا منه غيرى هدومك وتعالى اعملى معانا .
منه وهى تفتح الهديه : ايه رأيكم .
دعاء : واو جميله اوى .
ليلى بإعجاب : ما شاء الله جميله اوى .
منه : صاحبتى جابتهالى هديه بمناسبه نجاحى .
ليلى : مبروك عليكى الهديه يلا اطلعى غيرى بسرعه وتعالى اعملى معانا قبل ما خطيب أختك ييجى .
منه بلامبالاة : ما ييجى اعمله ايه يعنى .
ليلى بتحذير : لمى لسانك يا منه لما شاكر ييجى ومتعملناش المحقق شارلوك تمام .
منه وهى تزفر بحنق : طيب .
كلفت منه إلى خارج المطبخ وقالت بصوت عالى لحازم ومحمد : والله لانفخه اسئله لما ييجى سى شاكر .
حازم بمزاح : وانا راشق معاك يا كبير .
محمد بمرح : دى احلى حاجه والله يا رب نطفشه ونخلص منه .
وضحكوا ثلاثتهم بمرح .
صعدت منه إلى غرفتها وبدلت ثيابها وأدت فريضتها ثم نزلت مرة أخرى كى تساعد والدتها واختها في إعداد الطعام قبل أن يحضر هذا المغفل " شاكر " كما القبه منه 😂 .
___________________
وصلت مريم إلى منزلها فدلفت إلى داخل الفيلا وجلست تأكل مع والدها بعد أن القت السلام فقالت : جاسر واحشنى اوى .
احمد والدها : وحشنا كلنا ابقي اتصلى عليه بعد منخلص اكل .
اومأت مريم موافقه ثم أكملت اكلها ويعد ذلك صعدت إلى غرفتها وبدلت ثيابها وصلت الظهر ثم جلست تحكى مع اروى صديقتها على الهاتف وقضت لها كل ما حدث .
فقالت اروى : شوفتى بقي انك ظالماه انا كنت هقولك نفس كلام أخته ومش حازم يا مريم اللى يطلع منه الحركات دى .
مريم بتمنى : يا رب يسامحنى بقي يا ريت كنت سمعتك من الاول .
اروى مهونه : يلا معلش ربنا كان كاتبلك كده .
مريم : طب سلام بقي عشان بابا بيندهلى عشان نكلم جاسر .
اروى : ماشى يا حبيبتى سلام .
مريم : سلام .
أغلقت مريم الهاتف ونزلت الى والدها وجلست بجانبه واتصلت على جاسر .
_________________
في هذا الوقت
عند جاسر
كان يعمل هو وكريم على هذا المشروع وكان عباره عن بناء فندق كبير .
كان كريم يشرف على العمال وجاسر يجلس على مكتبه يراجع بعض الأوراق .
عندما اتصلت عليه مريم أخته .
فتح الخط وقال : السلام عليكم .
مريم : وعليكم السلام ازيك يا جاسر عامل ايه ؟ .
ابتسم جاسر وقال : الحمد لله اخبارك انتى وبابا عامل ايه ؟ .
مريم : الحمد لله وبابا زى الفل اهه عايز يكلمك .
جاسر : طيب ادهولى .
أعطت مريم الهاتف الى والدها فبادر احمد قائلا : ازيك يا بنى عامل ايه .
جاسر بصدق : الحمد لله بخير والله انت اخبارك ايه وصحتك عامله ايه وبتاخد الدوا ولا لا .
احمد : الحمد لله بخير يا بنى ثم أكمل بضحك : لا باخد الدوا اختك مريم مش سايبانى أبدا إلا لما اخده .
ضحك جاسر بخفه : احسن حاجه .
احمد بمرح : أيوة بقا انتوا بتتفقوا عليا .
ضحكت مريم بجانبه وابتسم جاسر وقال : أنا أقدر بردوا .
ضحك احمد وقال : ربنا يخليك يا بنى يلا عايز حاجه .
جاسر : سلامتك يا بابا يلا في امان الله .
احمد : في امان الله .
وما أن أغلق جاسر الهاتف مع والده حتى دلف كريم إليه وجلس على كرسى المكتب المقابل لجاسر .
جاسر : ها عملت ايه .
كريم وهو يزفر بتعب : الحمد لله خلصت اشراف على الكل .
جاسر : شكلك تعبان خالص .
كريم : اه والله هموت من التعب .
جاسر : طب روح انت ريحلك شويه .
كريم : طيب ماشى ال.....
قاطع كلامه رنين هاتفه فأخرجه من جيبه ونظر الى شاشه الهاتف فوجدها منه أخته .
كريم بفرح : الو حبيبه قلبى عامله ايه .
منه بتذمر طفولى : بس انت اسكت خالص مش عايزة اكلمك .
كريم ضاحكا : آمال بتتصلى عليا ليه طالما مش عايزة تكلميني .
منه بغيظ : انت بارد على فكره وعديم الاحساس ثم أكملت بشوق جارف : عشان وحشتينى خالص مالص .
ضحك كريم بخفه وكذلك ابتسم جاسر الذى كان يستمع إلى الحوار صدفه بسبب مكبر الصوت .
كريم بحنان : وانتى كمان وحشتينى اوى والله .
منه بحنق طفولى : ولما انا وحشاك مجاش ليه تسلم علينا قبل متسافر .
كريم : عشان عارف انك هتفضلى تعيطى كتير وتقولولى لا متروحش وانا مقدرش ارفضلك طلب لو اشوف دموعك حتى ثم أكمل بمرح : وبعدين انا لو مروحتش الشغل صاحبى اللى هو المدير هينفخنى ونظر إلى جاسر .
فقالت منه بغضب : ولا يقدر أساسا دا انا كنت موته بإيدي قال ينفخك قال هى سايبه هى ولا سايبه .
انفجر كريم ضاحكا على كلام منه ومنظر جاسر المغتاظ من كلام هذه الطفله من وجه نظره .
كان جاسر مندهشا تمام من هذه الطفله من وجهه نظره واحس بشعور أنها تخصه أو تقربه كما أنه احس انه سمع هذا الصوت قبل ذلك .
كريم : حقك عليا يا حبيبتى وانا راجع هجبلك هديه حلوة اوى .
منه بفرح : بجد يا كيمو .
كريم بحنان : بجد يا روح كيمو .
نظر جاسر لكريم بسخريه فهو كان يظن أنها خطيبته أو حبيبته .
منه متذكره : اه صحيح نتيجه الثانويه طلعت .
كريم بتوجس : جبتى كام ياختى انتى ومحمد .
منه وهى تتلاعب بأعصابه : حذر قذر كده .
كريم بانفعال : اخلصى يا منه متقلقنيش .
منه بضحك : جبت 98.5 ٪ ومحمد 98 ٪  .
كريم بسعاده : بجد الف مبروك يا حبيبتى .
منه : الله يبارك فيك يا حبيبي .
سعد كريم بهذا الخبر كثيرا وقال : هبقي اكلم محمد واباركله .
ثم أكمل كريم : وهتدخلى ايه بقي .
منه : هدخل كليه هندسه اصل انا بعشق الهندسه .
ابتسم جاسر بشده فهذا هو تخصصه هندسه معماريه .
كريم : طب ومحمد .
منه : هندسه بردوا .
كريم : ربنا يوفقكوا أن شاء الله .
منه : أن شاء الله .
منه : ماشى يا حبيبى يلا عايزة حاجه .
كريم : عايز سلامتك يا حبيبتى يلا سلام .
منه : سلام .
اغلق كريم الهاتف ونظر إلى جاسر الذى كان ينظر له بسخرية شديدة .
جاسر بسخرية : ايه يا عم النحنوح الرومانسيه دى كلها بس رايح تتجوز طفله لسه راحه جامعه كنت اتجوز واحده على قدك طيب .
نظر له كريم بدهشه ثم ما لبث أن انفجر ضاحكا وجاسر ينظر له بحاجبان مقطوبان .
كريم بتماسك : دى مش خطيبتى يا جدع دى اختى .
تفاجأ جاسر بشده فهو ظن أنها خطيبته أو امراته .
جاسر بدهشة : اختك !.
كريم بضحك : اه والله اختى فى الرضاعه .
أومأ جاسر مندهشا .
لا يعلم جاسر لما فرح عندما عرف انها أخته ولسيت كما توقع أن تكون خطيبته بالرغم من أنه لم يراها ولكن شعر بشعور غريب يسيطر عليه عندما سمع صوتها كان بداخله لايريد أن تنتهى هذه المكالمه كى يظل يستمع الى صوتها الذى بدأ مألوفا له .
أخرجه كريم من شروده عندما قال : انا همشى بقي سلام .
جاسر : ماشى سلام .
غادر كريم بينما ظل جاسر شاردا في صوتها يحاول تذكر هذا الصوت ولكنه لا يتذكر .
_________________________
عند منه بعدما انهت المكالمه مع كريم فدق جرس الباب فنهضت وارتدت الازدال وذهبت وفتحت الباب فوجدت هذا البغيض كما تسميه ( شاكر ) " معلش يا جماعه اصل انا كمان مش بطيقه 😂😂 " .
وعلى وجهه تلك الابتسامه الخبيثه .
                    Stop.                                                              
تعريف :
شاكر عبد المنعم شاكر شاب في السادسه والعشرون من عمره وسيم قليلا ولكن خبيث ولعوب يمثل الحب على دعاء خطيبته وهو في نفس الوقت يلهو مع بنات كثر ويفعل ما حرمه الله يمثل الحب على دعاء ومقصده من ذلك الخداع والكذب يريد أن يقضى معها ايام يفعل بها ما يحلو له تحت مسمى الحب ويأخذ منها ما يريده ثم يتركها لقد اتخذ وسيله الحب والاحترام حتى يجعلها تحبه وتطيعه في كل شئ ومخططه هو الزواج منها بالكذب وبعدما يأخذ ما يريده منها يرميها مثل بقيه الفتيات اللاتى فعل بهن كذلك .
كلا من منه ومحمد وحازم لا يحبوه اطلاقا ويشعروا بالربيه تجاهه ويلاحظوا نظراته الوقحه الموجهه نحو دعاء او منه لذلك لا يحبوه ولكن دعاء لا ترى هذا فكما يقولون " مرايه الحب عاميه " ودعاء كذلك تنخدع فى حبه المزيف .
شاكر بنظرات خبيثه : ازيك يا منه .
منه بامتغاض : انسه منه لو سمحت 
شاكر : وفيها ايه يعنى منا قريبك .
منه بنفاذ صبر : اتفضل يا استاذ شاكر .
دلف شاكر وهو ينظر لمنه برغبه فهى تعجبه كثيرا لاحظت منه نظراته الوقحه فغضبت كثيرا وقالت رافعه اصبعا في وجهه : اتعدل يا استاذ انت .
نظر شاكر حوله فلم يجد أحد فاستغل الفرصه واقترب منها وأمسك بإصبعها التى كانت تشير به في وجهه وامسك بيديها فغضبت منه أكثر وسحبت يديها بقوة سريعا ثم رفعت يدها كى تهوى بها على وجنته .
في هذه اللحظة كانت دعاء تدخل وبقيه العائله وشاهدوا منه وهى تصفع شاكر .
شهقه صدرت من دعاء وهى ترى اختها تصفع خطيبها فتوجهت ناحيتها وقد اعماها الغضب وقامت يصفع منه بقوة على وجنتها أدى إلى سقوط منه على الأرض فأسرع حازم ومحمد ناحيه منه كى يساندوها وهم مصدومين من الذى يحدث .
بينما كان شاكر يستشيط غضبا وتوعد لمنه بالكثير ولكن شعر بالشماته عندما صفعتها دعاء ونظر لها بتشفى .
دعاء بغضب : انا مسمحلكيش تمدى ايدك على شاكر والقلم دا عشان تحترمى اللى اكبر منك انا مش عارفه انتى بتكرهيه ليه كده ولا قولى انك مش عاوزة تشوفينى فرحانه وغيرانه منى .
كانت منه في حاله صدمه شديدة وما ألمها وصدمها أكثر كلام شقيقتها دعاء .
محمود بغضب : دعاء انتى ازاى تمدى ايدك على اختك دا انا ابوها ومعملتهاش ولا مرة وايه الكلام الفارغ اللى بتقوليه دا اختك بتغير منك انا بجد مش مصدق انك انتى بنتى واللى ربيتها على الاحترام .
صاح محمد غاضبا وهو يرى الدماء تسيل من شفتى منه توأمه ونصفه الأخر : انتى واحده غبيه ازاى تمدى ايدك على اختك يا اللى بتتكلمى على الاحترام ماحترمتيش ابوكى ليه وهو واقف بدل ما انتى مديتى ايدك على اختك .
دعاء بغضب : عشان هى واحده مش......
قاطعها والدها صارخا : اخرسى لما نعرف اللى حصل .
شاكر سريعا قبل أن تحكى منه ما حدث وتفشل خططته : ابدا انا عشان قولتلها يا منه بدون انسه انا اسف يا انسه منه .
دعاء : بتعتذر ليه المفروض هى اللى تعتذر وبعدين عشان السبب التافه دا ضربتيه بالقلم .
محمود : انا مش قولت اسكتى يا دعاء ولا هو خلاص مفيش احترام .
ثم أكمل حديثه موجها بصره ناحيه منه : ايه يا منه اللى حصل .
كانت حاله منه لا يرث بها فكانت الصدمه تتملكها حيث لأول مرة ترفع اختها يدها عليها ولأول مرة تصرخ بوجهها من أجل شخص قذر مثل شاكر .
هزها حازم برفق وقال بحنان : قوليلى يا منه ايه اللى حصل .
انتبهت منه لحازم فرفعت انظارها تجاه اختها دعاء ودموعها على وجنتيها شعرت دعاء للحظه بالحزن والندم ولكن تبدل سريعا بغضب عندما تذكرت ضربها لخطيبها شاكر .
وقفت منه بمساعده حازم ومحمد .
فقال والدها بحنان : تحكى يا منه ومتخافيش .
قال شاكر سريعا منفذا نفسه من هذه الورطه : زى ما قولتلك يا عمى عشان قولتلها منه بدون انسه .
حازم بغضب : اظن بيقول يا منه ولو سمحت لما تبقي العيله بتتكلم مع بعضها متتدخلش .
دعاء بغضب : انت ازاى تكلمه كده........
حازم صارخا : اخرسى بقي .
ظلت منه تبكى فأخذتها والدتها ليلى بحضنها وظلت تربت على ظهرها .
محمد : ايه اللى حصل يا منه .
أخرجت منه نفسها من حضن والدتها ووقفت أمام دعاء مباشرة وقالت ببكاء : صدقينى هتندمى ندم حياتك أن اتجوزت القذر دا .
قالت الأخيرة وهى توجه سبابتها على شاكر .
كادت دعاء تتكلم ولكن سبقها حازم : اسكتى يا دعاء واسمها منه هتقول ايه .
وجهت منه نظرها إلى أبيها وقالت : بابا انت بتثق فيا صح ودائما بتقولى قراراتك انتى اللى تاخديها عشان انا واثق فيكى .
محمود مؤكدا : طبعا يا بنتى .
منه وقد أعادت نظرها إلى دعاء : الشخص اللى دعاء هانم ضربتنى عشانه مسك ايدى غصب عنى وكان
وكانت نيته مش كويسه وبيبصلى بنظرات وحشه ووقحه مستغلا أن مفيش حد في الاوضه .
دعاء صارخه : انتى كدابه.......
قاطعتها منه بغضب : انا مش كدابه ورب العزة والله هو دا اللى حصل وانا عمرة مهسامحك يا دعاء انتى عارفه انا موجعنيش القلم قد ما وجعنى كلامك انا يا دعاء بغير وبغير من مين منك انتى ربنا يسامحك يا شيخه واللى قاعدة تدافعى عنه وبتصرخى في اختك عشانه دا واحد قذر حتى نظراته الوقحه وكلنا بنلاحظ كده بس انتى عاميه مش بتلاحظى خالص وكان بابا بيقولنا هى بتحبه وهو بيحبها مع أن نظراته كانت بتقول العكس .
زفرت بقوة ثم أكملت : اقسم بالله يا دعاء لاعرفك حقيقته واكشفه قدامك ولغايه ما اليوم دا ييجى مفيش بنا سلام ولا حتى كلام حتى المكان اللى قاعدة فيه انا مش هقدر اقعد فيه يا ... يا اختى .
وذهبت إلى غرفتها سريعا ولحقها محمد وحازم وهم خائفون جدا عليها .
وبقي ليلى ومحمود والدان دعاء ودعاء وشاكر الذى كان يستشيط غضبا .
أما دعاء فكانت تحدق في الفراغ وهى تسترجع كلمات منه في عقلها وهل هى حقا مخدوعه نعم فمنه لا تحلف كذب ابدا ولكن حبيبى شاكر يفعل ذلك لا لابد أن منه تكذب لأنها تكرهه ( ايه البنت دى يا جماعه عايزة اكتر من كده دليل 😂) .
هكذا اقنعت دعاء نفسها الو بالأحرى تحاول إقناع نفسها وعدم تقبل الحقيقه .
أما والداى دعاء فنظروا إلى شاكر بإستحقار واشمئزاز ثم رحلوا .
شاكر : صدقينى يا دعاء مش صح انا معملتش كده اختك على طول بتكرهنى عشان كده بتتبلى عليا .
كان شاكر يقنعها بهذه الكلمات بعد أن رحلوا والديها ودعاء صدقت ما قاله بسرعه لأنها تحاول عدم تقبل الحقيقه وتكذب اختها التى تربت معها أو بالأصح التى ربتها دعاء فكيف لها انا تكذب على شقيقتها وتصدق شخص غريب تحت مسمى الحب .
دعاء بضيق : انا عارفه يا شاكر انا واثقه فيك .
وقال عقلها : يعنى واثقه فى شاكر اللى متعرفهويش غير من سنتين ومش واثقه في اختك اللى ربيتيها .
اسكتت عقلها بقلبها وهو يقول : بس دا بيحبنى مستحيل يعمل كده .
تنهد شاكر بإرتياح فلم تصدق دعاء كلام شقيقتها فقال بحب مزيف : طيب يا حبيبتى انا هروح الوقت لغايه ما الأمور تهدى .
دعاء بحب : طيب ماشى خل بالك على نفسك .
شاكر بحب مصتنع : وانتى كمان يا عمرى سلام .
خرج شاكر وهو يتنهد بإرتياح لعدم فشل خطته .
أما دعاء فصعدت السلم فوجدت محمد وحازم ووالدها ووالدتها يقفون على باب غرفه منه وينادون بإسمها ويكادوا يكسروا الباب وصوت بكاء عالى وشديد وصراخ .
فقالت بقلق : فى ايه منه مالها .
نظر لها حازم بإستحقار وقال بغضب : انتى تخرسى خالص وغورى من وشى كل دا بسببك والله لو منه جرالها حاجه لادفنك حيه يا بتاعه شاكر .
محمد وهو على وشك البكاء وكيف لا يبكى وتوأم روحه بالداخل تبكى وتصرخ : افتحى يا منه عشان خاطرى .
فجأه سمعوا صوت تحطم شئ احدث ضجه وعم السكون المكان حتى خلا من صوت منه فقلق الجميع فقالت ليلى بخوف : ..............................

انتهى البارت توقعاتكم .
عايزة طلب يا ريت تدوسوا على النجمه الصغيرة اللى تحت ومتنسوش تعملوا متابعه .
المهم اللى شايف أن موقف منه صح ورد فعلها صحيح يورينا نفسه في التعليقات .
يا ترى ايه اللى هيحصل البارت الجاى ومنه هيبقى موقفها ايه بعد اللى حصل مع دعاء ؟ .
ودعاء هتسيب شاكر ولا هتصدقه وتكمل معاه ؟ .
وعايزة اعرف ايه اكتر حد حبتوه في القصه من الشخصيات الموجودة .
وايه اكتر حد مش بتطيقوه واكيد دا معروف 😂 بس حابه اسمع منكم .
طولت عليكم معلش بحبكم في الله ❤️❤️❤️ .