تزوجنى لينتقم ولكني أحببته

البارت الثالث والخمسين

لتعود سميه من ذكريات الماضي علي يد احمد التي تربت علي يدها بحنيه ..
سميه ببكاء : يعني اي انا مش فاهمه حاجه ..
احمد بتنهيدة : يعني كل دا كان بسبب بابا هو اللي عمل دا كله ..
سميه وهي تشهق ببكاء : يعني كل السنين دي وانا ظلماك وكنت مفكره انك ضحكت عليا ..
نظر لها بحزن وتحولت نظرته الي الفزع عندما وضعت سميه يدها علي قلبها وقد شحبت ملامحها بشده ثم سقطت مغشيا عليها .
احمد صارخا : سميييييييييييه ..
وقف الجميع بخضه وذهبوا عند احمد وسميه ليجدوا سميه مغمي عليها تقدموا بفزع وقال جاسر سريعا : هرن علي الدكتور .
احمد بلهفه : بسرعه ي جاسر ..
اومأ سريعا وخرج يهاتف الطبيب ..
بينما حمل احمد سميه فقال قصي بخوف : من هنا ي بابا .
ذهب معه ليدلفوا الي غرفتها فوضعها احمد علي الفراش وجلس بجانبها يحاول افاقتها .
منه سريعا : شهد هاتي اي برفان من عندك بسرعه .
اومأت شهد بسرعه وذهبت لغرفتها واحضرت عطرها لتأتي وتعطيه لاحمد الذي اخذه منها بلهفه وهو ينثر علي القليل علي يده ثم قربها من انف سميه .
لم تنجح محاولته ليعيدها مره اخري واخري حتي يأس ..
شعر قصي بالخوف الشديد عليها فجاء جاسر سريعا وهو يقول : الدكتور جه ..
وقف احمد وقال بلهفه : دكتور تعالي شوفها مش عارف مالها هي حطت ايدها علي قلبها ووقعت فجأة .
هز الطبيب رأسه بالايجاب وهو يتقدم ليفحص سميه بينما خرج قصي وجاسر .
بعد عشر دقائق انهي الطبيب فحصه واخرج ورقه يدون بها بعض الادويه فسأله احمد بقلق عن حالتها ليجيب الطبيب بهدوء : متقلقوش هو بس هبوط عندها وهي اساسا عندها مرض السكر فاللي حصلها طبيعي المهم بس تاخد الادويه دي وتبعد عن اي ضغط وان شاء الله هتبقي بخير .
زفروا براحه وقال احمد ممتنا : متشكر جدا ي دكتور .
الطبيب : العفو دا واجبي ..
احمد : اتفضل ..
خرج معه واعطاه نقوده ثم رحل الطبيب بينما قال قصي بقلق : ماما مالها ي بابا .
احمد بإطمئنان : الدكتور قال هبوط بس من السكر وان شاء الله هتبقي بخير .
تنهدوا بإرتياح وخرجت منه هي وشهد وقالت : هروح اعملها شوربه خضار مفيده جدا ليها .
اومأ أحمد لها مبتسما فذهبت شهد ومنه الي المطبخ بينما حمل جاسر الصغير اريان الذي بدأ يغمض عينيه بنعاس ..
ودلف قصي يطمئن علي والدته ثم خرج مره اخري وجلس بجانب جاسر بينما جلس احمد برفقه سميه حتي تفيق ..
جاسر لقصي : متقلقش ان شاء الله هتبقي كويسه ..
هز رأسه بالإيجاب بصمت ..
جاسر وهو يقبل اريان من جبهته : اريان نام ..
ابتسم قصي بحنو وهو يحمله عن جاسر قبل وجنته بحنان ثم دلف لغرفتهم ووضعه علي فراش الصغير برفق ثم خرج جالسا بجوار جاسر ملقيا رأسه علي ذراع الاريكه ..
قصي بتساؤل : مش هنقول لمريم ..
جاسر : لما نطمن علي خالتي سميه الاول وكل حاجه تتحل .
هز رأسه بالإيجاب بإبتسامه.
تسطح جاسر علي الاريكه والقي رأسه علي رجل قصي وقال : عايز اشرب قهوة .
قصي بتهكم : بيت ابوك هو ..
جاسر بضحكه : بيت اخويا عندك مانع ..
قصي مبتسما بحب : لا معنديش مانع .
جاءت شهد بفنجانين من القهوة ليعتدل جاسر بينما قال قصي : لسه بنقول عايزين قهوة .
ابتسمت شهد وهي تعطي القهوة لقصي ثم دلفت للمطبخ مره أخري .
اخذ جاسر فنجانه وكذلك قصي ليجلسوا يرتشفوا القهوة بإستمتاع .
______________
بالمشفي..
كان مصطفي يعمل بالمشفي حتي اتاه اتصال ليرد بهدوء وما لبث ان تحول هدوءه الي فزع وهو يقول : ثواني وهبقي عندك متقلقيش ي حبيبتي انا جاي ..
ليخرج سريعا ولم يسمع نداء سارة واستأذن من الطبيب المشرف ويذهب لجدته .
زفرت سارة بضيق وانزلت يدها وقالت بنفسها : كان بيكلم مين دا .
سارة بحنق : وانا مالي بيه الله .
اكملت بغيظ : اكيد مراته مش بيقول حبيبتي .
زفرت بحنق وقالت مصتنعه الهدوء : اساسا ميفرقش معايا هروح اشوف شغلي وملييش دعوة بيه ...
مرت دقيقتين ثم رجعت تفكر فيه من جديد وهي تزفر بيأس .
............
بمنزل حازم ومريم القريب من منزل العائله .
بغرفتهم ..
كانت مريم تقف امام المرأة تصفف شعرها المبلل .
خرج حازم من الحمام وهو يرتدي بنطال فقط تاركا جزعه العلوي العضلي عاريا وقطرات الماء تتساقط من شعره الغزير .
تقدم محاوطا خصر مريم من الخلف ساندا برأسه علي كتفها .
ابتسمت مريم بحب فقال حازم : عامله اي النهاردة..
مريم : الحمدلله ي حبيبي .
ادارها ناحيته وهو يتحسس وجهها بأنامله قائلا : المهم تقعدي وترتاحي متعمليش حاجه ..
مريم بضحكه : هو انا بعمل حاجه ي حازم غير اني قاعدة ..
ابتسم حازم وهو يقبل جبهتها بحنو وهو يقول : بخاف عليكي اعمل اي طيب ..
حاوطت مريم عنقه وقالت بحب : متخفش عليا وبعدين انا مش بقعد لوحدي بعد ما بتمشي بروح عند ماما .
هز رأسه متفهما فقالت مريم بإشتياق : حازم ممكن تاخد اجازة النهاردة انت وحشني اوي ومش بتقعد معايا كتير كل يوم بتقوم من الصبح وتروح الشغل وترجع متأخر بكون نمت كمان ومش بشوفك ..
حازم بحب : طب اعمل اي ي حبيبتي والله الشغل كتير عليا اوي وخصوصا بعد ما عمران باشا كبر في السن وخلاني اتكفل بكل حاجه في الشركه ومقدرتش ارفض طلبه دا زي بابا ..
مريم بحزن مصتنع : طب عشان خاطري اقعد معايا انهاردة.. انهاردة بس ..
حازم بيأس : حاضر ي مريم هكلم واحد صاحبي بس الاول .
اومأت بفرح وهي تقفز مقبله وجنته بقوة .
انطلقت ضحكاته وهو يري فرحتها ثم اتجه وكلم صديقه وتحدث ببعض الكلمات ثم اغلق معه وتوجه الي مريم وقال بإبتسامه : اللبسي يلا .
مريم بإستغراب : اللبس !! ليه هنروح فين ..
حازم وهو يداعب وجنتيها بحب : هقولك لما نركب العربيه .
اومأت بحماس وذهبت تبدل ملابسها وكذلك فعل حازم .
انتهوا ليخرجوا بنفس الوقت فأبتسموا لبعضهم وامسك حازم يدها بين يده ثم خرجوا ..
ركب حازم خلف المقود وبجانبه مريم وانطلق حازم بسرعه متوسطه ..
مريم بحماس : هنروح فين بقي ..
حازم بحب : حسيتك زهقانه فقولت اخرجك شويه تفكي عن نفسك ..
حاوطت ذراعه والقت رأسها علي كتفه قائلة : اه والله كنت زهقانه من القعدة اوي ..
ابتسم بخفه واكمل قيادة حتي وصلوا الي مطعم وسط المدينه .
صف سيارته ثم نزل هو ومريم وامسك يدها ودلفوا الي المطعم ..
جلسوا بطاوله بعيدة عن الانظار قليلا وطلب حازم الجرسون .
مريم وهي تتطلع حولها بإعجاب : جو الطعم حلو اوي .
ابتسم وقال : انا علي طول باجي فيه .
مريم بإستغراب : علي طول .
حازم وهو يختار لهم طعام من المنيو الذي جلبها الجرسون : اها لما بكون في الشركه وفي وقت البريك مثلا بنزل اجي فيه او لما يكون عندنا اجتماعات بتبقي علي طول هنا .
اومأت بتفهم واكملت تفحص المكان .
اعطي حازم طلبه للجرسون ورحل الاخير يحضر طلبه ..
بعد قليل جاء طلبهم ليضع العامل الاكل علي الطاوله ثم يرحل ..
مريم بشهيه : الله ي حازم كباب وكفته من اللي بعشقهم ..
حازم بمرح : اوماال .
ضحكت بخفه وبدأوا بالاكل ..
وبعدما انهو حاسب حازم الجرسون ثم رحل هو ومرسم وركبوا السيارة مره اخري .
مريم بتفكير : هنروح فين تاني ..
حازم : ثواني وهتعرفي .
ابتسمت ونظرت للطريق امامها ..
اوقف حازم سيارته فنظرت مريم حولها لتجد انهم امام الشاطىء .
نزلوا وذهبوا يجلسون امام الشاطىء وقال حازم بإبتسامه : اي رأيك .
مريم بشغف : تحفه ي حازم بقالي كتير مجتش هنا .
وقف حازم وقال : خليكي ثواني وجاي .
نظرت له وهو يذهب لذلك الرجل الذي يبيع ايس كريم وعصائر فطلب اثنين عصير تفاح وايس كريم باللبن .
دفع النقود ثم اخذ طلبه وذهب لمريم وجلس بجانبها مره اخري .
قال وهو يعطيها : العصير المفضل عندك والايس كريم ..
مريم بحب : حازم .
حازم بعفويه : عيونه .
مريم : انا قولتلك انهاردة اني بحبك .
حازم بعبث : لا .
مريم بعشق : بحبك ي احلي حاجه حصلتلي في حياتي .
ضمها حازم لحضنه وهو يقول بهمس محب : وانا بعشقك يا اغلي حاجه عندي .
ابتسمت بحب وهي تضمه أكثر .
ليجلسوا مطولا ثم قال حازم من وسط حديثهم : تحبي تروحي فين تاني ..
مريم بتفكير : نروح محل ونشتري حاجات للبيبي .
ابتسم ووقف ماددا يده لها لتضع يدها بيده وساعدها علي النهوض ثم ذهبوا لينطلقوا الي المول يبتاعوا ملابس لطفلهم وهم سعيدين بشدة .
__________________
بمنزل كريم وبالتحديد بغرفته .
دلف كريم بتعب وارهاق ليتفاجأ بأروي ترتدي قميص باللون الاسود يصل الي ما قبل ركبتها وذراعيها مكشوفان تاركه شعرها خلف ظهرها تضع روج صاخب وبعض المكياج الخفيف ليبرز ملامحها الانوثيه .
تقدم منها منبهرا بجمالها وهو يقول بإعجاب : اي القمر دا ..
التفتت اروي وابتسمت وهي تقول : انت جيت ..
وصل اليها ليمسك يدها ويلفها عدة مرات و هو ينظر لها ببهوت من جمالها الأخاذ .
حاوطت اروي عنقه قائلة بدلال : حلوة ..
كريم وهو مسحور تحت جمالها : حلوة بس قولي قمر وعسل وسكر وكل الحاجات الحلوة .
قالت بحب وهي تداعب ازرار قميصه ببطء تشعل جسده : عملالك مفاجأة ..
كريم : مفاجأة اي بس بعد دا كله ..
كادت تتحدث ليقاطعها واضعا شفتيه علي شفتيها اخذا اياها في قبله عميقه .
ليحملها بخفه واضعا اياها علي الفراش ابتعد يسمح لها بالتنفس قليلا ثم عاد مقتسحا شفتيها بقبله شغوفه اخذا اياها الي عالمهم الخاص................

بعد العصر ..
استيقظت اروي لتجد نفسها محاوطه من قبل زوجها لتبتسم بحب وهي تعتدل قليلا .
رفعت نفسها فوقه وداعبت وجهه بخفه وهي تضحك بخفوت علي انزعاجه ..
اروي : كريم كيموو .
كريم بنعاس : اممممم .
اروي بدلال : حبيبي يلا قوم بقي ..
كريم : سيبيني شويه ..
اروي بحزن مصتنع : يلا بقي هتزعلني لييه مش هتقوم عشان اقولك علي المفاجأة .
اعتدل وهو يفرك عينيه بنعاس ..
ابتسمت اروي وهي ترجع شعره للخلف بحب .
القي رأسه علي صدرها وقال : مفاجأة اي بقي ..
اروي بحب : انا حامل .
اعتدل سريعا ونظر لها بزهول وقال بصدمه : ايه !!!!! .
اروي بهمس : انا حامل ي كريم ..
نظر لها غير مصدقا وقال : انتي بتتكلمي جد ..
هزت رأسها بالايجاب بإبتسامه حنونه فأحتضنها كريم بسعادة وهو يقول : الحمدلله يارب الحمدلله .
دمعت عينيها بحب وهي تري ردة فعله السعيدة ابتعد مقبلا كل انش في وجهها وقال من بين قبله والاخري : بحبك ي احلي حاجه واغلي حاجه عندي ..
لفت يدها حول عنقه وقالت بعشق : وانا بحبك اووي ي عمري انت ..
كريم بعبث : بصي بقولك اي الكلام مش هينفع الوقت خالص ..
قال الاخيرة ساحبا اياها من ذراعها لتقول بضحكه : لااااا كررريم ..
كريم بعبث : كريم اي بس هو انتي خليتي عقل في كريم ي قلب كريم ..
ليميل اخذا شفتيها في رحله بين العشق والحب والجنون ...
_____________
بمنزل قصي ..
عادت سميه لوعيها منذ زمن واحضرت لها شهد طبق شوربه لتشربه كاملا .
وبعدما استعادت بعض من قوتها قالت لاحمد بخفوت وخجل : انا اسفه ي احمد ظملتك و...
قاطعها احمد بحنو : متتأسفيش انا اللي اسف لاني كان لازم اقولك واحكيلك علي كل حاجه ولو كنت عملت كدا مكنش دا حصل بس دا كله قدر ومتكوب واللي حصل معانا زمان كان نتيجه ظلم ابويا لينا ..
اومأت بحزن وقالت : بس انا ظلمتك اوي وكل دا كنت مفكره انك انت اللي ظلمتني وضحكت عليا لدرجه اني خبيت علي قصي .
انتبهت لكلمتها الاخيرة وقالت : هو فين قصي صحيح ..
احمد وهو يقف : ثواني هناديه .
خرج وقال : قصي والدتك عايزاك .
اومأ قصي سريعا وهو يدلف لوالدته بلهفه .
جلس جوارها وهو يقبل يدها قائلا : عامله اي ي حبيبتي .
انهمرت دموع سميه ووضعت يدها مكان ضربتها له وقالت بخفوت : انا اسفه ي قصي والله مش عارفه عملت كده ازاي ومديت ايدي عليك ..
قبل رأسها قائلا بحنان : تعيشي وتضربيني ي ماما وبعدين يعني انتي مسميه دا كف انا حتي محستش بيه .
وضع يده علي وجنته وقال بألم مصتنع : لا انا كداب اوي .
ضحكوا سويا فقبلت وجنته مكان ضربتها وقالت : وكده بتوجعك ..
قصي بهيام : هيييح لا لسه بتوجعني عايز بوسه تانيه ..
احمد بحنق : لا كفايه كدا بقي ..
انطلقت ضحكات قصي فأبتسمت سميه بحنان فقال احمد : تعالي جنبي هنا .
وقف قصي واتجه جنبه ليضمه احمد بحنان وهو يقبل رأسه .
دق الباب ليدلفوا جميعا جاسر وخلفه منه وشهد تحمل اريان .
جاسر : عامله اي ي خالتي الوقت .
سميه : تعالي ي جاسر جنبي .
اطاعها جاسر وجلس بجانبها لتربت علي كتفه قائلة ببعض الخجل : انا اسفه ي بني مكنتش عارفه بتكلم اقول اي .
جاسر مبتسما بهدوء : ولا يهمك ي خالتي انتي زي امي ..
ابتسمت بحب و...............

انتهي البارت النهاردة ..
مكنتش عايزة اوقف بس بابا حلف عليا بعد الساعه ١٢ ميشوفنيش ماسكه الفون حتي والنهاردة معلش اعذروني هقف هنا وانشره وبكرا هكمل الجزء بتاعه وانشره ودا طبعا غير البارت الاساسي .
فوت ومتنسوش كومنت.
التفاعل بيرجع يقل من تاني ليه هزعل نا كده ..
دمتم بخير ❤❤❤.
الكاتبه منه فرج .