تزوجنى لينتقم ولكني أحببته

البارت الواحد والعشرون

انتهي البارت اللي فات لما منه دخلت لحازم اوضته .
تعالوا نشوف هيحصل اي .
Enjoy ❤
________________________
حازم : النهاردة لما رحت الجامعه في الصبح شوفت الانسه مريم وطلب منها خمس دقايق اتكلم معاها فيهم واوضحلها سوء التفاهم اللى حصل وقالت ماشي بس ثم اكمل بألم : فضلت مستنيها وفي الاخر مجتش انا كنت فرحان انها وافقت اخيرا اني اكلمها واوضحلها اللي حصل بس كسرت قلبي لما مجتش زعلان منها بقدر حبي ليها طب هي طالما مش هتيجي قالتلي ليه ماشى وخلت الامل كبر جوايا وقولت واخيرا هعرف اوضحلها بس طلع وهم علي الفاضي ثم مسح دمعه فرت من عينيه غصب عنه واكمل بغضب والم : بس خلاص الوقت انا اتأكدت انها مش عايزاني وانا مبحبش افرض نفسي علي حد ومش هفكر فيها تاني وهحاول بقدر الامكان اني انساها .
ثم اكمل بشرود حزين: الله يلعن الحب اللي يخلي الواحد بالشكل دا ولا كأنه مذلول .
قال الاخيرة بألم وحزن .
كانت منه تستمع له بصمت ولكن داخلها يتألم من اجل اخيها وما يعانيه وتبكي بصمت .
انهي حازم كلامه فأحتضنته منه بقوة ومن كثرة حزنه لم يستطع ان يبادلها الحضن .
منه بعدما مسحت دموعها : طب اديها عذر مش يمكن كانت مستنياك زي ما انت كنت مستنيها بس في مكان تاني .
هز حازم رأسه بالرفض وقال بغضب : بلاش بقا كل شويه اعذار اعذار لغايه امتي دا انا خلاص الموضوع دا انتهي بالنسبالي ومش عايز افكر فيه تاني ثم نظر لها واكمل : ولا انتي كمان تفتحي الموضوع دا تاني ماشى ؟؟؟؟!.
منه : بس ممكن تكون مظلومه وانت مفكر انها عملت كدا عمدا .
وقف حازم وقال بألم : وهي معطتنيش فرصه ليه اشرحلها اني مظلوم من اللي كانت بتقول عليه ليه انا اللي افضل اعافر لوحدي ودا كله عشان بحبها وليه هي محستش اني مظلوم لما شويه العيال ** دول قالولها الكلام الفارغ دا .
كادت منه تتحدث ولكن قاطعها حازم بحزم : منه الموضوع انتهي خلاص وياريت متجبيش سيرته تاني من فضلك .
زفرت منه بيأس ثم وقفت وقالت : طيب حاضر زي ما انت عايز بس بلاش تزعل نفسك انت .
ابتسم حازم بحزن وقال وهو يقبل رأسها : متخافيش عليا روحي انت ارتاحي عشان الجرح اللي في راسك .
اومأت منه بحزن علي اخيها ثم دلفت خارج غرفه حازم فقابلت محمد وهي في طريقها الي غرفتها .
محمد بإستغراب : مالك ي منه .
منه : تعالي نتكلم جوه .
اومأ محمد وسار خلفها حتي دلفوا الي غرفه منه .
جلست منه وايضا محمد فقال : احكي .
قصت منه له كل ما حدث منذ مجئيها الي مكتب حازم الي ان خرجت من غرفه حازم الان .
اتسعت اعين محمد بدهشه وقال : كل دا حصل انهاردة .
اومأت منه بحزن .
محمد : جرحك عامل اي الوقت واجعك تاني .
منه : لا انا كويسه الحمد لله.
محمد : حازم مش راضي يسمع حاجه تانيه عنها ولو رحتي واتكلمتي معاه تاني ممكن يشك انك عارفه كل حاجه من وراه .
جائهم صوت من ورائهم جعل التوتر والاضطراب يزحف في قلبهم .
: ايه هو اللي عارفينه من ورايا .
كان صاحب هذا القول هو حازم .
التفتوا اليه بتوتر ثم نظروا الي بعضهم بقلق فأستغرب حازم وقال بحده خفيفه : ايه هو اللي عارفينه ومخبينه عني .
نطق محمد بتوتر : دا...دا قصدنا....علي شاكر ...خطيب ..دعاء .
جلس حازم ونظر لهم بعيون ثاقبه وقال : ماله شاكر وايه هو اللي عارفينه عنه .
جلست منه بعد ان هدأت قليلا وقالت : انا النهاردة كنت جيالك عشان نفس الموضوع بس معرفتش اقولك بسبب اللي حصل .
اومأ حازم وقال : اناا لسه فاكر عشان كدا جيت اسألك .
اكملت منه : طبعا انت عارف اننا مش بنطيق شاكر وشاكين فيه دايما بسبب تصرفاته وغير كدا الموقف اللي حصل وكذبه لاختي دعاء عشان تصدقه .
حازم : امممممممم كملي .
نظرت منه الي محمد ثم أعادت نظرها الي حازم مرة اخرى وقالت وقد استجمعت شجاعتها قليلا : عملنا خطه انا ومحمد نكشفه بيها .
ربع حازم يديه اعلي صدرة ونظر لهم بحدة وقال : كملوا .
اكمل هذه المره محمد : اشترينا خط وبقينا نكلمه علي اساسا بنت معجبه بيه وطبعا زى ما اتوقعنا كان بيرد عينا وكأن دا شئ متعود انه يعمله ويكلم البنات علي طول .
تحدث منه مكمله وامبارح ساعه ما رحت انا ودعاء امبارح نشترى شويه حاجات من المول بالصدفه قابلناه هناك وكانت معاه واحدة كدا ملزقه وكلامها عوج ولابسه ضيق في ضيق ونص شعرها باين من الطرحه شوفناهم صدفه ولما انا قولتله مين دى راح قال دى بنت خالتي ف دعاء قالتله وبتعمل معاك ايه راح قالها انه شافها صدفه وطبعا قعد يألف كلام عشان ينقذ نفسه من الموقف وقالها هي بنت خالتي يعني عادى وانا شوفتها صدفه وكنت رايح اوصلها عشان هى بنت ومينفعش تمشي لوحدها بس دعاء مقتنعتش فلما شافها شاكر وحس انها مقتنعتش خدها علي جنب ومعرفتش بقا قالها ايه خلاها جايه متعصبه .
صمتت قليلا ثم اكملت : بس اللي حيرني هو انا طبعا مش مصدقه اللي قاله شاكر واللي اكدلي دا بشمهندس سيف .
حازم بإستغراب : بشمهندس سيف ؟؟!!!!!.
اومأت منه مكمله : ايوة بشمهندس سيف كان هناك بنفس المطعم اللي جنب المول كان في شغل وكدا وقابلنا صدفه هناك فلما شاكر
خد دعاء علي جنب قالي انه ساعه ما جه المطعم شاف شاكر قاعد مع البنت اللي كانت معاه وماسك ايديها وهى كمان ماسكه ايديه كأنه واحد ومراته معني كدا انهم متقابلوش صدفه زى ما قال وممكن كمان متكونش بنت خالته مهو اللي خلاه يكذب مره اكيد هيعمل تاني وتالت .
صمتت وهي تترقب رد فعل حازم بعد ما قالته .
حازم : بقا كل دا يحصل وانا معنديش علم بيه .
منه سريعا : والله كنت هقولك النهاردة كل حاجه وكنت هقولك نروح نراقبه و...
قاطعها حازم : فين التليفون اللي كنتوا بتكلموه بيه .
اخرجت منه هاتفها : اهو دا تليفوني بس كنت بشيل الخط بتاعي واحط الخط اللي كنا بنكلم عليه شاكر لما نيجي نكلمه .
حازم : امممم حلو اللي عملتوه ثم ابتسم بعبث وقال : ولسه كمان اللي هعمله انا .
نظرت له منه بصدمه وكذلك محمد فهم كانوا يتوقعون ردة فعل غير هذا .
قهقه حازم علي منظرهم المصدوم وقال : ايه مالكوا .
هزت منه رأسها غير مصدقه وقالت : يعني انت مش هتزعقلنا علي اللي عملناه .
نفي حازم برأسه : لا طبعا انتوا مغلطتوش انتوا بتحاولوا تنقذوا اختكوا من واحد زى شاكر دا بس انا زعلان بردوا المفروض كنتوا تقولوا .
محمد : انت كنت مشغول بالشغل وغير كدا جاسر لما اتقدم لمنه نسينا الموضوع خالص .
اومأ حازم بفهم وقال : خلاص ماشي الوقت هنعمل اي في شاكر .
محمد : احنا مش هينفع نفضل نكلمه كدا احنا لازم نراقبه .
منه : ساعه ما بشمهندس سيف حكالي كدا بصراحه مقدرتش اخبي وخصوصا ان هو كمان عرف شاكر علي حقيقته فعرض عليا انه يساعدني وقال ممكن يجمعلي المعلومات كله عنه في ظرف يومين .
صمت حازم يفكر ثم قال : ماشي تمام بس المشكله هنا دعاء كيف هتصدق انا خايف عليها اوى الزفت شاكر غرقها في حبه .
جائهم صوت دعاء الذي يشوبه البكاء جعل الصدمه تتملكهم وقد تجمدوا مكانهم .

انتهي البارت .
انا رجعت تاني والحمدلله خلصت الامتحانات بس لسه مفيش حاجه بتخلص 😥😂 عندي امتحانات تاني اخر الشهر المهم أن شاء الله هحاول اني موقفش زي المره اللي فاتت بارت النهاردة قصير معلش بس مكنتش كاتباه والله ولسه مخلصاه بس اوعدكوا بارت يوم الخميس يكون طويل .
رأيكم في البارت .
فوت وكومنت حلو بليز نفسي في حاجه مشجعه بدل اليأس اللي انا فيه دا .
دور الاسئله كالعادة .
ي تري دعاء سمعتهم وهما بيتكلموا ؟؟ .
الثلاثي الخبيث 😂 حازم ومنه ومحمد هيعملوا اي تاني في شاكر ؟؟ .
مريم هتقابل حازم تاني ؟؟؟ .
اي سر اللي اسمها شيماء دي ومين اللي بيكره حازم اوي ومش عايزة يجتمع هو ومريم نهائي ؟؟؟.
حازم هيعرف الحقيقه ؟؟؟.
منه هتعمل اي عشان تجمع حازم ومريم مع بعض وتحل سوء التفاهم ؟؟؟.
جاسر هيعرف الحقيقه الوقت ولا لسه بعد ما يعذب منه معاه ؟؟؟؟.
وبالنسبه للحب اللي ابتدأ يأخذ مجراه عند سيف وووووو كمان دعاء ؟؟؟؟؟.
كفايه كدا النهاردة طولت عليكم 😂 .
انتظروا البارت الجاي كلوا ضرب نار 👊😂 .
بحبكم في الله ❤️❤️.
بقلم منه فرج .
يتبع،،،،،،،،،،،.