December 25 ( Christmas Day )
ထိုနေ့ဆေးခန်းပိတ်လေတော့နွေဦးလျှံတစ်ယောက်အခန်းထဲကွေးလို့ကောင်းနေတုန်းပင်။
"ဒေါက် ဒေါက် ဒေါက်"
အခန်းတံခါးခေါက်သံကြားသည်မို့အိမ်ရာမှကမန်းကတမ်းထကာသွားဖွင့်လေသည်။
အိမ်အကူကောင်မလေးရဲ့လက်ထဲမှာတော့အထုတ်တစ်ထုတ်နှင့်။
"အကိုလေးနာမည်နဲ့အထုတ်တစ်ထုတ်လာပို့သွားလို့ပါ"
"အော်အေး ပေးပေး"
အထုတ်ကိုသူလှမ်းယူကာအခန်းတံခါးပိတ်ပြီးအခန်းထဲပြန်၀င်လာလေသည်။
"ငါဘာမှလည်းမမှာထားပါဘူး။"
ရေရွတ်ရင်းအထုတ်ကိုသာဖွင့်ဖောက်ကြည့်နေလေတော့သည်။
နောက်ဆုံးတော့သူမြင်လိုက်ရတဲ့မြင်ကွင်းကြောင့်သူ့မျက်လုံးကိုပင်သူမယုံနိုင်။
သူအရမ်းလိုချင်နေခဲ့တဲ့ဖိနပ်လေး .....
ခပ်သွက်သွက်ပင်ပါကင်ကိုဖွင့်ဖောက်လိုက်တော့ G-Dragon ရဲ့ Nike Air Force 1 "Para-Noise 2.0 " တဲ့လေ။
"ဘုရားရေ အကိုပေးတာများလား ..."
သူရေရွတ်လိုက်သည်။
"ဟမ် ...ဒေါ်လာနှစ်ရာတောင်လေ "
ဖိနပ်ကိုမှောက်လိုက်ပြန်လိုက်နှင့်သူကြည့်မ၀ဖြစ်နေရပြန်သည်။
နောက်ဆုံးတော့ဖိနပ်အိတ်ထဲမှာပါလာတဲ့စာကိုသူမြင်သွားလေသည်။
စာထဲမှာကား .....
IG မှာ G-Dragon ပုံတွေခဏခဏတင်ပြီး Story မှာ BigBang သီချင်းတွေအမြဲတင်တတ်တဲ့ VIP လေးအတွက် သဘောကျလောက်မယ့်ဖိနပ်ကို Christmas လက်ဆောင်ပေးလိုက်တာပါ။
အားလျှံက Big Bang ရဲ့ VIP တင်မဟုတ်ဘူး။ကိုယ့်အတွက်လည်း VIP ပါပဲ။
ကိုယ်ပေးတဲ့ဒီဖိနပ်လေးကိုစီးပြီးကိုယ့်အနားကနေအဝေးထွက်ပြေးသွားမှာကိုစိုးတော့စိုးရိမ်မိသား။
ဒါပေမယ့်လည်းကိုယ့်အချစ်တွေမင်းမြင်လာတဲ့အခါဒီဖိနပ်လေးစီးပြီးကိုယ့်အနားကိုအပြေးလေးအရောက်လာခဲ့ပါနော်။
