သွန်းလျှံ မြစ်သွယ်
🌸pann
Part (1)
ကျေးငှက်သံက သာပါရဲ့.. ။
ရာသီဥတု လေးကလည်း သာယာပါရဲ့.. ။
လေလေးကလည်း တသိမ့်သိမ့်နဲ့ ဝေ့ဝဲဆော့ကစားနေပါရဲ့.. ။
ဒီလိုနေ့လေးမှာ ချစ်ရတဲ့ မ ဆီက ချစ်စကားသံ တီတီတာတာလေး နားထောင်ပြီး မ အနားမှာကပ်နေချင်တာ.. ။
ချစ်ရသူလက်ကို ဆုပ်ကိုင်ပြီးလောကကြီးကို ပတ်ကြွားပစ်လိုက်ချင်တာ.. ။
ခုတော့ ကိုယ့်စိတ်ကူးတွေ ပြိုပျက်အောင် မ မို့ လုပ်ရက်တယ်..
ဖုန်းဆက်ချိန်းလို့ ကိုယ့်မှာအပျော်တွေ လှိုင်လှိုင်တိုးလို့.. ဒီရက်ပိုင်းတွေမှာ နှစ်ယောက်သားကတောက်ကဆ ဖြစ်နေရတာနဲ့ ဒီနေ့တော့အကုန်အကြေပဲလို့ တွေးမှတ်ခဲ့တာ ။
ခုတော့ တက်တက်ဆင်ကိုလွဲလို့.. ။
ကိုယ်ရောက်ရောက်ချင်း ခရီးရောက်မဆိုက် ပြောတဲ့စကားတစ်ခွန်းက စူးရှထက်လိုက်တဲ့အသွားတစ်ခုလို..
" ဘယ်လို မ .. ဘာပြောလိုက်တယ် "
" လမ်းခွဲကြရအောင်လို့ ပြောတာ.. "
" ဟာဗျာ.. အဓိပ္ပါယ်မရှိတာ ဘာလို့လမ်းခွဲရမှာလဲ "
မျက်နှာကြီး ရှုံ့မဲ့ပြီး မ ဘေးမှာ ကိုယ်ကိုပစ်ထိုင်ချလိုက်သည် ။
ကျွန်တော့်ကို ပြန် ချော့လာဖို့ အထာနဲ့ မျက်နှာတင်းထားပေမယ့်.. မ က ကျွန်တော့်အသားနဲ့တောင်မထိနိုင်လောက်အောင် ဘေးဘက်ကို တိုးထိုင်သတဲ့ ။
ဘာတွေ အဲ့လောက် ပြောင်းလဲပြနေတာလဲ..။
" မ.. ဘယ်လို ဖြစ်နေတာလဲ ဟမ် "
ထိုးထွက်လာတဲ့ စိတ်က မရဲ့ လက်ကိုအတင်းဖိကိုင်ဆွဲပြီး မေးချလိုက်သည်..
" ငါ့လက်ကို မကိုင်စမ်းနဲ့.. ဘေးလူအမြင်တွေ ရှိသေးတယ် "
ကျွန်တော့်လက်ကို ခါးခါးသီးသီး ပုတ်ချလိုက်တဲ့ မရဲ့လက်တွေ.. ။
ကိုယ့်ချစ်သူလက်ကို ကိုင်တာပဲ ဆတ်ဆတ်ခါနေပြဖို့ မလိုဘူးထင်တယ်.. ။
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...