သွန်းလျှံ မြစ်သွယ်
🌸pann
Part (16)
" မမ.. "
" ဟွန် "
ချစ်စုလေးက မျက်နှာလေးမရွှင်မလန်းနဲ့ မိုးအနားရောက်လာသည်.. ။
မနွယ်များဆူလိုက်လို့များလားမပြောတတ်.. ။
" မမကို မနွယ် ခေါ်ခိုင်းလိုက်လို့.. "
" ဟင် ဟုတ်လား.. "
မိုး သားတွေအတွက် ပြင်ဆင်ပေးနေတဲ့ ပေါင်မုန့်လေးတွေ ချထားခဲ့ကာ အိမ်ရှေ့ ခပ်သွက်သွက် လျှောက်သွားလိုက်သည်.. ။
ဧည့်ခန်းမှာထိုင်နေတဲ့သူကိုတွေ့တော့ အလိုလို ခြေလှမ်းတုန့်မိသည်.. ။
" မိုး လာလေ.. "
မနွယ်ကတော့ ပြုံးပြုံးရွှင်ရွှင်နဲ့ မိုးကိုလှမ်းခေါ်နေတာ.. ။
" မင်းဖြိုး ပြန်ရောက်နေတာတဲ့လေ.. "
သူကတော့ မိုးကိုပြုံးပြုံးကြီးကြည့်နေနိုင်ပေမယ့် မိုးကတော့ မပြုံးနေနိုင်.. ။
" ဪ မိုးနှယ်.. လာပါဆိုတာကို မလာဘူး မင်းဖြိုးပြန်ရောက်လာတာကို Suprise ဖြစ်နေတာနေမယ် "
မနွယ်က ထိုင်နေရာကနေထလာပြီး မိုးရဲ့လက်ကိုလာဆွဲခေါ်ကာ မနွယ်နဲ့အတူထိုင်စေပြန်တယ်.. ။
" ဒီမှာလေ မိုးရဲ့.. မင်းဖြိုးက ပြန်ရောက်ရောက်ချင်း လာနှုတ်ဆက်တာတဲ့ "
" .............. "
မိုး သူ့ကိုကြည့်တော့ ပုံမှန်အတိုင်းသာ.. ။
သူပြန်ရောက်နေတာဖြင့် အနည်းဆုံး သုံးလေးရက်လောက် ရှိနေပြီကို.. မနွယ်ကိုခုမှပြန်ရောက်တယ်လို့ပြောထားတဲ့ပုံ ။
" မတွေ့တာကြာတော့ သွန်းက ပိုလှလာတယ်.."
" ဟုတ်ပါ့.. မိုးက သားလေးမွေးပြီးတော့မှ ပိုကြည့်ကောင်းလာတာ "
မနွယ်က မိုးရဲ့လက်ကိုအသာဖွဖွတို့ထိကိုင်ရင်း သားတစ်ယောက်အမေမှန်း ကြွားပြနေလေရဲ့..။
" ဟင်.. သွန်းက အိမ်ထောင်ထပ်ပြုထားတာလား "
မသိချင်ယောင်ဆောင်ပြီး မေးနေပြန်ပါပေါ့လား..။
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
