သွန်းလျှံ မြစ်သွယ် (Unicode)

Part (31)

သွန်းလျှံ မြစ်သွယ်

🌸pann

Part (31)

သွန်း ဖုန်းလေးကြည့် အနားယူနေတုန်း ဖုန်းကောလ်လေးဝင်လာတော့ ရင်ထဲထိတ်ခနဲလေးဖြစ်သွားရသည်.. ။

ဒီဖုန်းနံပါတ်လေးက သွန်းဆီ လေးငါးကြိမ်ဝင်လာဖူးပေမယ့် ဖုန်းပြောတဲ့သူကပိုင်ရှင်မဟုတ်တတ်..

' သူ.. သူများလား '

သူ့သူငယ်ချင်းတွေက ဒီမှာ မရှိဘူး.. ။

ဒါဆို သူ သွန်းဆီဆက်တာများလား..

ဖုန်းတီးလုံးနဲ့အတူ သွန်းရင်ခုန်သံလေးတွေက မြန်လွန်းတဲ့ဟာမိုနီလေးလို့သံယောင်လိုက်ပေးနေတာ.. ။

ဘယ်လိုလုပ်ရမလဲ..

ကိုင်ဖို့ မကိုင်ဖို့ကို ဆုံးဖြတ်ချက်ချရခက်နေတာလည်းသွန်းသာ.. ။

တီးလုံးသံလေး မဆုံးခင် သွန်း အလောတကြီး ကိုင်လိုက်ပါတယ်..

" ဟယ်လို.. "

" .............. "

သွန်းဘက်က အသံပေးပေမယ့် တစ်ဖက်မှာက တိတ်ဆိတ်လွန်းနေပြန်သည်.. ။

ဘာများဖြစ်လို့ပါလိမ့်..

ဇာတ်ကားတွေထဲကလို ဒဏ်ရာရပြီးတစ်နေရာရာမှာလဲကျနေလို့များလား.. ။

ခေါင်းကအကောင်းတွေးမရ..

ပေါက်ကရအတွေးတွေပဲ တွေးနေမိတာမို့ လူကဒီအခိုက်တန့်လေးမှာတင် စိတ်ပင်ပန်းနေရပြီ..။

" လျှံ.. လျှံလားဟင် "

တီးတိုးလေး မေးလိုက်သည်.. ။

" ဟယ်လို "

ဖုန်းများ ကျနေသလားလို့ နားနဲ့ပြန်ခွာပြီး စစ်ကြည့်ရသေးတယ်.. ။

' ဖုန်း မကျသေးပါဘူး.. '

နောက်တစ်ခါ ထပ်ခေါ်ကြည့်မယ်လို့တွေးရင်း ပါးစပ်ဟလိုက်တဲ့ချိန်..

" သွန်း.. "

ကြားလိုက်ရတဲ့ အသံတစ်ခု..

တိုးပေမယ့် သွန်း ကောင်းကောင်းကြားနိုင်တဲ့ အသံအနေထား.. ။

" လျှံ့အသံမကြားတော့ သွန်းက ဖုန်းကျသွားတယ် မှတ်နေတာ.. "

" ကျွန်တော်နဲ့ တွဲမလား.. သွန်း "