သွန်းလျှံ မြစ်သွယ်
🌸pann
Part (7)
" နွယ်.. "
နွယ် မျက်နှာကို ညအိပ်လိမ်းခရင်မ် လိမ်းနေချိန် ဦးကကုတင်ပေါ်မှာခြေဆင်းထိုင်ရင်း နွယ့်ကိုခေါ်နေတော့.. နွယ် မှန်ထဲကနေဦးကိုလှမ်းကြည့်လိုက်သည် ။
ဦးကလည်း နွယ့်ကို မှန်ထဲကနေပြန်ကြည့်ကာ..
" ဒီနေ့ ကိုယ်တို့ဆီ ကမ်းလှမ်းချက် တစ်ခုရတယ်.. "
" ဘာကိုလဲ.. "
" NH ကို နွယ် သိတယ်မလား.. "
" နွယ် သိပါတယ်.. ခု သူဋ္ဌေးသစ်ပြောင်းသွားပြီမလား ရာထူးလွှဲပြောင်းတဲ့နေ့ကတောင် မိုးသွားလိုက်သေးတာပဲ "
" အင်.. ဟုတ်တယ် "
နွယ် မျက်နှာကို သေချာလေးလိမ်းပြီးမှ ကိုယ်လက်တွေကိုလည်း အသားရည်ထိန်းတဲ့အရည်ကြည်လေးနဲ့လိုက်လိမ်းနေလိုက်သည်.. ။
ဒါကို ဦးက တစ်ခါတလေ နွယ့်ကိုပြောချင်သား..
' သမီးလည်း မိခင်တစ်ယောက်ပဲ.. နွယ့်လိုဘာမှသုံးနေတာမဟုတ်ဘူး အလှပကအဲ့လောက်မလိုတော့ပါဘူး နွယ်ရယ် ' တဲ့လေ.. ။
နွယ်တို့ကလည်း ဘယ်သူ့စကားမှနားထောင်တတ်တာ မဟုတ်ဘူး.. ။
နွယ်ကနွယ်.. မိုးကမိုး တခြားစီပါ ။
" ခု NH က သူဋ္ဌေးပြောင်းသွားမှ ခြေလှမ်းတွေ တော်တော်သွက်နေတယ်.. "
အင်း.. ဒါလည်း နွယ် ကြားနေပါတယ် ။
စီးပွားလောကထဲ NH က တဖြေးဖြေးတိုးဝင်လာနေတာကို..
" နွယ်.. တစ်စွန်းတစ်စ ကြားထားပါတယ် အဲ့ဒါဘာဖြစ်လို့လဲ "
" NH က DS နဲ့ project တစ်ခု ပူးပေါင်းဖို့ ကမ်းလှမ်းတယ် နွယ်.. "
" ဟင်.. တကယ်လား "
နွယ် ကိုယ်ကိုလိမ်းကြံနေရာကနေ ဆွေ့ကနဲ ဦး အနားရောက်သွားသည်.. ။
" ဟုတ်တယ်.. ဒီနေ့ကတင် NH က ဦး ဆီကို တိုက်ရိုက် ဆက်သွယ်မေးလာတာ "
" ဦး ဘယ်လိုပြန်ပြောလိုက်လဲ.. "
" စဉ်းစားပါရစေအုံး လို့ ပြန်ပြောလိုက်တယ်.. "
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...