သွန်းလျှံ မြစ်သွယ်
🌸pann
Part (35)
မောင်ကတော့ ကုတင်မှာ ဘာအတွေးမှ မရှိသလိုအေးဆေးအိပ်နေတာ.. ။
ဒီနေ့ ပင်ပန်းသွားတဲ့အပြင် အဖျားရှိန်ပါတက်နေတယ်တဲ့လေ.. ။
အာ့ကြောင့် လဲကျသွားတယ်လို့ ဆရာဝန်ကတော့ပြောသွားတာပဲ.. ။
သွန်းကတော့ မောင့်ရဲ့မျက်နှာလေးကိုသာ ထိုင်ကြည့်နေမိတာ.. ။
တကယ်ဆိုသွန်းက မနွယ်ကိုစောင့်ရှောက်ပေးဖို့ဒီမှာရှိနေတာပါ.. ။
ခုတော့ မောင်နဲ့အတူ လာနေဖြစ်ပြန်တယ်..။
" ............ "
မျက်ရည်ဝဲရပြန်သည်.. ။
အတွေးထဲ ရောက်လာပြန်ပြီ မောင်.. ။
မောင်က သွန်းကို မချစ်ဘူးတဲ့.. ။
ဒါကိုပဲ ခံစားရခက်နေတုန်း.. ။
သွန်းက မောင့်ကိုချစ်သလို မောင်လည်းပြန်ချစ်ရမယ်လို့ တွေးမိတာလိုချင်မိတာက လောဘဖြစ်သွားတာလား.. ။
' သွန်း မှားသွားတာလား.. '
သွန်း မောင့်လက်မောင်းလေးကို လက်နှစ်ဖက်နဲ့ဖက်တွယ်လိုက်ရင်း ခေါင်းမှောက်ကာ ငိုမိပြန်သည်.. ။
' မောင့်ကို သိပ်ချစ်တာ သိရဲ့လား.. '
.
ကျွန်တော် နိုးတော့ အခန်းထဲမှာ ဘယ်သူမှမတွေ့.. ။
' သွန်းရော.. '
ပထမဆုံး ရှာမိတာ သူ့ကိုသာ.. ။
စိတ်ဆိုးနေတုန်းလား.. ။
အထင်လွဲနေတုန်းလား.. ။
လူကို မတွေ့ချင်တော့ဘူးလား.. ။
" ........... "
သူ့ကိုလိုက်ရှာဖို့ ကုတင်ကအဆင်း..
" ........... "
မျက်နှာတည်တည်လေးနဲ့ အခန်းထဲဝင်လာတဲ့ ကျွန်တော့်ရဲ့သွန်း..
မျက်ဝန်းလေးတွေကလည်း ကျွန်တော့်ကိုမကြည့်နေ.. ။
ဝင်လာတာနဲ့ တန်း အိမ်သာခန်းဘက် သွားတာ..။
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
