သွန်းလျှံ မြစ်သွယ်
🌸pann
Part (4)
နွယ် ကုမ္ပဏီရောက်တာနဲ့ လူစုလူအုပ်တွေ ပြေးလွှားယောက်ယတ်ခတ်နေကြတဲ့သူတွေ စိတ်ရှုပ်ရှုပ်နဲ့ တွေ့လာခဲ့ရတယ်.. ။
ကိုယ့်ရုံးခန်းဆီသွားတော့လည်း တလျှောက်လုံးဒီလိုပုံစံတွေချည်းပဲ..
စိတ်ရှုပ်ဖို့ကောင်းလိုက်ပါဘိ.. ။
" အဲ့ဒါ ဘာဖြစ်နေကြတာလဲ.. "
အသံ ခပ်စူးစူးနဲ့ အော်မေးချလိုက်ရသည်.. ။
ဒီတော့မှ ဆူညံထနေတဲ့ နေရာကတိတ်ကျသွားတော့တယ်..
ဆူတုန်းကဆူကြပြီး ခုပြောခိုင်းတော့ အဲ့ပါးစပ်ပေါက်တွေကပိတ်နေတယ်.. ။
လူကိုစောစောစီးစီး ဒေါသထွက်အောင် လုပ်နေတာ..
" ဟဲ့.. ငါ မေးနေတယ်လေ "
ထပ် အော်မှ လန့်သလိုလို ကြောက်သလိုလို လှုပ်လှုပ်ရှားရှားလေး ဖြစ်လာကြတာ.. ။
ကျစ်.. ဒါတွေသဘောမကျတာပဲ ။
" ဟို MD... "
" ပြော "
" ဒီမနက် ဒီလိုသတင်းတွေထွက်ပြီး ရှယ်ယာစျေး အရမ်းထိုးကျနေလို့.. "
" ဟမ်.. "
ပေးလာတဲ့ tablet ကို ခပ်သွက်သွက် ဆွဲယူပြီးကြည့်လိုက်သည်.. ။
DS group ထဲမှာ ငွေရေးကြေးရေး အတွင်းလူကစားနေကြောင်း... ဆိုပါလား ။
DS group ငွေရေးကြေးရေး ပြဿ နာပေါ်နေတယ်.. ပိုက်ဆံ တွေလိုက်ချေးနေတယ် DS ကရှယ်ယာရှင်တွေတော့ သတိထားဖို့လိုပြီ DS က ရာထူးကြီးပိုင်းထဲက အတွင်းလူနော် မယုံသင့်ဘူး ။
" တောက်.. ဒါ ဘယ်သူ့လက်ချက်လဲ "
" မသိသေးဘူးဗျ.. "
" ဒီလို အခြေအမြစ် မရှိတဲ့သတင်းကို ယုံနေကြတာလား.. "
" ဒါတော့သေချာမပြောတတ်ပေမယ့် တစ်ချို့တွေက ဖုန်းလှမ်းဆက်မေးပြီး တစ်ချို့ရှယ်ယာတွေပြန်ထုတ်နေကြတယ်.. တစ်ချို့ကတော့ financial ထုတ်ပြဖို့ တောင်းဆိုနေတယ် "
" တောက်.. ဒီအလုပ် လုပ်လာတာ ဘယ်လောက်သက်တမ်းရှိနေပြီလဲ ဘာမဟုတ်တဲ့သတင်းကြောင့် လူကိုမယုံသင်္ကာဖြစ်စရာလား.. ဘယ့်နှယ့် financial ထုတ်ပြဖို့ ပြောရတယ်လို့ "
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
