သွန်းလျှံ မြစ်သွယ်
🌸pann
Part (8)
နွယ် အလှတွေပြင်ပြီးလို့ ရုံးသွားဖို့ အခန်းထဲကနေ ထွက်ချိန် ဧည့်ခန်းမှာ ထိုင်နေတဲ့ အိမ်ကသားကြီးကိုတွေ့ပြီ.. ။
အိတ်ကို လက်မှာချိတ်ထားနေရာကနေ ပြောင်းပြီး လက်ကနေသာဆွဲလိုက်ကာ..
" သား အနွေးထည်မဝတ်ဘူးလား.. ဒီနေ့ မိုးအုံ့နေတယ်လေ "
" ဘယ်အင်္ကျီ ဝတ်ရမလဲ မသိလို့ သား စဉ်းစားနေတာ.. "
" ဟင်.. သားက ဘယ်အင်္ကျီ ဝတ်ချင်လို့လဲ အင်္ကျီတွေမကြိုက်တော့ဘူးလား ထပ်ဝယ်ပေးရမလား "
စကားပြောနေချိန် ပြေးသံနဲ့အတူ အသံတစ်သံကြားလိုက်ရသည်.. ။
" သား ဖြေးဖြေးဆင်းလေ.. "
အပေါ်ထပ်ကနေ မိုးတို့တွေ ဆင်းလာပြီနေမယ်..။
နွယ် လှည့်ကြည့်တော့ သားငယ်မှာအနွေးထည်အပြည့်စုံနဲ့.. ။
စိတ်တော့ချဉ်လာသည်.. ။
ကိုယ်ကလည်း သဘောမကျတာတွေ့ရင် တန်းဖြေရှင်းတတ်တဲ့သူစားမျိုး..
" မိုးက ဒီလိုခွဲခြားတတ်လား.. "
" ရှင်.. ဘာကိုလဲ မနွယ် "
" တစ်ယောက်က အနွေးထည်နဲ့ တစ်ယောက်ကတော့ အနွေးထည်တောင်မဝတ်ပေးထားဘူး.. "
မနွယ်ကတော့ မဲ့ချင်နေတဲ့မျက်နှာနဲ့ ပြောနေပေမယ့် မိုးကတော့ အသည်းသန်သားကြီးကိုကြည့်လိုက်သည်.. ။
မိုး ခုမှ သားနှစ်ယောက်ကြည့်မိတော့သည်.. ။
ဟုတ်သားပဲ.. မိုး သားကြီးကို အနွေးထည် မဝတ်ပေးထားမိဘူး ။
ဒါကြောင့် မနွယ်က ခုလိုပြောလိုက်တာကိုး..။
စိတ်ထဲမကောင်းပေမယ့် မိုး ရှင်းပြဖို့ပဲအရင်ကြိုးစားလိုက်သည်..
" မိုး အဲ့လိုခွဲခြားတာမျိုးမရှိပါဘူး.. အိမ်အလုပ်နဲ့ရှုပ်နေတာနဲ့တင် သတိမထားမိလိုက်တာပါ"
" သားငယ်တော့ မိုးက သတိထားသားပဲလေ.."
" မနွယ် ဒါ မတော်တဆလေးပါ.. မိုးလည်း မအားတာနဲ့သေချာမစစ်ကြည့်မိရုံဖြစ်သွားတာ မိုးအပေါ်တက်တဲ့ချိန် သားကလည်း ကြိုတင်ပြင်ဆင်ပြီး အောက်ကြိုဆင်းနှင့်နေပြီ.. လာ သားကြီး မေမေတို့အနွေးထည်သွားဝတ်ရအောင် "
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...