သွန်းလျှံ မြစ်သွယ်
🌸pann
Part (39)
အိမ်ကို တန်းပြန်လာပြီး..
" အမေ.. အမေ့ အမေ "
ကားပေါ်ကဆင်းတာနဲ့ အမေ့ကို အသံတဆာဆာ အော်ခေါ်မိသည်.. ။
" အေမ့ "
ကျွန်တော့်ခေါ်သံကြောင့် အမေက သူ့အခန်းထဲ လောကြီးသုံးဆယ် ထွက်လာသလို..
အစ်မအေးငြိမ်းကလည်း နောက်ဖေးကနေ ခပ်သွက်သွက် ထွက်လာသည် ။
အပေါ်ထပ်က ဖြူ လည်း မြန်မြန်လေး ပြေးဆင်းလာတာ.. ။
" သား.. ဘာဖြစ်လို့လဲ "
ကျွန်တော် အမေ့လက်ကို ဆွဲကာ ခုံတွေဆီခေါ်သွားလိုက်သည်.. ။
အမေကလည်း ကြောင်နနလေးနဲ့ထိုင်ရှာပါတယ်..။
" သား ဘာဖြစ်လို့လဲ အလန့်တကြားနဲ့.. "
" သွန်း .. သွန်းမှာ ကျွန်တော့်သားလေး ရှိတယ်တဲ့ "
အမေ လန့်မှာစိုးလို့ တစ်ခွန်းချင်းစီ အသာပြောပြပေမယ့် တုန့်ပြန်မှုတွေငြိမ်သက်နေတာက သံသယ ဖြစ်စရာကောင်းလှသည်.. ။
" ဘာလဲ.. ဒီအနေထားက "
အမေ့ကိုလည်း ကြည့်ရင်း အစ်မကိုပါ ကြည့်တော့ နည်းနည်းလေးတောင်မအံ့ဩကြ..။
ဒီတိုင်း တစ်ယောက်ကိုတစ်ယောက် အပြန်ပြန် ကြည့်နေကြတာ.. ။
မဟုတ်မှ..
" သိနေကြတာလား.. "
" သား အမေတို့ကလေ.. "
သေချာနေပြီပေါ့လေ.. ။
" ဘယ်ကတည်းက သိနေတာလဲ.. "
သိချင်တာသာ အေးစက်စက်နဲ့ ဖြတ်မေးလိုက်သည်..။
" ဟိန်းခ.. ငါ ရှင်းပြ "
" ဘယ်ကတည်းက သိနေတာလဲလို့.. "
အမေတွေ အစ်မတွေ နောက်ထား..။
ဒီချိန်မှာတော့ ကျွန်တော် အော်မိသည် ။
ငရဲတွေ လေးစားရိုသေမှုတွေ ဒီချိန်ခဏမေ့ထားပစ်လိုက်သည်..။
" သွန်း ကိုယ်ဝန်ဆောင်ကတည်းက သား.."
" ............ "
ESTÁS LEYENDO
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
