သွန်းလျှံ မြစ်သွယ်
🌸pann
Part (9)
မိုး ဒီနေ့တော့ တော်တော် ပင်ပန်းသွားလို့ အိမ်ရောက်တာနဲ့ ဟန်တောင်မဆောင်နိုင်.. ကုတင်ပေါ်လှဲအိပ်ချလိုက်သည် ။
တစ်ရက်တစ်လေ လေးတော့ နားချင်မိသား..
ကလေး ဝေယျာဝေစ္စတွေလုပ်ဖို့ တခြားသူတွေကိုလည်း ခေါ်မခိုင်းနိုင်.. မိုးလက်မိုးခြေပဲစိတ်ချတယ် ။
အဖေကတစ်ခါတလေတော့ပြောသား.. အိမ်ထောင်ထပ်ပြုပါလားတဲ့ ။
မိုး ပင်ပန်းနေတာတွေမကြည့်ရက်တော့ လို့ပါတဲ့လေ.. ။
မိုးကတော့ ထပ်ပြီးအိမ်ထောင်မပြုချင်နေပါ.. သားအတွက် ပထွေးမှမလိုဘဲ ။
ပထွေးက ကောင်းတဲ့ပထွေးဆို တော်ရဲ့.. မကောင်းတဲ့ပထွေးဆို ဘယ့်နှယ့်လုပ်မလဲ ။
မိုးလည်းမိထွေးနဲ့အတူနေရတာမို့ ဘယ်လိုခံစားချက်တွေ ရင်ထဲကိန်းအောင်းနေရပါသလဲ..
သားကိုမိုးလိုမခံစားစေချင်ပါဘူး.. ။
" ဒေါက် ဒေါက်.. မမ "
ချစ်စု က အခန်းတံခါးလာခေါက်နေသည်.. ။
" ဒီနေ့တော့ ချစ်စုတစ်ယောက်ထဲ ထမင်းပွဲ ပြင်ပေးလိုက်တော့နော်.. မမအိပ်ချင်နေလို့ "
တံခါးသွားဖွင့်ပေးမနေတော့ဘဲ ကုတင်ကနေသာ လှမ်းအသံပြုလိုက်သည်.. ။
" မဟုတ်ဘူး မမ.. မမကို မနွယ် ခေါ်နေလို့ "
" ဟင်.. မနွယ်ကလား "
" ဟုတ်.. ဦးလေးလည်း မမကို စောင့်နေတယ်"
အေဖေရာတဲ့.. ။
ဘာကိစ္စများရှိလို့ပါလိမ့်..
" ဟုတ်ပြီ.. မမ အဝတ်လဲပြီး ဆင်းလာခဲ့မယ်လို့ ပြောပေးအုံးနော် "
" ဟုတ် မမ.. "
အိမ်နေရင်းအဝတ်ကို လဲပြီး အောက်ဆင်းသွားလိုက်သည်.. ။
ဧည့်ခန်းမှာ အဖေနဲ့မနွယ်..
မိုး အဖေတို့နားသွားထိုင်လိုက်သည်.. ။
အဖေကတော့ မိုးကို ငေးစိုက်ကြည့်နေပေမယ့် မနွယ်ကတော့..
" မိုး.. NH သူဋ္ဌေး ဘယ်သူလဲ သိတယ်မလား"
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...