သွန်းလျှံ မြစ်သွယ်
🌸pann
Part (2)
လေဆိပ်မှာ လေယာဉ်ဆင်းသက်တာနဲ့ ကိုယ့်ခံစားချက်တွေက အမျိုးမျိုးအဖုံဖုံ ပြောင်းလဲနေသည်.. ။
ရင်ခုန်စိတ်လှုပ်ရှားရသလို ကိုယ့်ဒဏ်ရာဒဏ်ချက်တွေ ပြန်နိုးထလာသလိုလည်းခံစားရပြန်တယ်.. ။
မတွေ့တာကြာတဲ့ အမေနဲ့ ပြန်တွေ့ရမှာလည်း ဟုတ်တယ်.. ။
ကိုယ့်မှာတွယ်နှောင်စရာဆိုလို့ အမေတစ်ယောက်ထဲပဲ ရှိတော့တာပါ..
ဒါကို ဘာထပ်ပြီး လွမ်းဆွတ်စရာကျန်နေသေးလို့ ဆွေးနေချင်ရသေးပြန်တာလဲ.. ။
ပြီးခဲ့တဲ့ ဇာတ်လမ်း တစ်ပုဒ်ကို ဘာကြောင့် တောင့်တပြီး ဆက်ကချင်နေရပြန်တာလဲ.. ။
အမှန်ဆို ဒီဇာတ်လမ်းက ပြီးပြတ်နေခဲ့ပြီပဲမဟုတ်လား.. သူ့လမ်းသူလျှောက်နေသလို ကိုယ်လည်းကိုယ့်လမ်းကိုယ် လျှောက်နေပြီပဲ ။
နောက်ပြန်လှည့်လို့မရတဲ့ လမ်းကိုနှစ်ယောက်လုံးလျှောက်နေခဲ့ပြီးပြီပဲ..
တော်သင့်ပြီ ဟိန်းခ.. ။
မင်း တော်လိုက်သင့်ပြီ.. ။
ပြန်ဆွေးချင်နေသေးတဲ့ ကိုယ့်ကိုယ်ကိုယ် တိတ်တဆိတ် ကြိတ်ဆုံးမရပြန်သည်.. ။
ဒါလည်း ခုမှမဟုတ်.. ။
တစ်နေ့ကို အခေါက်ပေါင်းမနည်း ကိုယ့်ကိုယ်ကိုယ် ပြန်ဆုံးမနေရတာပဲ.. ။
ဒီမြေ ဒီလေရောက်တော့ ရောဂါပိုရင့်လာပြန်တာလေ.. ။
' အဟက်.. အမှန်ဆို မတွေးသင့်တော့တာ မဟုတ်လား '
ခြောက်ကပ်ကပ်နဲ့ ရင်နာနာ ရယ်နေရတာ ကိုယ်ကိုယ်တိုင် တောင် သတိမမူမိ.. ။
" ကိုလေး.. "
ပြည့်ကျော် အသံကြားလို့ ဘေးဘက်လှည့်ကြည့်လိုက်သည်.. ။
" သွားရအောင်လေ ကိုလေး.. "
" အွန်.. "
ကိုယ့်ရဲ့သတိတွေက ဒီမြေနင်းတာနဲ့တင် လွင့်နေတယ်တဲ့လား.. ။
ဟိန်းခ ဒီတိုက်ပွဲမှာ မင်း အနိုင်ရဖို့ပဲတွေးထားစမ်းပါ.. ။
KAMU SEDANG MEMBACA
သွန်းလျှံ မြစ်သွယ် (Unicode)
Romansa" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
