သွန်းလျှံ မြစ်သွယ်
🌸pann
Part (46)
ဒီနေ့တော့ သွန်းတို့ မိသားစုလိုက် ပထမဆုံးအတူ အိပ်ဖြစ်တဲ့နေ့..။
သားက သူ့အဖေနဲ့အတူအိပ်ရတော့ပျော်နေတာ..။
သူ့အဖေနဲ့စကားတွေတော်တော်ပြောပြီးမှ အိပ်သွားတော့တယ်..။
သွန်းတို့နှစ်ယောက်ကတော့ အိပ်မပျော်နိုင်ကြသေး..။
" သားကိုမွေးပေးလို့ ကျေးဇူးနော် သွန်း.. "
သားရဲ့နဖူးပေါ်ကျနေတဲ့ဆံစတွေကို သူက အသာဖယ်ပေးရင်း သွန်းကိုကျေးဇူးတင်နေတာ..။
" အတူမရှိနိုင်ပေးခဲ့တာကိုလည်း တောင်းပန်ပါတယ်.. "
သူ့မျက်နှာက စိတ်မကောင်းဖြစ်နေတာ အသိသာကြီး..။
" မတောင်းပန်ပါနဲ့.. သွန်းလည်း လျှံ့ကို တောင်းပန်ရမှာပဲကို "
" ဘာတွေမှားခဲ့ဖူးလို့လဲ သွန်းက.."
တကယ်တမ်း သူ့အပေါ်လွန်တာ ကိုယ်သာ..။
ကိုယ်တစ်ယောက်ထဲသာ..။
" လျှံ့လက်ကို လှမ်းမဆွဲမိတာ.. "
" အင်.. အဲ့တုန်းက ကျွန်တော် တကယ်စိတ်ဆိုးတာ "
" ဟင်.. "
သွန်းမှားတာ သိပေမယ့်လည်း ဒီလိုတော့ ထုတ်ပြောလာလိမ့်မယ်လို့ ထင်မှမထင်ထားခဲ့..။
" အဲ့တုန်းက ကျွန်တော့်ကို ချစ်တာမှဟုတ်ရဲ့လား.. ချစ်တယ်ပြောပြီး လူကိုစွန့်လွှတ်ရက်တယ်နော် "
" ဟယ်.. သူကပဲ တစ်ပြန်စီး "
" ကျွန်တော်ပြောတာ မဟုတ်လို့လား.. "
မျက်လုံးလေး ပြူ းဝိုင်းပြီး ကျွန်တော့်ကို ကြည့်နေတဲ့ပုံလေးက..။
" အဲ့လိုလည်း မဟုတ်ပါဘူး.. "
" မဟုတ်လို့ပဲ.. ဒီတစ်ခါလည်း ဘာထူးလဲ အားအားနေ ဒီကောင်အနားကနေ ပြေးချင်နေတာ ပြောပါအုံး ဒီကောင်ကိုတကယ်ချစ်တာမှဟုတ်ရဲ့လား.. ချစ်ရောချစ်သေးရဲ့လား "
" သားကို ပိမယ်.. "
သား ဗိုက်လေးပေါ် တင်ထားတဲ့ သွန်း လက်ကို ဆတ်ခနဲ ဆွဲယူပြီး သူက သားပေါ်ကျော်ကာ သွန်းကိုကြည့်နေတာ.. ။
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
