သွန်းလျှံ မြစ်သွယ်
🌸pann
Part (29)
" သွန်း အားနာလိုက်တာ.. "
ဒီနေ့ ကလောပြန်လာလမ်းမှာ သွန်းရဲ့ကားကို လျှံကိုယ်တိုင်မောင်းပေးတာ.. ။
သူ့ကားကိုတော့သူ့သူငယ်ချင်းတွေ မောင်းပေးပြီးနောက်ကလိုက်လာရသည်.. ။
ဒါတွေကသွန်းကြောင့်သာ.. ။
သွန်းသာဟိုတစ်နေ့ကခြေထောက်မလိမ်ခဲ့ရင်ပေါ့.. မနေ့ကတော့ သွန်းကို သူတို့ကိုယ်တိုင်ဆေးခန်းလိုက်ပြပေးလို့သာ ။
မဟုတ်ရင်သွန်းခြေထောက်ယောင်ပြီး ပိုဆိုးနိုင်တယ်..။
" ဒီစကားပြောနေတာ ဘယ်နှကြိမ်မှန်း ကျွန်တော် မသိတော့ဘူး သွန်း.. "
" သွန်းက အားနာလို့ပါ.. "
" ဘာမှအားနာမနေနဲ့.. ကျွန်တော်လည်း ကလောပြန်ရမယ့်အတူတူ လမ်းချင်းတူနေတာပဲ "
" ဒါပေမယ့် သွန်းကြောင့် လျှံနဲ့ လျှံ့သူငယ်ချင်းတွေအလုပ်ပိုရတာလေ.. "
" ဟိုကောင်တွေကို ဘာမှအားနာမနေနဲ့.. အဲ့ကောင်တွေ ကျွန်တော့်အိမ်လိုက်ပြီးရှုပ်ဖို့အစီစဉ်ဆွဲထားပြီးသား "
" သွန်းက.. "
" ကဲ.. ဒီက မသွန်းဗျ ကျွန်တော့်ကို ဒီလောက်မှအားနာနေရင်လည်း အားနာတဲ့စကားကလွဲကြိုက်တာပြော နားထောင်ပေးပါမယ်.. ဒီအားနာတယ်ဆိုတဲ့စကားကိုစထွက်ကတည်းကနားထောင်လာရတာ နားမှာမီးခိုးတောင်ထွက်နေပြီဗျ "
" ခိခိ.. "
အနောက်မှာထိုင်နေတဲ့ ချစ်စုတော့ တစ်ခိခိရယ်လာပြီ.. ။
" တွေ့လား.. နောက်ကလူတောင် ထောက်ခံနေပြီ "
" ချစ်စုနော် လူကိုမလှောင်နဲ့.. ငါက တကယ်အားနာတာ "
တကယ့်ကို မျက်နှာထိမျက်နှာထားငယ်ငယ်လေးနဲ့ ပြောနေတဲ့ သွန်းပါ.. ။
ကျွန်တော့်မှာကူညီရတာတောင် မှားနေသလိုလို..
" မမ အားနာမှန်း ခဏခဏမပြောလည်း အစ်ကိုလျှံသိပါတယ်.. မမကဒါပဲထပ်ခါထပ်ခါပြောနေတော့ ချစ်စုတောင်နားညီးတယ် "
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
