သွန်းလျှံ မြစ်သွယ်
🌸pann
Part (41)
သွန်း ဒီနေ့ သားနဲ့သူ့ကို စိတ်မချလို့ စောစောပြန်လာတာ..။
" ဟင်.. ဘယ်သွားနေကြတာလဲ "
ခြံထဲမှာလည်း သူ့ကားရှိပါတယ်..။
ခြံထဲမှာလည်း ဆော့နေကြတာ မတွေ့ပါဘူး..။
ဧည့်ခန်းမှာလည်းမတွေ့..။
ထမင်းစားခန်းထဲများ ရှိကြမလားလို့ရှာကြည့်ပြန်တော့လည်းမတွေ့..။
ချစ်စုကိုလည်း မတွေ့..။
" အပေါ်ထပ်မှာ များလား.. "
တွေးရင်း တက်သွားမယ်ရှိသေး အိတ်တစ်လုံးဆွဲကာ သားကိုပါလက်ဆွဲခေါ်နေတဲ့ သူ..။
ချစ်စုကတော့ ခုပဲငိုချတော့မလို မျက်နှာလေးနဲ့အိတ်ကိုဆွဲနေလို့.. ။
သွန်းမရှိတဲ့အတောတွင်း ဘာတွေများဖြစ်သွားခဲ့ကြပါလိမ့်..။
" အဲ့ဒါတွေက ဘာတွေလုပ်နေကြတာလဲ.."
လှေကားရင်းကနေ မတ်တပ်ရပ်ကာ မေးလိုက်သည်..။
" ဪ ပြန်လာပြီလား.. လာကြိုမလို့ကို စောပြန်လာတော့လည်းကောင်းတာပေါ့ "
သူက သားနဲ့အိတ်ကို ဆွဲချလာရင်း ဖြေနေတာ..။
" လာ.. တစ်ခါထဲ အတူသွားကြမယ် "
" ဘာတွေပြောနေတာလဲ.. "
သားနဲ့အိတ်ကို ဆွဲပြီး အိမ်ထဲကနေထွက်နေတော့သွန်းမှာ ပြေးလိုက်ရပြန်သည်..။
" သား.. ဖေဖေ့ကားပေါ် သွားထိုင်နေ "
သူက အဲ့လိုပြောရင်း ကားနောက်ဖုံးမှာ အိတ်တွေထည့်နေတာ.. ။
သားကလည်း သွန်းကိုကြည့်လိုက် သူ့အဖေကိုကြည့်လိုက်နဲ့.. အလယ်မှာ တစ်ယောက်ထဲ ဝင်ရခက် ထွက်ရခက် ရပ်နေတာ ။
ဦးပြုံးလည်း သွန်းတို့အနား ပြေးလာသည်..။
" ချစ်စု ဘာလုပ်နေတာလဲ.. ပေးလေ "
" ဟို.. "
" ကျွတ် "
တွန့်ဆုတ်ဆုတ် လုပ်နေတဲ့ ချစ်စုနားကနေ ကျွန်တော်ကပဲ သွားဆွဲလုရသည်.. ။
BINABASA MO ANG
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
