သွန်းလျှံ မြစ်သွယ်
🌸pann
Part (18)
အဖေက ဒီနေ့ အလုပ်အစောမသွား.. ။
မနွယ်ကတော့ ဘာတွေအလုပ်ရှုပ်နေတယ်မသိပေမယ့် သူအိမ်ကစောစောထွက်နေတာကြာနေပါပြီ.. ။
အဖေ အလုပ်သွားဖို့ မိုးကပဲ ကားနားလေးထိလိုက်ပို့ပေးဖြစ်သည်.. ။
ပြေးကြည့်မှ ဒီသားအဖပဲရှိတာကို.. တစ်ယောက်ကိုတစ်ယောက် အားကိုးပြီးအမှီသဟဲပြုနေရတာ.. ။
အဖေက ကားထဲမဝင်ခင်..
" သမီး.. "
" ရှင် ဖေ.. "
အဖေ့လက်ထဲ အဖေ့လက်ဆွဲအိတ်လေး ထည့်ပေးပြီး ထူးလိုက်သည်..
" သမီး ဒီနေ့ အဖေနဲ့နှစ်ယောက်အတူ အပြင်မှာချိန်းပြီးစားရအောင်လေ.. "
" ထူးထူးဆန်းဆန်းပါလား အဖေရဲ့.. အိမ်မှာလည်း အတူစားနေကြတာပဲကို "
" သမီးနဲ့ နှစ်ယောက်အတူ မဆုံဖြစ်ကြတာ ကြာပြီလေ.. အရင်က အဖေတို့နှစ်ယောက်ပဲအတူသွားအတူစားကြတာ မဟုတ်လား "
" အဟွင်း.. အရင်ချိန်တွေကို အဖေလွမ်းလို့လား"
" မလွမ်းဘဲနေမလား သမီးရဲ့.. သမီးနဲ့ အဖေဝေးနေတယ်လို့ ခံစားရတာရှစ်နှစ်ကျော်တောင်ရှိလာပြီ "
" ............. "
မိုး ခပ်ယဲ့ယဲ့လေး ပြုံးပြမိပါရဲ့.. ။
ဟုတ်ပါတယ်လေ.. မိုးနဲ့အဖေရဲ့ကမ္ဘာထဲ ကြားလူတွေရောက်လာကတည်းက သားအဖဆက်ဆံရေးကနည်းနည်းဝေးနေသလိုလို ။
ငယ်ငယ်လေးကတည်းက မိုးရဲ့အမေ မရှိတဲ့ချိန် အဖေကပဲ မိုးရဲ့အနားမှာ အမြဲရှိနေပေးခဲ့တာ..
မိုးအတွက် ဘယ်အချိန်မဆို အမြဲအဆင်သင့်ရှိနေပေးခဲ့တာ..
အခုမှသာ.. အရင်လိုမဟုတ်နေတော့တာ ။
" ဘယ်လိုလဲ.. အလုပ်မအားဘူးလား သမီး "
" အဟင်း.. အလုပ်က မိုးလုပ်မှရှိမှာပါ အဖေကသမီးနဲ့အတူအပြင်ထွက်ချင်တယ်ဆိုရင် ထွက်မယ်လေ အဖေဘယ်ချိန်လောက်အားလဲ "
" အဖေ ဖုန်းဆက်ပြောမယ်လေ.. "
" ဟုတ်ကဲ့.. "
YOU ARE READING
သွန်းလျှံ မြစ်သွယ် (Unicode)
Romance" နှစ်ဖက်ပြိုင်ယှဉ်တဲ့ခါ တစ်ဖက်ကနာကျင်ခံစားရမယ်ဆို နာကျင်ခံစားရမယ့်သူက ကိုယ်ပဲဖြစ်ချင်တယ်.. ကိုယ့်အတွက်နဲ့ ကိုယ့်ကြောင့်နဲ့ ဘယ်သူ့ကိုမှ မနာကျင်စေချင်ဘူး.. အဲ့ဒါ နုံတာ အ တာ ဆိုရင်လည်း ဆက်ပြီးနုံအချင်တယ် နာကျင်ခံစားရမယ့်ဝေဒနာတွေကိုပဲ လက်ခံယူပေးချင်တယ်...
