တွယ်ကပ်ရန်ကူးပြောင်းလို့လာ[Completed]

အခန်း(၃၂)

                    <ခွဲခွာခြင်းငယ်>

ကျိန်စာ? ထိုအယူအဆကိုကျန်းရီသိထားပြီးသားဖြစ်သည်။ထိုအယူအဆသည် ဖြောင့်မတ်မှန်ကန်သော ကျင့်ကြံသူများအသုံးပြုသည့်နည်းလမ်းမဟုတ်ဘဲ နတ်ဆိုးကျင့်ကြံသူ
များသာမကြာခဏအသုံးပြုလေ့ရှိသောပရိ
ယာယ်ဖြစ်သည်။

တစ်ခါကူးစက်ခံရပြီး ကျိန်စာမိထားခြင်းကိုဖြေရှင်းရန်နည်းလမ်းရှာမတွေ့ပါက ကျိန်စာမိထားသူသည် တဖြည်းဖြည်းအားနည်းလာပြီးသေဆုံးရလိမ့်မည်။အကယ်၍ကျိန်စာမိထားသူတွင် သင့်လျော်သောကျင့်ကြံခြင်းစွမ်းအင်မရှိခြင်းနှင့်ထိုပရိယာယ်အပေါ်နားလည်နိုင်စွမ်းချို့တဲ့ပါက မည်သို့မည်ပုံသေဆုံးသွားမှန်းတောင် သူတို့ကိုယ်သူတို့မသိနိုင်ပါချေ။ဤအရာသည် အလွန်အန္တရာယ်များသောန
ည်းလမ်းဖြစ်ပေသည်။

တစ်ခဏအတွင်းမှာပင် ကျန်းရီ၏မျက်နှာအယမူအယာသည် ရှုပ်ထွေးစွာပြောင်းလဲသွားခဲ့သည်။သူယူဆောင်ထားသော ဤရုပ်ခန္ဓာကိုပြန်လည်ဆန်းစစ်ကြည့်၏။

ပထမတွင် ဤကမ္ဘာ၌သူမျက်လုံးပွင့်လာချိန်ကတည်းက သူ့ကိုယ်သူဤရုပ်ခန္ဓာထဲတွင်ရှာတွေ့ခဲ့သည်။ထိုအချိန်က ခန္ဓာကိုယ်၏မူရင်းပိုင်ရှင်သည် အစာအာဟာရလုံးဝမရှိဘဲတော
နက်ထဲတွင်ရုတ်တရက်သေဆုံးပြီး ကမ္ဘာကြီးထဲမှထွက်သွားခဲ့ပြီးဖြစ်သည်။

ဤနေရာသို့ ကျန်းရီကူးပြောင်းလာပြီးနောက်
အလွန်အမင်းဆာလောင်ငတ်မွတ်မှုကြောင့် အစာအိမ်တစ်ခုလုံးနာကျင်နေပြီး ခွန်အားလည်းတစ်စက်မျှမရှိပေ။

ကျန်းရီသည် ခန္ဓာကိုယ်မသက်သာခင်အထိရက်ပေါင်းများစွာကြာအောင် တောရိုင်းတိရ
စ္ဆာန်များကိုအမဲလိုက်ခဲ့ရပြီး မူရင်းခန္ဓာပိုင်ရှင်သည် အစာငတ်မွတ်မှုကြောင့်သေဆုံးသွားသည်ဟုသာသူတွေးခဲ့ဖူးသည်။

ထို့နောက် ကျန်းရီသည်မူရင်းခန္ဓာပိုင်ရှင်၏
မှတ်ဥာဏ်ကိုအသုံးချ၍ ဘိုးဘွားစဥ်ဆက်ချန်ရစ်ခဲ့သောအမွေတစ်ချို့ကိုရှာနိုင်ခဲ့သည်။သိုလှောင်လက်ကောက်အပြင် တံခွန်တိမ်တို
က်ဂိုဏ်းသို့ အောင်မြင်စွာဝင်ရောက်စေနိုင်မည့်ပိုင်ဆိုင်မှုအနည်းငယ်ကိုလည်းရခဲ့သေးသ
ည်။