Minamasdan ang dala na liwanag
Kailan kaya sasapit ang sinag?
Madilim ang paligid at may pangangamba
Tila may mangyayaring hindi magandaNakadungaw sa may bintana at biglang humangin
Animo'y mabangis na hayop na iba ang dating
Ang paligid ay nababalot ng katahimikan
Ito na nga ba ang tinatawag nilang kapayapaan?Luningning ng buwan ang nagbibigay tingkad
Sa pusikit na karanasan kaginhawaan ang hangad
Bitbit ang sisidlan ng pag-asa at karunungan
Nawa'y mawakasan na ang hikahos at kalungkutanMasisilayan ko rin ang bughaw na langit
Sa mga ningning ng tala'y tuluyang kakapit
May hangganan din ang karalitaan ng buhay
Sapagkat kasama ko ang liwanag sa aking kamay
YOU ARE READING
Mga Tula Ni Mang Wengs
PoetryAll rights reserved 2016. This is my collection of English and Tagalog poems. So, sit back, relax and smile while you read each of poems here. You will never regret once you open this kind of poetry. I promise you. * Top #10 Highest Ranking in Poe...