Bumubuhos ang malalakas na ulan
Sabay hagupit ng hanging amihan
Rumaragasang baha sa may daan
Mga punong nagsisitumbahan.
Mga buhay na unti-unting nawawala
Tila nawalan na ng pag-asang mabuhay pa
Bakas sa mukha ang pagdadalamhati
Sa puso, sobra ang nararamdamang pighati.
Yumuko sa may silya’t nakaramdam ng panimdim
Tumingala sa langit at nanalangin ng taimtim
Sana ang delubyong ito’y humupa na
Sapagkat kami ay nahihirapan, tama na.
Paghampas ng hangin mula sa ibabaw
Mga baha kahit saan nag-uumapaw
Tayo’y huwag mawalan ng gintong pananampalataya
Sa Poong Maykapal tunay na may pag-asa.
YOU ARE READING
Mga Tula Ni Mang Wengs
PoetryAll rights reserved 2016. This is my collection of English and Tagalog poems. So, sit back, relax and smile while you read each of poems here. You will never regret once you open this kind of poetry. I promise you. * Top #10 Highest Ranking in Poe...
