𝓵𝓪𝓫𝓲𝓷𝓰-𝓭𝓪𝓵𝓪𝔀𝓪 𝓷𝓰 𝓱𝓪𝓽𝓲𝓷𝓰𝓰𝓪𝓫𝓲.Sa gabing mapanglaw hindi maintindihan
May agam-agam na animo'y isang paalala
Mistulang pusang itim sa pusikit na daan
Ito na nga ba ang nakakasindak na hinala?Madilim, tanging sinag ng buwan ang tanglaw
Sa punong akasya, napahinto, may alingawngaw
Hilakbot ang bumalot sa sarili hindi makagalaw
Biglaang umiyak, mga huning kakaiba, lumitaw!Luningning ng mga tala't buntala'y mapaparam
Tila wala ng maaninag na liwanag takot ay sumiklab
Pangamba ay tila apoy na dumadaloy sa pugonan
Nakaramdam ng init na parang maglagablabHanggang kailan ako, sa dilim nakadena?
Sa itim na gabi ang hatid ay trahedya!Wari'y magpakailanman ay hindi na makakatakas
Sa bitag ng dilim, tuluyang tinuklaw ng ahas!
YOU ARE READING
Mga Tula Ni Mang Wengs
PoetryAll rights reserved 2016. This is my collection of English and Tagalog poems. So, sit back, relax and smile while you read each of poems here. You will never regret once you open this kind of poetry. I promise you. * Top #10 Highest Ranking in Poe...