အသက်တမျှ အသက္တမွ်

အသက်တမျှ အပိုင်း ၁၈

နေသော်ကတစ်ယောက် ၂ရက်အတွင်း အခန်းရှာရမဲ့ကိစ္စကြောင့်
အလုပ်ထဲစိတ်ကမရောက် ဘယ်လိုဆက်လုပ်ရမလဲဆိုတာကိုသာ အသည်းအသန်စဥ်းစားနေသည်မို့ အလုပ်ရှင်ဆူတာခံရလေတော့သည်။

ဆိုင်ရှင် / နေသော်က! !!ဟိုမှာ ဧည့်သည်လာနေတာ
မတွေ့ဘူးလား မြန်မြန်သွားလေ

နေသော်က / ဟုတ် ဟုတ်ကဲ့

နေသော်က ပြောပြောဆိုဆိုနဲ့ ဆိုင်ထဲဝင်လာတဲ့
ဧည့်သည်ဆီသွားပေမဲ့ ဆိုင်ရှင်ကြီးကတော့ ပွစိပွစိပြောနေဆဲ...

နေသော်ကအခုအလုပ်လုပ်နေတာ ထမင်းဆိုင်တစ်ခုမှာဖြစ်သည်။
အစတော့ နေသော်ကအလုပ်ကြိုးစားလို့ သဘောကျပေမဲ့ နောက်ပိုင်းကျတော့ မဟုတ်... အခုလိုပဲ အမြဲအဆူခံနေရတော့သည်။
ဒါကလဲ သူအလုပ်ကြိုးစားပြီး သူဌေးကမျက်စိကျသွားမှာကို
သိပ်စိုးရိမ်နေတဲ့ ဆိုင်မန်နေဂျာရဲ့
ကလိမ်ကညစ်ဉာဏ်ဆင်မှု့တွေကြောင့်ဆိုတာ သော်က ကောင်းကောင်းသိသည်။
ဒါပေမဲ့လဲ မစိုးရိမ်ပါ
သူဝဋ်လည်နေတယ်ဆိုတာကောင်းကောင်းသိတာမို့...

နေသော်က ပြုံးလိုက်မိသည်။ တစပ်ထဲမှာပဲ  စိတ်ထဲက

နေသော်က / *မောင်ရေ... မောင့်လိုသူတော်ကောင်းကို
စော်ကားမိလို့ ၊ လိမ်ညာမိလို့ ထင်ပါရဲ့
သော်က ကောင်းကောင်းကြီးကို
ပြန်ခံနေရပြီဗျို့...အဟက်ဟက်
သော်က ဒီဝဋ်တွေကိုကျေကျေနပ်နပ်ကြီး ခံယူနေပါတယ်
ဒီဝဋ်တွေ အားလုံးကျေသွားရင်တော့
မောင့်ကို ထပ်တောင်းပန်ခွင့် ရချင်မိပါရဲ့...
မထိုက်တန်မှန်းသိပေမဲ့
သော်က မောင့်ကို ထပ်တွေ့ချင်နေမိတာမို့...*

သော်က အတွေးတို့လက်စသက်ကာ ဧည့်သည်မှာထားသောအစားအသောက်များကို ချပေးဖို့အသွား
တခြားဝိုင်းကဧည့်သည်ပတ်လိုက်တဲ့ရေတွေကြောင့်
သော်က လန့်ပြီး ဟန်ချက်မထိန်းလိုက်နိုင်ကာ
ချော်လဲသွားတော့သည်။
ထိုအခါလက်ထဲကအစားအသောက်ဗန်းဟာလဲ
တခြားဝိုင်းမှာထိုင်နေတဲ့ ဧည့်သည်ခေါင်းပေါ်သို့....

ဆိုင်ထဲတွင်ရုန်းရင်ဆန်ခတ်ဖြစ်သွားလေတော့သည်။
ခေါင်းပေါ်ကိုအစားအသောက်တွေပြုတ်ကျသွားတဲ့ အတွက်လဲ တဖက်ဧည့်သည်က မကျေမနပ်ဖြစ်ကာ ဆိုင်မန်နေဂျာကို တကြော်ကြော် အော်ခေါ်နေတော့သည်။
သော်က ကိုယ်တိုင်လဲ လန့်သွားတာမို့ ချော်လဲတဲ့အတိုင်း ငုတ်တုတ်လေး ကြောင်ကြည့်နေမိ၏။
တောင်းလဲ မတောင်းပန်မိပေ...