Only for Love (Translation)

Chapter 23: He Might Not Be In A Good Mood.

(Unicode)

ရွှီယွီလင်သိတဲ့ ရှီယန့် ဆိုတာနဲ့ ဒီမြင်ကွင်းနဲ့ ဘယ်လိုမှ မယုံနိုင်လောက်အောင်ပင်။

သူ့နဲ့ အင်တာဗျူးကို သွားတုန်းကတော့ သူမဟာ
အရမ်းစိတ်လှုပ်ရှားနေပြီး သူမကိုသူမ
အားပေးနေခဲ့ရသည်။

သို့သော် ရှီယန့်က မဂ္ဂဇင်းထုတ်ဝေသူ  ဘယ်သူဆိုတာ  လုံးဝဂရုမစိုက်ကြောင်း သတိထားမိခဲ့သည်။ အင်တာဗျူး လုပ်ငန်းစဉ်တစ်ခုလုံး ချောမွေ့သွားပုံရသော်လည်း
ရွှီယွီလင်အနေနဲ့ တစ်ချိန်လုံး မမြင်နိုင်သော ဖိအားတစ်ခု ခံစားရပြီး တစ်ဖက်လူက သူမရဲ့အင်တာဗျူးစွမ်းရည်ကို ကျေနပ်ပုံမပေါ်ဘူးလို့ သူမပြောနိုင်ပေမယ့် သူ့မကျေနပ်မှုက သူ့ရဲ့အေးစက်ပေါ့ပါးတဲ့ သဘောထားဖြင့်
ပြသတယ်ဆိုတာ နားလည်ခဲ့သည်။

ဥပမာအားဖြင့်၊ မေးခွန်းတစ်ခုမေးစဉ်တွင် သူမ
အမှားလုပ်မိကြောင်း သိလိုက်ရသည်။ သူမက  သူ့ကို
စိုက်ကြည့်ရင်း စိတ်ပူနေပြီး အလွန်စိတ်ပျက်နေသည့် အရိပ်အယောင်ကို ပြမည်ကို စိုးရိမ်နေသည်။

မထင်မှတ်ဘဲ၊ သူက  ၎င်းကို လုံးဝမပြောဘဲ
လျစ်လျူရှုခဲ့သည်။

ရွှီယွီလင်ဆိုတာလည်း ဝါရင့် သတင်းထောက်ပီပီ 
လူတစ်ဦး၏ အပြောအဆိုနှင့် အသုံးအနှုန်းများကို
လေ့လာနိုင်သူတစ်ဦးဖြစ်ပြီး ရှီယန့်ကလည်း အဲ့ဒီနေ့က   သူမ အင်တာလာဗျူးတာ မကြိုက်ဘူးဆိုတာ
ရှင်းရှင်းလင်းလင်း သိထားပြီး အင်တာဗျူးကိုလည်း
လုံးဝ ဂရုမစိုက်တာ ခံစားခဲ့ရသည်။

ဒါပေမယ့် အခုပဲ ရွှီယွီလင်ဟာ  ရှီယန့်က ကျန့်ရှူးယိကို ကားပေါ်တင်ပြီး  မောင်းထွက်သွားတာ တွေ့လိုက်ရသည်။

သူမ မှတ်မိနေသော ရှီယန်နဲ့ မတူသည်ကို သူမမြင်လိုက်ရသည်။

ထို့နောက် ကျန့်ရှူးယိကို ပြောခဲ့သည့်စကားကို သူမ သတိရလာသည်။ရွှီယွီလင် ရုတ်​တရက်​ သူမ ​ကျောထဲ ​စိမ့်​သွားသည်​။

——

"ဟက်ချိုး!"

လေအေးပေးစက်ဖွင့်ထားသည့်ကားထဲတွင် ကျန့်ရှူးယိ
နှာချေသည်။