အပိုင်း (၁၆၁) ကိုယ်ဝန်ဆောင် အမျိုးသမီး
ဒုတိယစည်းမျဉ်းကို ဖတ်ကြည့်ပြီးနောက် ကျန်းလော့အမူအယာသည် အနည်းငယ် ထူးဆန်းသွားသည်။ ထိုစည်းမျဉ်းသည် သူ့ကို အံ့ဩသွားစေပြီး ကာလကြာရှည်စွာ ကံမကောင်းလာသော လူတစ်ယောက်အနေဖြင့် တစ်ခေါက်ပြီး တစ်ခေါက်ကံကောင်းခြင်းတွေ ကြုံလာရသောအခါ သူ့ကိုယ်သူ အနည်းသံသယဖြစ်လာပြီး ကျန်းလော့သည် သူ့ကိုယ်သူ ဒီလောက်ကံကောင်းလိမ့်မည်ဟု မယုံရဲပေ။ ပိုင်ယဲ့ဖုန်းအခန်းထဲမှ တွေ့ကရာကောက်ယူခဲ့သည့် ပစ္စည်းနှစ်ခုက ဤမျှကံကောင်းစေလိမ့်မည်ဟု မယုံတစ်ဝက် ယုံတစ်ဝက်ဖြစ်လာသည်။
သူ့မျက်နှာသည် ထူးဆန်းသည်ထက် ပိုထူးဆန်းလာကာ သူ့အိတ်ထဲမှ ပိုက်ဆံများကို ထုတ်၍ ရေတွက်လိုက်ရာ ဒေါ်လာငါးရာ ရှိသည်။ မများသော်လည်း မနည်းပေ။ သူ့အတွက်သုံးပြီးလျှင် တခြားသူများကို မျှပေးဖို့ကတစ်ယောက်စာသာ ရှိတော့သည်။ သို့သော် သူလှည့်ကြည့်လိုက်သောအခါ စိုင်လောင်အာတစ်ယောက် ပိုက်ဆံအိတ်ထုတ်၍ လူတိုင်းကို ပိုက်ဆံဝေပေးနေသည်ကို မြင်လိုက်ရသည်။
"ပိုက်ဆံမရှိတဲ့သူ ဘယ်သူရှိသေးလဲ ငါ့အိပ်မက်ထဲက ဇာတ်ကောင်က ပိုက်ဆံရှိတယ်လေ အားလုံးအတွက် ပိုက်ဆံထုတ်ပေးလို့ရတယ်"
"......."
ကျန်းလော့သည် လူတိုင်းမတူညီသော အခြေအနေများရှိကြောင်း သဘောပေါက်သွားပြီး သူ၏ အံ့ဩနေသော စိတ်ကို ပြန်၍ သိမ်းထားလိုက်ကာ သူပိုင်ဆိုင်သည့် ဒေါ်လာငါးရာကို အသာလေး ပြန်သိမ်းလိုက်သည်။ ထို့နောက် စိုင်လောင်အာ ဝေပေးသော စာအိတ်နီကို ဝင်ယူလိုက်သည်။
"မိနစ်နှစ်ဆယ်တိုင်း ဆိုင်တံခါးတွေပွင့်လာပြီး ဆိုင်ပိုင်ရှင်တွေ အပြင်ထွက်လာမယ်တဲ့ ကြည့်ရတာ ဆိုင်ရှင်တွေအားလုံးက လူတွေကို ဒုက္ခပေးမဲ့ သရဲတွေပဲ ဖြစ်ရမယ်"
ကျန်းလော့သည် သူ့ကိုယ်သူတွေးကြည့်လိုက်သည်။
"ဒီတော့ မိနစ်နှစ်ဆယ် မရောက်ခင်ထိ ငါတို့ဘေးကင်းမှာပဲ ဒါပေမဲ့ မိနစ်နှစ်ဆယ်ကုန်သွားတိုင်း ငါတို့ဝင်ကြည့်နေတဲ့ ဆိုင်တွေက တံခါးပိတ်သွားပြီး ဆိုင်ထဲမှာ ရှိတယ် ဝယ်သူတိုင်းကို ဆိုင်ရှင်တွေက သတ်ပစ်လိမ့်မယ် ပြီးရင်သူတို့က ဆိုင်ထဲက ထွက်လာပြီး မောလ်လမ်းပေါ်မှာ ရှိနေတဲ့ လူတိုင်းကို လိုက်သတ်မှာပဲ မိနစ်နှစ်ဆယ်က ပုံသေသတ်မှတ်ထားတဲ့အချိန်ဆိုပေမဲ့ သူတို့ အချိန်စရေတွက်တဲ့အချိန်ကို ငါတို့မသိဘူး ဒီတော့ ငါတို့ဘာဖြစ်မလဲ စောင့်ကြည့်ဖို့ပဲ တတ်နိုင်တော့တယ်"
YOU ARE READING
ဒီအပြစ်သားက ရှင်သန်လို...(၂) (DTS)
恐怖ဘာသာပြန်သူ - စွဲညို့အသင်း။ တစ်ဦးတည်း ပြန်ဆိုခြင်း မဟုတ်ပါ။ အပိုင်း ၁၁၁ မှ အဆုံးထိ တင်သွားပါမည်။
