جبتلكم قصه جديده ومشوقه وواقعيه نقلا عن صاحبتها بعنوان
#ليته يعلم(اعشقته منذ الصغر)
للكاتبه #شهباء الموسوي
بدايه القصه البارت١
اليوم جمعه .جنت نايمه وكعدت الصبح على صوت المطر ورعيد كلت الله كلش احب المطر وهاي الأجواء والحمد لله اليوم عطله
كمت غسلت وصحصحت نزلت جوة شفتهم مجتمعين ديتريكون
الجده فطوم.تعالي تريكي مدام الجاي حار
كعدت تريكت وكالعاده كلما اشوفه كبالي احس كلبي يدك سريع واعرك باوعت علي خلص ريوك وكام ارتجه ع القنفات مسك المصحف وبدء يقرأ قران. هو كلش ملتزم بصلاته وبقرائه القرآن بما انو اليوم جمعه فلازم يكضي اغلب وقته يقرأ قران
خلصت اكل وكمت شلت المواعين للمطبخ.بعدين صعدت لغرفتي احضر دروسي لان عندي امتحان الأحد
درست شوي ورجعت نزلت شافتني جده فطوم اخذتني بصفحه وكالتلي بصوت واطي
الجده: ان شاء الله فترة نوب ونفض شغلتج انتي وصادق
احس طرت من الفرحه من كالتلي هيج
خلي اعرفكم شوي عني
اني اسمي رنا عمري ١٨سنه عايشه أبيت عمي سالم الجبير الله يرحمه
ابوي وامي توفو بحادث من جان عمري ١٢ سنه طبعا احنه جنه ساكنين باربيل وعمامي ابغداد فمن صار الحادث اخذوني بيت اجدادي يمهم لان مابقالي احد... عندي اخ اصغر مني بسنه اسمه علي يشتغل باربيل وتارك الدراسه
اني الوحيده عايشه أبيت عمي اللي هو نفسه بيت اجدادي .عمي سالم .طبعا عمي سالم رجال جبير وماله غرض بأحد ا.ابنه الجبير صادق عمره تقريبا ٤٠ بدايه الاربعين هو الجبير حالياً بالبيت وصاحب الكلمه والمسؤليه زوجته متوفيه من قبل ٧ سنوات بس هو لي هس مامزوج.
من بعد ماتوفو اهلي وجيت يمهم الجده فطوم اللي هي ام صادق متعوده اسميها الجده لان عدها احفاد يصيحولها جده فطوم .تبقى تلمحلي وتكلي كبري يابنت حتى اخذج لصادق
وبقت هاي السالفه براسي ومع الوكت صرت شوي شوي انجذب اله ومن اشوفه ارتبك وتلخبط وكلبي يدك ع السريع مع العلم هو اكبر مني بهواي.بس صراحه مايبين علي الكبر دايما مرتب.يضل يلبس دشداشه مرات قليل يلبس تراكسود وكلش يهتم بمضهره ونضافته وعطره . هو ملتزم بدينه وصلاته وبقرائه القران.
راح احجيلكم عن اول مره اكتشفت بيها انو اني حبيته خلاص
الجو صيف والدنيا عصر جانت جده فطوم تشطف الشارع وصاحتني تعاونها
اخذت الصونده منها وكمت اشطف
جان يجي صادق واخذ الصونده مني وبده يغسل وجهه بيها
باوعت علي بذيج اللحظه حسيت كلبي يدك ع السريع يريد يطلع من مكانه والشمس عاكسه على وجهو.فد حبيتو بذيج اللحظه
من وكتها عرفت نفسي عندي مشاعر تجاهو
بنات اذا حابات اكمل القصه كتبوا تم طبعا القصه واقعيه من لسان رنا.
أنت تقرأ
#ليته يعلم(أحببته منذ الصغر)
Romanceقصه تتحدث عن فتاة عمرها٢٠ تعيش في بيت عمها بعد أن توفي أبوها وأمها.فوقعت في حب ابن عمها الذي يبلغ من العمر ٤٠ عاما
